കോഴിയെ വിഴുങ്ങിയ മലമ്പാമ്പിനെ പിടികൂടി

കൊടിയത്തൂർ: കൂട്ടിൽ കയറി കോഴിയെ വിഴുങ്ങിയ മലമ്പാമ്പിനെ ഫോറസ്റ്റ് അധികൃതരുടെ നേതൃത്വത്തിൽ പിടികൂടി. കാരക്കുറ്റി വിളക്കോട്ടിൽ റഹ്മത്തിന്റെ കോഴിക്കൂട്ടിൽ കയറിയ മലമ്പാമ്പിനെയാണ് പിടികൂടിയത്. രണ്ടര മീറ്റർ നീളമുള്ള മലമ്പാമ്പ് കോഴിയെ വിഴുങ്ങിയ അവസ്ഥയിലായിരുന്നു.

നാട്ടുകാരുടെ നിർദേശത്തെത്തുടർന്ന് ഫോറസ്റ്റ് വിഭാഗത്തിലെ പാമ്പുപിടിത്ത വിദഗ്ധൻ കബീർ എത്തിയാണ് പാമ്പിനെ പിടികൂടിയത്. പാമ്പിനെ താമരശ്ശേരി ഫോറസ്റ്റ് ഓഫിസിലെ ആർ.ആർ.ടിക്ക് കൈമാറി.