കോവിഡ്​: തിക്കോടി സ്വദേശിയുടെ മൃതദേഹം കൊയിലാണ്ടിയിൽ ഖബറടക്കി

കൊയിലാണ്ടി: കോവിഡ് ബാധിച്ച്​ മരിച്ച തിക്കോടി സ്വദേശിയുടെ ഖബറടക്കം കൊയിലാണ്ടിയിൽ നടന്നു. പറമ്പത്ത് മുല്ലക്കോയ തങ്ങളുടെ മൃതദേഹമാണ് കോവിഡ് പ്രോട്ടോകോൾ പ്രകാരം മീത്തലെക്കണ്ടി ഖബർസ്ഥാനിൽ സംസ്​കരിച്ചത്. ഹെൽത്ത് ഇൻസ്​പെക്​ടർ പി.കെ. രമേശൻ, ജെ.എച്ച്.ഐമാരായ കെ.എം. പ്രസാദ്, റഫീഖ് അലി, നഗരസഭ ശുചീകരണ തൊഴിലാളികളായ സുരേന്ദ്രൻ കുന്നോത്ത്, വിജയൻ, സജീവൻ, ജിഷാന്ത് എന്നിവർ നേതൃത്വം നൽകി. സന്നദ്ധപ്രവർത്തകരായ കെ.ടി.വി. ആരിഫ്, ഉബൈദ്, സലീം എന്നിവർ സംബന്ധിച്ചു.