കു​തി​ര സ​വാ​രി പ​ഠി​ക്ക​ണോ! ഇ​വി​ടെ​യു​ണ്ട് പ​രി​ശീ​ല​ന​കേ​ന്ദ്രം

കൊ​ടു​വ​ള്ളി (കോഴിക്കോട്​): കു​തി​ര​പ്പു​റ​ത്തി​രു​ന്ന് സ​വാ​രി ന​ട​ത്താ​ൻ ആ​ഗ്ര​ഹ​മു​ണ്ടെ​ങ്കി​ൽ കി​ഴ​ക്കോ​ത്ത് പ​ഞ്ചാ​യ​ത്തി​ലു​ണ്ട്​ അ​തി​നാ​യി ഒ​രു പ​രി​ശീ​ല​ന കേ​ന്ദ്രം. കി​ഴ​ക്കോ​ത്ത് പ​ഞ്ചാ​യ​ത്തി​ലെ ക​ത്ത​റ​മ്മ​ൽ ക​ട​വ് പാ​ല​ത്തി​നു സ​മീ​പം പൂ​നൂ​ർ പു​ഴ​യോ​ര​ത്താ​ണ് കു​തി​ര​സ​വാ​രി പ​രി​ശീ​ല​ന കേ​ന്ദ്ര​മൊ​രു​ക്കി​യി​ട്ടു​ള്ള​ത്. സ്ത്രീ​ക​ള്‍ക്കും കു​ട്ടി​ക​ള്‍ക്കും മു​തി​ർ​ന്ന​വ​ർ​ക്കു​മെ​ല്ലാം കു​തി​ര​സ​വാ​രി പ്ര​ഫ​ഷ​ന​ൽ പ​രി​ശീ​ല​ക​രു​ടെ കീ​ഴി​ൽ പ​ഠി​ക്കാ​നു​ള്ള സം​വി​ധാ​ന​മാ​ണ് ഒ​രു​ക്കി​യി​ട്ടു​ള്ള​ത്.

മൈ​സൂ​രി​ലെ ഡീ​പോ​ൾ കു​തി​ര സ​വാ​രി പ​രി​ശീ​ല​ന കേ​ന്ദ്ര​ത്തി​ലെ പ​രി​ശീ​ല​ക​നാ​യ ചീ​ക്കി​ലോ​ട് സ്വ​ദേ​ശി പി. ​ജാ​ഫ​റി​‍െൻറ നേ​തൃ​ത്വ​ത്തി​ലാ​ണ് പ​രി​ശീ​ല​നം. സു​ഹൃ​ത്തു​ക്ക​ളാ​യ ക​ത്ത​റ​മ്മ​ൽ സ്വ​ദേ​ശി ന​ജീ​ബ്, അ​ബ്​​ദു​ൽ ബാ​സി​ത്ത് ഈ​ന്താ​ട്​ എ​ന്നി​വ​രാ​ണ് സ​ഹാ​യി​ക​ളാ​യി​ട്ടു​ള്ള​ത്. ജി​ല്ല​യി​ലെ​ത​ന്നെ ഏ​ക പ്ര​ഫ​ഷ​ന​ൽ കു​തി​ര​സ​വാ​രി പ​രി​ശീ​ല​ന സ്ഥ​ല​മാ​ണി​തെ​ന്നാ​ണ് ഉ​ട​മ​ക​ൾ പ​റ​യു​ന്ന​ത്.

തി​ക​ച്ചും സാ​ഹ​സി​ക​വും ശ്ര​മ​ക​ര​വു​മാ​യ നാ​ല് പ്ര​ധാ​ന ഘ​ട്ട​ങ്ങ​ളി​ലൂ​ടെ​യാ​ണ് പ​രി​ശീ​ല​നം. 7000 രൂ​പ​യാ​ണ് ഒ​രാ​ളി​ൽ​നി​ന്ന്​ ഈ​ടാ​ക്കു​ന്ന​ത്. കു​തി​ര​സ​വാ​രി തീ​ർ​ത്തും പ​ഠി​ക്കു​ന്ന​തു​വ​രെ പ​രി​ശീ​ല​നം ന​ൽ​കും. ഇ​പ്പോ​ൾ മി​ക​ച്ച പ​രി​ശീ​ല​നം ന​ൽ​കി​യ അ​ഞ്ച് കു​തി​ര​ക​ളെ ഉ​പ​യോ​ഗി​ച്ചാ​ണ് പ​രി​ശീ​ല​നം. ആ​വ​ശ്യ​ക്കാ​ർ​ക്കു​വേ​ണ്ട കു​തി​ര​ക​ളെ എ​ത്തി​ച്ച് പ​രി​ശി​ല​നം ന​ൽ​കി വി​ൽ​പ​ന​യും ഇ​വ​ർ ന​ട​ത്തു​ന്നു​ണ്ട്.

വി​വാ​ഹം, വി​വി​ധ ആ​ഘോ​ഷ​ങ്ങ​ൾ, പ​രി​പാ​ടി​ക​ൾ എ​ന്നി​വ​ക്കെ​ല്ലാം കു​തി​ര​ക​ളെ ഇ​വ​ർ ന​ൽ​കു​ന്നു​ണ്ട്. ഭ​ക്ഷ​ണ​വും മി​ക​ച്ച പ​രി​ച​ര​ണ​വും ന​ൽ​കി വി​വി​ധ ഇ​ന​ത്തി​ല്‍പ്പെ​ട്ട കു​തി​ര​ക​ളെ പ​രി​പാ​ലി​പ്പി​ച്ച് വ​ള​ർ​ത്തു​ക എ​ന്ന​ത് ശ്ര​മ​ക​ര​മാ​ണ്. കൃ​ത്യ​സ​മ​യ​ത്ത് ഭ​ക്ഷ​ണം, വ്യാ​യാ​മം, മ​രു​ന്ന് എ​ന്നി​വ ന​ല്‍ക​ണം. ഒ​രു കു​തി​ര​ക്ക് 750 രൂ​പ​യോ​ള​മാ​ണ് ഒ​രു ദി​വ​സ​ത്തെ ചെ​ല​വു​വ​രു​ന്ന​ത്. യു​വാ​ക്ക​ളു​ൾ​പ്പെ​ടെ നി​ര​വ​ധി പേ​ർ കു​തി​ര​പ​രി​ശീ​ല​ന​ത്തി​നാ​യി എ​ത്തു​ന്ന​താ​യി ഉ​ട​മ​ക​ൾ പ​റ​ഞ്ഞു.