ആര് ഉത്തരം നൽകും, മുഹമ്മദ് ശരീഫിന്റെ കുടുംബത്തിന്റെ കണ്ണുനീരിന്?

കൊ​ടു​വ​ള്ളി: അ​ധി​കൃ​ത​രു​ടെ തി​ക​ഞ്ഞ അ​നാ​സ്ഥ​മൂ​ലം ജീ​വ​ൻ പൊ​ലി​യേ​ണ്ടി​വ​ന്ന നാ​ട്ടു​കാ​രു​ടെ പ്രി​യ​പ്പെ​ട്ട മു​ഹ​മ്മ​ദ് ശ​രീ​ഫ് (38) മാ​സ്റ്റ​റു​ടെ കു​ടും​ബം ചോ​ദി​ക്കു​ന്നു ‘ഞ​ങ്ങ​ളു​ടെ തോ​രാ​ത്ത ക​ണ്ണു​നീ​രി​ന് ആ​ര് ഉ​ത്ത​രം ന​ൽ​കും​?’ മ​ത-​രാ​ഷ്ടീ​യ-​പൊ​തു ഇ​ട​ങ്ങ​ളി​ൽ നി​റ​ഞ്ഞു​നി​ന്നി​രു​ന്ന, കു​ട്ടി​ക​ൾ അ​തി​ര​റ്റ് സ്നേ​ഹി​ച്ചി​രു​ന്ന മ​ട​വൂ​ർ പു​തു​ക്കു​ടി വീ​ട്ടി​ൽ മു​ഹ​മ്മ​ദ് ശ​രീ​ഫ് ജോ​ലി​ചെ​യ്യു​ന്ന ഉ​​ള്ള്യേ​രി എ.​യു.​പി സ്കൂ​ളി​ലേ​ക്കു​ള്ള യാ​ത്ര​ക്കി​ടെ​യാ​ണ് ജൂ​ൺ ര​ണ്ടി​ന് രാ​വി​ലെ ന​ന്മ​ണ്ട​യി​ലെ അ​മ്പ​ല​പൊ​യി​ലി​ൽ​വെ​ച്ച് റോ​ഡ​രി​കി​ലെ ഉ​ണ​ങ്ങി​യ മ​ര​ക്കൊ​മ്പ് ബൈ​ക്കി​ന് മു​ക​ളി​ലേ​ക്ക് പൊ​ട്ടി​വീ​ണ് ബൈ​ക്ക് നി​യ​ന്ത്ര​ണം വി​ട്ടു​മ​റി​ഞ്ഞ് അ​ദ്ദേ​ഹം മ​രി​ച്ച​ത്. ത​ലേ​ന്ന് ഉ​റ​ക്ക​മി​ള​ച്ചി​രു​ന്ന് സ്കൂ​ളി​ലേ​ക്കു​ള്ള ടൈം​ടേ​ബി​ളും ത​യാ​റാ​ക്കി മ​ട​വൂ​രി​ല്‍നി​ന്നും ഉ​ള്ള്യേ​രി​യി​ലേ​ക്ക് അ​തി​രാ​വി​ലെ പോ​ക​വെ​യാ​ണ് കു​ട്ടി​ക​ളു​ടെ പ്രി​യ​പ്പെ​ട്ട അ​ധ്യാ​പ​ക​ന്റെ ദാ​രു​ണാ​ന്ത്യം സം​ഭ​വി​ച്ച​ത്.

അ​പ​ക​ടാ​വ​സ്ഥ​യി​ലാ​യ മ​രം മു​റി​ച്ചു​മാ​റ്റാ​ൻ നാ​ട്ടു​കാ​ർ നി​ര​വ​ധി​ത​വ​ണ ബ​ന്ധ​പ്പെ​ട്ട​വ​ർ​ക്ക് പ​രാ​തി ന​ൽ​കി​യി​ട്ടും ന​ട​പ​ടി​യി​ല്ലാ​തെ​പോ​യ​തു​മൂ​ലം അ​ധി​കാ​രി​ക​ൾ ക്ഷ​ണി​ച്ചു​വ​രു​ത്തി​യ അ​പ​ക​ട മ​ര​ണ​ത്തി​ന് എ​ന്ത് പ്ര​തി​വി​ധി​യാ​ണ് സ്വീ​ക​രി​ക്കു​ക​യെ​ന്നാ​ണ് ശ​രീ​ഫ് മാ​സ്റ്റ​റു​ടെ ബ​ന്ധു​ക്ക​ൾ ചോ​ദി​ക്കു​ന്ന​ത്. സ​മാ​ന​മാ​യ രീ​തി​യി​ൽ ഒ​ട്ടേ​റെ മ​ര​ങ്ങ​ൾ റോ​ഡു​ക​ളി​ലേ​ക്ക് ചാ​ഞ്ഞു അ​പ​ക​ട​ക​ര​മാ​യ രീ​തി​യി​ൽ നി​ൽ​ക്കു​ന്നു​ണ്ട്. ദേ​ശീ​യ​പാ​ത 766ൽ ​പാ​ല​ക്കു​റ്റി​യി​ൽ ക​ഴി​ഞ്ഞ വ​ർ​ഷം സ​മാ​ന​മാ​യ രീ​തി​യി​ൽ കൂ​റ്റ​ൻ മ​രം പൊ​ട്ടി വീ​ണ് വ​ലി​യ ദു​ര​ന്ത​മാ​ണ് ഒ​ഴി​വാ​യ​ത്. പൊ​തു​മ​രാ​മ​ത്ത്, റ​വ​ന്യൂ, ദേ​ശീ​യ​പാ​ത, വ​നം വ​കു​പ്പ് ഉ​ദ്യോ​ഗ​സ്ഥ​ർ ഇ​നി​യെ​ങ്കി​ലും ക​ണ്ണ് തു​റ​ക്ക​ണ​മെ​ന്ന് ആ​ളു​ക​ൾ ആ​വ​ശ്യ​പ്പെ​ടു​ന്നു.

വി​വി​ധ അ​പ​ക​ട മ​ര​ണ​ങ്ങ​ൾ പൊ​തു​സ​മൂ​ഹ​ത്തി​ൽ ച​ർ​ച്ച ചെ​യ്യ​പ്പെ​ടു​മ്പോ​ൾ ശ​രീ​ഫ് മാ​സ്റ്റ​റു​ടെ ദാ​രു​ണ​മാ​യ വി​ട​വാ​ങ്ങ​ല്‍ ച​ര്‍ച്ച ചെ​യ്യേ​ണ്ട​താ​യി​രു​ന്നി​ല്ലേ എ​ന്ന​തും ചോ​ദ്യ​മാ​യി നി​ല​നി​ൽ​ക്കു​ക​യാ​ണ്. ക​ല്ലാ​യി ഗ​വ. യു.​പി സ്കൂ​ളി​ൽ അ​ധ്യാ​പ​ക​നാ​യി​രു​ന്ന പി​താ​വ് അ​ബൂ​ബ​ക്ക​ർ 49ാം വ​യ​സ്സി​ലാ​ണ് കി​ഡ്നി അ​സു​ഖ​ബാ​ധി​ത​നാ​യി മ​രി​ക്കു​ന്ന​ത്. നാ​ലു മ​ക്ക​ളി​ൽ മൂ​ത്ത മ​ക​നാ​യ ശ​രീ​ഫ് പ്ല​സ് ടു​വി​ന് പ​ഠി​ക്കു​മ്പോ​ഴാ​യി​രു​ന്നു പി​താ​വി​ന്റെ മ​ര​ണം. കു​ടും​ബ​ത്തി​ന്റെ ആ​ശ്ര​യ​മാ​യി​രു​ന്ന ശ​രീ​ഫ് പ​ഠ​ന​ത്തോ​ടൊ​പ്പം മ​ത-​സാ​മൂ​ഹി​ക-​സാം​സ്കാ​രി​ക രം​ഗ​ത്ത് പ്ര​വ​ർ​ത്തി​ക്കു​ക​യും സ്വീ​കാ​ര്യ​ത നേ​ടി​യെ​ടു​ക്കു​ക​യും ചെ​യ്തു. 2017ലാ​ണ് സ്കൂ​ളി​ൽ അ​ധ്യാ​പ​ക​നാ​യി സ​ർ​ക്കാ​ർ ജോ​ലി​യി​ൽ പ്ര​വേ​ശി​ച്ച​ത്.

മൂ​ന്നു മ​ക്ക​ളും ഭാ​ര്യ​യു​മ​ട​ങ്ങു​ന്ന​താ​ണ് ശ​രീ​ഫി​ന്റെ കു​ടും​ബം. ജോ​ലി​യി​ല്‍ പ്ര​വേ​ശി​ച്ച് ആ​റു വ​ര്‍ഷം മാ​ത്രം സ​ര്‍വി​സു​ള്ള ഇ​ദ്ദേ​ഹ​ത്തി​ന് ആ​നു​കൂ​ല്യ​മാ​യി പോ​ലും കാ​ര്യ​മാ​യൊ​ന്നും ല​ഭി​ക്കി​ല്ല. ത​ന്റെ ജോ​ലി നി​ര്‍വ​ഹി​ക്കാ​നു​ള്ള യാ​ത്ര​യാ​യ​തി​നാ​ല്‍ ശ​രീ​ഫ് മ​ര​ണ​പ്പെ​ടു​ന്ന​ത് ഔ​ദ്യോ​ഗി​ക കൃ​ത്യ​നി​ര്‍വ​ഹ​ണ​ത്തി​നി​ട​യി​ലാ​ണ്. അ​തി​നാ​ൽ പൊ​തു സം​വി​ധാ​ന​ത്തി​ല്‍നി​ന്ന് വ​ലി​യ ന​ഷ്ട​പ​രി​ഹാ​രം ശ​രീ​ഫി​ന്റെ കു​ടും​ബ​ത്തി​ന് ല​ഭ്യ​മാ​ക്കണ​മെ​ന്ന് ആവശ്യമുയരുന്നുണ്ട്.