കൂടത്തായി കൂട്ട​ക്കൊല; രഹസ്യ വിചാരണക്കെതിരായ ജോളിയുടെ ഹരജി തള്ളി

കൊ​ച്ചി: കൂ​ട​ത്താ​യി കേ​സി​ൽ ര​ഹ​സ്യ​വി​ചാ​ര​ണ ന​ട​ത്തു​ന്ന​തി​നെ​തി​രെ കേ​സി​ലെ മു​ഖ്യ​പ്ര​തി ജോ​ളി​യെ​ന്ന ജോ​ളി​യ​മ്മ ജോ​സ​ഫ് ന​ൽ​കി​യ ഹ​ര​ജി ഹൈ​കോ​ട​തി ത​ള്ളി. തു​റ​ന്ന കോ​ട​തി​യി​ലെ വി​ചാ​ര​ണ പ്ര​തി​ക്കോ സാ​ക്ഷി​ക​ൾ​ക്കോ ബു​ദ്ധി​മു​ട്ടാ​ണെ​ന്ന്​ വ​ന്നാ​ലോ മ​റ്റേ​തെ​ങ്കി​ലും കാ​ര​ണ​ങ്ങ​ളാ​ലോ ജ​ഡ്ജി​ക്ക് ര​ഹ​സ്യ​വി​ചാ​ര​ണ ന​ട​ത്താ​ൻ തീ​രു​മാ​നി​ക്കാ​മെ​ന്ന് വ്യ​ക്ത​മാ​ക്കി​യാ​ണ്​ ജ​സ്റ്റി​സ് ബെ​ച്ചു കു​ര്യ​ൻ തോ​മ​സി​ന്‍റെ ഉ​ത്ത​ര​വ്.

ജോ​ളി ഭ​ർ​ത്താ​വി​നെ​യും ബ​ന്ധു​ക്ക​ളെ​യു​മ​ട​ക്കം അ​ഞ്ചു​പേ​രെ വി​ഷം ന​ൽ​കി കൊ​ല​പ്പെ​ടു​ത്തി​യ കേ​സി​ലാ​ണ്​ ര​ഹ​സ്യ​വി​ചാ​ര​ണ​ക്ക്​ കോ​ട​തി തീ​രു​മാ​നി​ച്ച​ത്. ഇ​തി​നെ​തി​രെ ന​ൽ​കി​യ ഹ​ര​ജി സെ​ഷ​ൻ​സ് കോ​ട​തി ത​ള്ളി​യ സാ​ഹ​ച​ര്യ​ത്തി​ലാ​ണ് ഹൈ​കോ​ട​തി​യെ സ​മീ​പി​ച്ച​ത്. കേ​സി​ൽ മാ​ർ​ച്ച് ഏ​ഴി​ന് കോ​ഴി​ക്കോ​ട് അ​ഡീ. സെ​ഷ​ൻ​സ് കോ​ട​തി​യി​ൽ വി​ചാ​ര​ണ തു​ട​ങ്ങു​ക​യും ചെ​യ്തു.

പ്ര​ത്യേ​കി​ച്ച് കാ​ര​ണ​മി​ല്ലാ​തെ​യാ​ണ് ര​ഹ​സ്യ​വി​ചാ​ര​ണ ന​ട​ത്താ​ൻ കോ​ട​തി ഉ​ത്ത​ര​വ്​ ന​ൽ​കി​യ​തെ​ന്നും ഇ​തു​മൂ​ലം ത​ന്‍റെ ജൂ​നി​യ​ർ​മാ​ർ​ക്കും മാ​ധ്യ​മ​പ്ര​വ​ർ​ത്ത​ക​ർ​ക്കും കോ​ട​തി​യി​ൽ പ്ര​വേ​ശി​ക്കാ​നാ​വാ​ത്ത സ്ഥി​തി​യു​ണ്ടെ​ന്നും ജോ​ളി​യു​ടെ അ​ഭി​ഭാ​ഷ​ക​ൻ വ്യ​ക്ത​മാ​ക്കി. എ​ന്നാ​ൽ, ഈ ​വാ​ദ​ത്തെ അ​ഡീ. പ്രോ​സി​ക്യൂ​ഷ​ൻ ഡ​യ​റ​ക്ട​ർ ജ​ന​റ​ൽ ഗ്രേ​ഷ്യ​സ് കു​ര്യാ​ക്കോ​സ് എ​തി​ർ​ത്തു. കോ​ട​തി​യി​ലെ​ത്തു​മ്പോ​ഴൊ​ക്കെ മാ​ധ്യ​മ​ങ്ങ​ൾ ത​ന്നെ പി​ന്തു​ട​രു​ക​യാ​ണെ​ന്നും കേ​സു​മാ​യി ബ​ന്ധ​മു​ള്ള​തും ഇല്ലാ​ത്ത​തു​മാ​യ നി​ര​വ​ധി കാ​ര്യ​ങ്ങ​ൾ മാ​ധ്യ​മ​ങ്ങ​ൾ പ്ര​ച​രി​പ്പി​ക്കു​ക​യാ​ണെ​ന്നും ജോ​ളി സെ​ഷ​ൻ​സ് കോ​ട​തി​യി​ൽ പ​രാ​തി ന​ൽ​കി​യി​രു​ന്ന​താ​യി അ​ഡീ. പ്രോ​സി​ക്യൂ​ഷ​ൻ ഡ​യ​റ​ക്ട​ർ ജ​ന​റ​ൽ വ്യ​ക്ത​മാ​ക്കി.

ത​ന്‍റെ സ്വ​കാ​ര്യ​ത​പോ​ലും മാ​നി​ക്കു​ന്നി​ല്ലെ​ന്നും ജോ​ളി പ​രാ​തി​പ്പെ​ട്ടി​രു​ന്ന​താ​യും ചൂ​ണ്ടി​ക്കാ​ട്ടി. ഇ​ക്കാ​ര്യ​ങ്ങ​ൾ​കൂ​ടി പ​രി​ഗ​ണി​ച്ചാ​ണ്​ ഹ​ര​ജി ത​ള്ളി​യ​ത്.