തരിശുനിലങ്ങളിൽ വിജയം കൊയ്ത് സലാം

കൊടിയത്തൂർ: വർഷങ്ങളായി തരിശുകിടക്കുന്ന നിലങ്ങൾ പച്ചക്കറി കൃഷിക്കായി ഒരുക്കി പൊന്നു വിളയിക്കുകയാണ്‌ കർഷകനായ അബ്​ദുസ്സലാം നീരൊലിപ്പിൽ. തരിശുനിലങ്ങളെ പച്ചക്കറി കൃഷിക്ക് യോഗ്യമാക്കുന്നതിൽ കുറച്ചൊന്നുമല്ല ഈ കർഷകൻ വിജയിച്ചത്.

മൂന്നര ഏക്കറിലധികം പാട്ടത്തിനെടുത്താണ് ഇത്തവണ കൃഷിയിറക്കിയത്. കഴിഞ്ഞ വർഷങ്ങളിലും ഈ കർഷകൻ വിജയം കൊയ്തിരുന്നു. ജൈവകൃഷിയിറക്കി തരിശുനിലങ്ങളിൽ മികച്ച വിളവു നേടുന്നതാണ്​ സലാമി െൻറ മികവ്​. കോഴിയും താറാവും മറ്റു പക്ഷികളുമാണ് ഇതര വരുമാന മാർഗങ്ങൾ. മൂന്നര ഏക്കറിൽ വീണ്ടും കൃഷിയിറക്കി വിളവിനായി കാത്തിരിക്കുകയാണ് അബ്​ദുസ്സലാം എന്ന ജൈവ കർഷകൻ.