ഇന്ന് പാലിയേറ്റീവ് ദിനം: സന്നദ്ധ സേവകരായി ഡോക്ടർ ദമ്പതികൾ

കൊ​ടി​യ​ത്തൂ​ർ (കോഴിക്കോട്): സാ​ന്ത്വ​ന പ​രി​ച​ര​ണ രം​ഗ​ത്ത് വ്യ​ത്യ​സ്ത​മാ​യ പ്ര​വ​ർ​ത്ത​ന​വു​മാ​യി ഡോ​ക്ട​ർ ദ​മ്പ​തി​ക​ൾ. ശ്യാം ​മു​ത​ലി​യാ​രും ഭാ​ര്യ ആ​നി ശ്യാ​മു​മാ​ണ് അ​ഞ്ചു വ​ർ​ഷ​ത്തി​ല​ധി​ക​മാ​യി പാ​ലി​യേ​റ്റി​വ് മേ​ഖ​ല​യി​ൽ സൗ​ജ​ന്യ​മാ​യി സേ​വ​നം ചെ​യ്തു​വ​രു​ന്ന​ത്. 50 വ​ർ​ഷ​ത്തോ​ളം ല​ണ്ട​നി​ലും ടൊ​റോ​ന്‍റൊ​യി​ലും സേ​വ​ന​മ​നു​ഷ്ഠി​ച്ച ശ്യാം ​മു​ത​ലി​യാ​ർ ഫി​സി​ഷ​നും പ​ക്ഷാ​ഘാ​ത പു​ന​ര​ധി​വാ​സ പ​രി​ശീ​ല​ക​നു​മാ​ണ്. മ​ദ്രാ​സ് ഗ​വ. ജ​ന​റ​ൽ ആ​ശു​പ​തി​യി​ൽ നി​ന്ന് ഫി​സി​യോ​തെ​റ​പ്പി​യി​ൽ സ്വ​ർ​ണ​മെ​ഡ​ൽ നേ​ടി​യ ഭാ​ര്യ ആ​നി ശ്യാം ​ടൊ​റോ​ന്‍റൊ​യി​ൽ പ​ക്ഷാ​ഘാ​ത പു​ന​ര​ധി​വാ​സം പ​രി​ശീ​ലി​ക്കു​ക​യാ​യി​രു​ന്നു. 25 വ​ർ​ഷ​ത്തോ​ളം വി​വി​ധ രാ​ജ്യ​ങ്ങ​ളി​ൽ ചി​കി​ത്സ ന​ട​ത്തി​യി​ട്ടു​ണ്ട്.

നാ​ട്ടി​ൽ തി​രി​ച്ചെ​ത്തി​യ​തോ​ടെ രോ​ഗം കാ​ര​ണം കി​ട​പ്പി​ലാ​യ​വ​ർ​ക്കാ​യി സ​ന്ന​ദ്ധ സേ​വ​ന​ത്തി​ന് ത​യാ​റാ​യി​രി​ക്കു​ക​യാ​ണ് ഈ ​ഡോ​ക്ട​ർ​മാ​ർ. കൊ​ടി​യ​ത്തൂ​ർ, മു​ക്കം, തി​രു​വ​മ്പാ​ടി, കൂ​ട​ര​ഞ്ഞി എ​ന്നി​വി​ട​ങ്ങ​ളി​ലെ സാ​ന്ത്വ​ന​പ​രി​ച​ര​ണ കേ​ന്ദ്ര​ങ്ങ​ളി​ൽ സൗ​ജ​ന്യ​മാ​യി രോ​ഗി​ക​ളെ പ​രി​ശോ​ധി​ക്കു​ക​യും നി​ർ​ദേ​ശ​ങ്ങ​ൾ ന​ല്‍കു​ക​യും ചെ​യ്യു​ന്നു​ണ്ട്. കോ​വി​ഡ് പ​ശ്ചാ​ത്ത​ല​ത്തി​ൽ ഡോ​ക്ട​ർ ദ​മ്പ​തി​ക​ളു​ടെ സേ​വ​നം രോ​ഗി​ക​ള്‍ക്ക് വി​ഡി​യോ കോ​ള്‍ വ​ഴി​യോ, ഫോ​ണ്‍ കോ​ള്‍ വ​ഴി​യോ ന​ൽ​കും. ഗ്രാ​മ​പ്ര​ദേ​ശ​ത്തി​ൽ ഇ​രു​പ​ത്തി​നാ​ലു മ​ണി​ക്കൂ​റും പ്ര​വ​ർ​ത്തി​ക്കു​ന്ന പാ​ലി​യേ​റ്റീ​വ് കെ​യ​റാ​ണ്​ കൊ​ടി​യ​ത്തൂ​രി​ലേ​ത്.

ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ഉ​ന്ന​മ​ന​ത്തി​നും ഇ​വ​ർ ര​ണ്ട് പേ​രും മു​ന്നി​ലു​ണ്ട്. ത​മി​ഴ്‌​നാ​ട്ടി​ലെ ഭി​ന്ന ശേ​ഷി​ക്കാ​രു​ടെ ഉ​ന്ന​മ​ന​ത്തി​നാ​യു​ള്ള 'സ്പാ​സ്റ്റി​ക് സൊ​സൈ​റ്റി'​യു​ടെ ഡ​യ​റ​ക്ട​റാ​യി​രു​ന്നു ആ​നി ശ്യം. ​കോ​ഴി​ക്കോ​ട് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന സെ​റി​ബ​ൽ​പാ​ൾ​സി എ​ന്ന കൂ​ട്ടാ​യ്‌​മ ഭി​ന്ന​ശേ​ഷി കു​ട്ടി​ക​ളു​ടെ കു​ടും​ബ​ത്തി​ന് ന​ൽ​കു​ന്ന ക്ലാ​സു​ക​ൾ​ക്കും കൗ​ൺ​സ​ലി​ങ്ങു​ക​ൾ​ക്കും നേ​തൃ​ത്വം ന​ൽ​കു​ന്നു​ണ്ട്.

ഹൃ​ദ​യ​ത്തോ​ടു ചേ​ർ​ത്തു​പി​ടി​ച്ച് നെ​സ്റ്റ്

കൊ​യി​ലാ​ണ്ടി: അ​വ​ശ​ത അ​നു​ഭ​വി​ക്കു​ന്ന​വ​ർ​ക്ക് കൈ​ത്താ​ങ്ങാ​യി പാ​ലി​യേ​റ്റി​വ് രം​ഗ​ത്ത് ശ്ര​ദ്ധേ​യ പ്ര​വ​ർ​ത്ത​ന​ങ്ങ​ൾ ന​ട​ത്തി കൊ​യി​ലാ​ണ്ടി നെ​സ്റ്റ് 17ാം വ​ർ​ഷ​ത്തി​ലേ​ക്ക്. നി​സ്സ​ഹാ​യ​യാ​യ ഒ​രു അ​മ്മ​ക്ക് ത​ണ​ലേ​കി 2005ലാ​യി​രു​ന്നു തു​ട​ക്കം. തെ​രു​വി​ലേ​ക്കി​റ​ക്കാ​തെ കൈ​ചേ​ർ​ത്തു​പി​ടി​ച്ചു.

അ​പ്പോ​ൾ ഒ​രു രൂ​പ പോ​ലും ഇ​തി​ൽ താ​ൽ​പ​ര്യ​മെ​ടു​ത്ത​വ​രു​ടെ കൈ​യി​ൽ ഉ​ണ്ടാ​യി​രു​ന്നി​ല്ല. നി​ശ്ച​യ​ദാ​ർ​ഢ്യം മാ​ത്ര​മാ​യി​രു​ന്നു കൈ​മു​ത​ൽ. പി​ന്നെ നെ​സ്റ്റ് വ​ള​ർ​ന്നു. 5,900 രോ​ഗി​ക​ൾ ഇ​തു​വ​രെ സ്നേ​ഹ​വും പ​രി​ച​ര​ണ​വും ഏ​റ്റു​വാ​ങ്ങി. 3830 രോ​ഗി​ക​ൾ​ക്ക് അ​വ​സാ​ന നി​മി​ഷ​ങ്ങ​ളി​ൽ സാ​ന്ത്വ​ന​വും ആ​ശ്വാ​സ​വും പ​ക​ർ​ന്നു. ത​ള​ർ​ന്നു​പോ​യ കു​ടും​ബാം​ഗ​ങ്ങ​ൾ​ക്ക് ധൈ​ര്യ​വും ആ​ശ​യ​വു​മാ​ണ് നെ​സ്റ്റ്. 12,000ത്തോ​ളം ഒ.​പി​ക​ളി​ലാ​യി 3000ത്തോ​ളം അ​ർ​ബു​ദ രോ​ഗി​ക​ളും 1500, പ്രാ​യം​കൊ​ണ്ട് ബു​ദ്ധി​മു​ട്ടി​യ​വ​രും അ​ത്ര​യും​ത​ന്നെ മ​റ്റു രോ​ഗ​ങ്ങ​ളാ​ൽ വ​ല​ഞ്ഞ​വ​രും നെ​സ്റ്റി​ന്‍റെ സേ​വ​നം ല​ഭി​ച്ച​വ​രാ​ണ്.

നെ​സ്റ്റ് പാ​ലി​യേ​റ്റി​വ് പു​തു​വ​ർ​ഷ​ത്തി​ൽ പു​തി​യ പ​ദ്ധ​തി​ക​ളു​മാ​യി മു​ന്നോ​ട്ടു​പോ​വു​ക​യാ​ണ്. ദീ​ർ​ഘ​കാ​ല​മാ​യി കി​ട​പ്പാ​യ രോ​ഗി​ക​ൾ​ക്കും അ​വ​രെ പ​രി​ച​രി​ക്കു​ന്ന​വ​ർ​ക്കും കു​ടും​ബ​ത്തി​നും ആ​ശ്വാ​സ​മെ​ന്ന നി​ല​ക്ക് ഇ​ൻ​പേ​ഷ്യ​ന്‍റ്​ യൂ​നി​റ്റ് ആ​രം​ഭി​ക്കും.

രോ​ഗി​യു​ടെ​യും കു​ടും​ബ​ത്തി​ന്‍റെ​യും ആ​ത്മാ​ഭി​മാ​ന​ത്തി​ന് ക്ഷ​തം വ​രു​ത്താ​ത്ത രീ​തി​യി​ൽ എ​ല്ലാ പ​രി​ച​ര​ണ​ങ്ങ​ളും വ​ള​രെ സൂ​ക്ഷ്മ​ത​യോ​ടെ ന​ട​ത്തി​വ​രു​ന്നു. ആ​ഴ്ച​യി​ൽ മൂ​ന്നു​ദി​വ​സം പാ​ലി​യേ​റ്റി​വ് പ​രി​ച​ര​ണ​ത്തി​ൽ നൈ​പു​ണ്യം നേ​ടി​യ പ്ര​ഗ​ല്​​ഭ​രാ​യ ഡോ​ക്ട​ർ​മാ​രു​ടെ ഒ.​പി സേ​വ​ന​വും നാ​ലു ദി​വ​സം ഡോ​ക്ട​ർ​മാ​രു​ടെ നേ​തൃ​ത്വ​ത്തി​ൽ വീ​ടു​ക​ളി​ൽ ചെ​ന്നു​ള്ള പ്ര​വ​ർ​ത്ത​ന​വും നെ​സ്റ്റ് ന​ട​ത്തു​ന്നു. 24 മ​ണി​ക്കൂ​ർ പാ​ലി​യേ​റ്റി​വ് സ​ർ​വി​സ് ന​ട​ത്തു​ന്നു. കൊ​യി​ലാ​ണ്ടി ന​ഗ​ര​സ​ഭ കൂ​ടാ​തെ സ​മീ​പ​ത്തെ ഏ​ഴു പ​ഞ്ചാ​യ​ത്തു​ക​ളി​ലും സേ​വ​നം ല​ഭി​ക്കു​ന്നു. മെ​ഡി​സി​ൻ വി​ത​ര​ണം, മാ​ന​സി​ക വെ​ല്ലു​വി​ളി നേ​രി​ടു​ന്ന​വ​ർ​ക്ക് ഒ.​പി, ഹോം ​കെ​യ​ർ രോ​ഗി​ക​ൾ​ക്ക് ഉ​പ​ക​ര​ണ​ങ്ങ​ൾ എ​ന്നി​വ നെ​സ്റ്റ് ന​ൽ​കു​ന്നു.

യു​വ​ത​ല​മു​റ സേ​വ​ന​ത്തി​ന്‍റെ മ​ഹ​ത്വം പ​ക​ർ​ന്ന് കാ​മ്പ​സ് ഇ​നീ​ഷ്യേ​റ്റി​വ് എ​ന്ന പേ​രി​ൽ രം​ഗ​ത്തു​ണ്ട്. വ​നി​ത വി​ങ്ങും സ​ജീ​വ​മാ​ണ്. ഇം​ഗ്ല​ണ്ടി​ലെ ടി​സൈ​ഡ്‌ യൂ​നി​വേ​ഴ്സി​റ്റി, ആസ്ട്രേ​ലി​യ​യി​ലെ ക്യൂ​ൻ​സ് ലാ​ൻ​ഡ് യൂ​നി​വേ​ഴ്സി​റ്റി എ​ന്നി​വ നെ​സ്റ്റി​ന്‍റെ പ്ര​വ​ർ​ത്ത​നം പ​ഠ​ന​വി​ധേ​യ​മാ​ക്കിയിട്ടുണ്ട്​..