കൂടത്തായി കൂട്ടക്കൊല: പോസ്റ്റ്മോർട്ടം വേണ്ടെന്ന് പ്രതി ആവർത്തിച്ച് പറഞ്ഞെന്ന് അയൽക്കാരൻ

കോ​ഴി​ക്കോ​ട്: കൂ​ട​ത്താ​യി കൂ​ട്ട​ക്കൊ​ല പ​ര​മ്പ​ര​യി​ൽ റോ​യ് തോ​മ​സ് വ​ധ​ക്കേ​സി​ൽ 23ാം സാ​ക്ഷി കൂ​ട​ത്താ​യി അ​മ്പ​ല​ക്കു​ന്ന​ത്ത് കെ. ​അ​ശോ​ക​ന്റെ വി​സ്താ​രം മാ​റാ​ട് പ്ര​ത്യേ​ക അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി എ​സ്.​ആ​ർ. ശ്യാം​ലാ​ൽ മു​മ്പാ​കെ ബു​ധ​നാ​ഴ്ച ന​ട​ന്നു. ആ​ശാ​രി​പ്പ​ണി​യാ​ണെ​ന്നും പൊ​ന്ന​മ​റ്റം വീ​ടി​ന് അ​ടു​ത്താ​ണ് താ​മ​സ​മെ​ന്നും വീ​ടി​ന്റെ ബാ​ത്റൂ​മി​ന്റെ വാ​തി​ൽ പ​ണി​ത​ത് താ​നാ​ണെ​ന്നും സ്​​പെ​ഷ​ൽ പ്രോ​സി​ക്യൂ​ട്ട​ർ അ​ഡ്വ. എ​ൻ.​കെ. ഉ​ണ്ണി​കൃ​ഷ്ണ​ന്റെ വി​സ്താ​ര​ത്തി​ൽ അ​ശോ​ക​ൻ മൊ​ഴി ന​ൽ​കി.

2011 സെ​പ്റ്റം​ബ​ർ 30ന് ​രാ​ത്രി നേ​ര​ത്തേ വി​സ്ത​രി​ച്ച അ​യ​ൽ​ക്കാ​ര​നാ​യ സാ​ക്ഷി ബാ​വ, റോ​യി തോ​മ​സ് ബാ​ത്റൂ​മി​ൽ ക​യ​റി കു​റ്റി​യി​ട്ട​ശേ​ഷം തു​റ​ക്കു​ന്നി​ല്ലെ​ന്ന് അ​റി​യി​ച്ച​പ്ര​കാ​രം അ​ദ്ദേ​ഹ​ത്തോ​ടൊ​പ്പം ബൈ​ക്കി​ലെ​ത്തി ഉ​ളി​കൊ​ണ്ട് തി​ക്കി വാ​തി​ൽ തു​റ​ന്നു. നി​ല​ത്തു കി​ട​ന്ന റോ​യി​യെ ഓ​മ​ശ്ശേ​രി ശാ​ന്തി ആ​ശു​പ​ത്രി​യി​ലും തു​ട​ർ​ന്ന് കോ​ഴി​ക്കോ​ട് മിം​സ് ആ​ശു​പ​ത്രി​യി​ലും കൊ​ണ്ടു​പോ​ക​വെ കൂ​ടെ പോ​യി.

പ്ര​തി ജോ​ളി​യും കൂ​ടെ വ​ന്നു. മിം​സി​ൽ ഡോ​ക്ട​ർ മ​ര​ണം സ്ഥി​രീ​ക​രി​ച്ച​പ്പോ​ൾ പോ​സ്റ്റ്മോ​ർ​ട്ടം വേ​ണ​മെ​ന്ന് ബ​ന്ധു മ​ഞ്ചാ​ടി​യി​ൽ മാ​ത്യു പ​റ​ഞ്ഞു. എ​ന്നാ​ൽ, ജോ​ളി പോ​സ്റ്റ്മോ​ർ​ട്ടം ആ​വ​ശ്യ​മി​ല്ലെ​ന്ന് പ​റ​ഞ്ഞു. പി​റ്റേ​ന്ന് മിം​സ് ആ​ശു​പ​ത്രി​യി​ൽ ഇ​ൻ​ക്വ​സ്റ്റ് സ​മ​യ​ത്ത് പോ​വു​മ്പോ​ൾ പ്ര​തി ജോ​ളി​യെ വീ​ട്ടി​ൽ ക​യ​റി ക​ണ്ടു.

മ​ര​ണ​ത്തി​ൽ വി​ഷ​മ​മൊ​ന്നും പ്ര​ക​ടി​പ്പി​ക്കാ​ത്ത പ്ര​തി ഹൃ​ദ​യ​സ്തം​ഭ​നം കാ​ര​ണം മ​രി​ച്ച​തി​നാ​ൽ പോ​സ്റ്റ്മോ​ർ​ട്ടം ചെ​യ്യേ​ണ്ടി​യി​രു​ന്നി​ല്ല, മൃ​ത​ദേ​ഹം കൊ​ണ്ടു​വ​ന്നാ​ൽ മ​തി​യാ​യി​രു​ന്നു​വെ​ന്ന് അ​പ്പോ​ഴും പ​റ​ഞ്ഞു​വെ​ന്നു​മാ​ണ് മൊ​ഴി. ജോ​ളി​യു​ടെ അ​ഭി​ഭാ​ഷ​ക​ൻ അ​ഡ്വ. ബി.​എ. ആ​ളൂ​ർ മ​ഹാ​രാ​ഷ്ട്ര​യി​ലാ​യ​തി​നാ​ൽ ​എ​തി​ർ​വി​സ്താ​രം മാ​റ്റ​ണ​മെ​ന്ന് കാ​ണി​ച്ച് അ​പേ​ക്ഷ ന​ൽ​കി​യെ​ങ്കി​ലും കോ​ട​തി ത​ള്ളി.

ജോ​ളി​ക്കൊ​പ്പം ആ​ശു​പ​ത്രി​യി​ൽ​നി​ന്നു തി​രി​ച്ച് കൂ​ടെ പോ​യ ഭാ​ഗ​വും മ​റ്റും പ​റ​യു​ന്ന റി​ട്ട. അ​ധ്യാ​പ​ക​ൻ ആ​ന്റ​ണി കെ.​ജെ​യ​ട​ക്ക​മു​ള്ള സാ​ക്ഷി​ക​ളു​ടെ വി​സ്താ​ര​മാ​ണ് വ്യാ​ഴാ​ഴ്ച നി​ശ്ച​യി​ച്ച​ത്.