കൂ​ട​ത്താ​യി കൂ​ട്ട​ക്കൊ​ല കേ​സ്​; സ​യ​നൈ​ഡ് ഉ​പ​യോ​ഗി​ക്കു​ന്ന​ത് അ​റി​യാ​മെ​ന്ന് സാ​ക്ഷി​മൊ​ഴി

കോ​ഴി​ക്കോ​ട്: കൂ​ട​ത്താ​യി കൂ​ട്ട​ക്കൊ​ല പ​ര​മ്പ​ര​യി​ൽ റോ​യ് തോ​മ​സ് വ​ധ​ക്കേ​സി​ൽ നാ​ലു സാ​ക്ഷി​ക​ളു​ടെ​കൂ​ടി വി​സ്താ​രം മാ​റാ​ട് പ്ര​ത്യേ​ക അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി എ​സ്.​ആ​ർ. ശ്യാം​ലാ​ൽ മു​മ്പാ​കെ പൂ​ർ​ത്തി​യാ​യി.

36ാം സാ​ക്ഷി താ​മ​ര​ശ്ശേ​രി കു​ള​ങ്ങ​ര കെ.​പി. റ​പ്പാ​യി, 37ാം സാ​ക്ഷി അ​ത്തോ​ളി കു​റ്റ്യാ​ൻ​ക​ണ്ടി മൊ​യ്തീ​ൻ കോ​യ, 38ാം സാ​ക്ഷി താ​മ​ര​ശ്ശേ​രി മു​ല്ലേ​രി ക​രു​ണാ​ക​ര​ൻ നാ​യ​ർ, 39ാം സാ​ക്ഷി താ​മ​ര​ശ്ശേ​രി പ​ഞ്ചാ​യ​ത്ത് സെ​ക്ര​ട്ട​റി പി.​കെ. അ​ബ്ദു​ൽ ബ​ഷീ​ർ എ​ന്നി​വ​രെ​യാ​ണ് വി​സ്ത​രി​ച്ച​ത്. ര​ണ്ടാം പ്ര​തി ത​ന്റെ ക​ട​യി​ൽ ജോ​ലി ചെ​യ്തി​രു​ന്ന​താ​യും മൂ​ന്നാം​പ്ര​തി ആ​ഭ​ര​ണ​ങ്ങ​ൾ​ക്ക് നി​റം​കൊ​ടു​ക്കാ​ൻ സ​യ​നൈ​ഡ് ഉ​പ​യോ​ഗി​ച്ചി​രു​ന്ന​താ​യി അ​റി​യാ​മാ​യി​രു​ന്നു​വെ​ന്നും സ്പെ​ഷ​ൽ പ്രോ​സി​ക്യൂ​ട്ട​ർ അ​ഡ്വ. എ​ൻ.​കെ. ഉ​ണ്ണി​കൃ​ഷ്ണ​ന്റെ വി​സ്താ​ര​ത്തി​ൽ റ​പ്പാ​യി മൊ​ഴി ന​ൽ​കി.

മൂ​ന്നാം പ്ര​തി​യു​ടെ ക​ട ന​ട​ത്തു​ന്ന കെ​ട്ടി​ട ഉ​ട​മ​യാ​ണ് താ​നെ​ന്ന് ക​രു​ണാ​ക​ര​ൻ നാ​യ​ർ മൊഴിനൽകി. കോ​ഴി​ക്കോ​ട്ടെ മ​ല​ബാ​ർ ഗോ​ൾ​ഡ് പാ​ല​സി​ൽ ഡെ​പ്യൂ​ട്ടി ഷോ​റൂം ഹെ​ഡ് ആ​ണെ​ന്നും കൂ​ട്ട​ക്കൊ​ല കേ​സി​ൽ ഉ​ൾ​പ്പെ​ട്ട​താ​യി അ​റി​ഞ്ഞ​പ്പോ​ൾ​ത​ന്നെ ത​ന്റെ സ്ഥാ​പ​ന​ത്തി​ൽ ജോ​ലി ചെ​യ്ത ര​ണ്ടാം പ്ര​തി​യെ പി​രി​ച്ചു​വി​ട്ട​താ​യും മൊ​യ്തീ​ൻ​കോ​യ മൊ​ഴി ന​ൽ​കി​യി​ട്ടു​ണ്ട്.

ജ്വ​ല്ല​റി​യു​ടെ ഉ​ട​മ​സ്ഥ​ത​യെ​പ്പ​റ്റി​യും മ​റ്റും പ​ഞ്ചാ​യ​ത്ത് സെ​ക്ര​ട്ട​റി​യും മൊ​ഴി ന​ൽ​കി.

പ്ര​തി​ക​ൾ​ക്കു​വേ​ണ്ടി അ​ഡ്വ. ഷ​ഹീ​ർ സി​ങ്, അ​ഡ്വ. പി. ​കു​മാ​ര​ൻ​കു​ട്ടി എ​ന്നി​വ​ർ സാ​ക്ഷി​ക​ളെ എ​തി​ർ​വി​സ്താ​രം ചെ​യ്തു. റ​പ്പാ​യി​ക്കൊ​പ്പം ജോ​ലി ചെ​യ്ത​താ​യി രേ​ഖ​ക​ളി​ല്ലെ​ന്നും ര​ണ്ടാം പ്ര​തി എം.​എ​സ്. മാ​ത്യു കോ​ഴി​ക്കോ​ട് മ​ല​ബാ​റി​ൽ ജോ​ലി ചെ​യ്ത രേ​ഖ​ക​ളി​ൽ പൊ​ലീ​സ് രേ​ഖ​ക​ളി​ലു​ള്ള​വി​ധം ഷാ​ജി എ​ന്ന പേ​രി​ല്ലാ​ത്ത കാ​ര്യ​വും പ്ര​തി​ഭാ​ഗം ഉ​യ​ർ​ത്തി. ര​ണ്ടാം​പ്ര​തി എം.​എ​സ്. മാ​ത്യു​വി​ന് ഷാ​ജി​യെ​ന്ന പേ​രി​ല്ലെ​ന്നാ​ണ് പ്ര​തി​ഭാ​ഗം വാ​ദം. സാ​ക്ഷി​വി​സ്താ​രം ചൊ​വ്വാ​ഴ്ച തു​ട​രും.