കടൽക്ഷോഭ ഭീതിയിൽ തീരദേശ വാസികൾ

കൊ​യി​ലാ​ണ്ടി: ക​ട​ൽ​ക്ഷോ​ഭ ഭീ​തി​യി​ൽ കൊ​യി​ലാ​ണ്ടി, പൊ​യി​ൽ​ക്കാ​വ്, കാ​പ്പാ​ട് തീ​ര​ദേ​ശ വാ​സി​ക​ൾ. ക​ള്ള​ക്ക​ട​ൽ പ്ര​തി​ഭാ​സ​ത്തി​ന്റെ ഭാ​ഗ​മാ​യും മ​റ്റും തി​ര​ക​ൾ വ​ലി​യ​തോ​തി​ൽ ഉ​യ​രു​മെ​ന്ന അ​റി​യി​പ്പാ​ണ് ക​ട​ലോ​ര വാ​സി​ക​ളെ ഭീ​തി​യി​ലാ​ഴ്ത്തു​ന്ന​ത്.

ക​ട​ലോ​ര ക​രി​ങ്ക​ൽ​ഭി​ത്തി പ​ല സ്ഥ​ല​ത്തും ത​ക​ർ​ന്ന​താ​ണ് ഭീ​തി​ക്ക് കാ​ര​ണം. കൊ​യി​ലാ​ണ്ടി ഫി​ഷി​ങ് ഹാ​ർ​ബ​ർ വ​ന്ന ശേ​ഷ​മാ​ണ് ഇ​ത്ര​യ​ധി​കം ശ​ക്തി​യി​ൽ തി​ര​ക​ൾ ഉ​യ​രാ​ൻ കാ​ര​ണ​മാ​യ​തെ​ന്ന് ക​ട​ലോ​ര വാ​സി​ക​ൾ പ​റ​യു​ന്നു. ത​ക​ർ​ന്ന ഭി​ത്തി​ക്ക് പ​ക​രം അ​തേ മ​ട്ടി​ൽ ക​രി​ങ്ക​ൽ പാ​കി ഭി​ത്തി നി​ർ​മി​ച്ചാ​ൽ പ​രി​ഹാ​ര​മാ​വി​ല്ലെ​ന്ന് സി.​ഡ​ബ്ല്യു.​ആ​ർ.​ഡി.​എം വി​ദ​ഗ്ധ​ർ പ​റ​യു​ന്നു.

പ​ക​രം ദീ​ർ​ഘ​പ​ദ്ധ​തി​യാ​യി ജൈ​വ​വേ​ലി​ക​ളോ അ​നു​യോ​ജ്യ​മാ​യ ക​ണ്ട​ൽ​ക്കാ​ടു​ക​ളോ ന​ട്ടു​വ​ള​ർ​ത്ത​ണ​മെ​ന്ന ആ​ശ​യ​വും അ​വ​ർ മു​ന്നോ​ട്ടു​വെ​ക്കു​ന്നു. എ​ന്നാ​ൽ, ക​ട​ൽ​ഭി​ത്തി​യും തീ​ര​ദേ​ശ റോ​ഡും ത​ക​ർ​ന്ന സ്ഥ​ല​ത്ത് അ​നു​യോ​ജ്യ​മാ​യ സ​മി​തി​യെ കൊ​ണ്ട് പ​ഠ​നം ന​ട​ത്തി​യി​ട്ടു​ണ്ടെ​ന്നും ഈ ​പ​രി​ശോ​ധ​ന ഫ​ലം വ​ന്നാ​ലേ തു​ട​ർ​നി​ർ​മാ​ണം ന​ട​ത്താ​ൻ ക​ഴി​യൂ എ​ന്ന നി​ല​പാ​ടി​ലാ​ണ് അ​ധി​കാ​രി​ക​ൾ.