പാതിവഴിയിലായി റോഡ് നവീകരണം: യാത്ര ദുഷ്കരം, പൊടിശല്യത്തിൽ പൊ​റു​തി​മു​ട്ടി നാട്ടുകാർ

കൊ​ടി​യ​ത്തൂ​ർ: കോ​ട്ട​മ്മ​ൽ അ​ങ്ങാ​ടി മു​ത​ൽ ചു​ള്ളി​ക്കാ​പ​റ​മ്പ് വ​രെ റോ​ഡ് ന​വീ​ക​ര​ണ പ്ര​വൃ​ത്തി പാ​തി​വ​ഴി​യി​ലാ​യ​തോ​ടെ പൊ​ടി​ശ​ല്യ​ത്തി​ൽ പൊ​റു​തി​മു​ട്ടി ജ​ന​ങ്ങ​ൾ. 2021 ഫെ​ബ്രു​വ​രി​യി​ൽ അ​ന്ന​ത്തെ എം.​എ​ൽ.​എ​യാ​യി​രു​ന്ന ജോ​ർ​ജ് എം. ​തോ​മ​സ് പ്ര​വൃ​ത്തി ഉ​ദ്‌​ഘാ​ട​നം നി​ർ​വ​ഹി​ച്ച മ​ണാ​ശ്ശേ​രി ചു​ള്ളി​ക്കാ​പ്പ​റ​മ്പ് റോ​ഡ് ന​വീ​ക​ര​ണ​ത്തി​ന്റെ ഭാ​ഗ​മാ​യു​ള്ള റോ​ഡാ​ണി​ത്.

36 കോ​ടി രൂ​പ​യാ​ണ് കി​ഫ്ബി മു​ഖേ​ന അ​നു​മ​തി ല​ഭി​ച്ച​ത്. ഉ​ദ്യോ​ഗ​സ്ഥ​രും വി​ദ്യാ​ർ​ഥി​ക​ളു​മ​ട​ക്കം നി​ര​വ​ധി പേ​ർ ആ​ശ്ര​യി​ക്കു​ന്ന കൊ​ടി​യ​ത്തൂ​ർ കോ​ട്ട​മ്മ​ൽ മു​ത​ൽ ചു​ള്ളി​ക്കാ​പ​റ​മ്പ് റോ​ഡി​ലൂ​ടെ​യു​ള്ള യാ​ത്ര ദു​ഷ്ക​ര​മാ​ണ്. പ്ര​വൃ​ത്തി മ​ന്ദ​ഗ​തി​യി​ലാ​യ​തും വാ​ഹ​ന​ങ്ങ​ളു​ടെ ആ​ധി​ക്യ​വും കാ​ര​ണം റോ​ഡി​ന് സ​മീ​പ​മു​ള്ള ക​ട​ക​ളി​ലും വ​ലി​യ പൊ​ടി​ശ​ല്യ​മാ​ണെ​ന്നാ​ണ് ക​ച്ച​വ​ട​ക്കാ​ർ പ​റ​യു​ന്ന​ത്.

ജ​ൽ ജീ​വ​ൻ പ​ദ്ധ​തി​യു​ടെ പ്ര​വൃ​ത്തി​യു​ള്ള​തി​നാ​ലും സൗ​ത്ത് കൊ​ടി​യ​ത്തൂ​ർ, ചു​ള്ളി​ക്കാ​പ​റ​മ്പ് എ​ന്നി​വി​ട​ങ്ങ​ളി​ൽ സ്ഥ​ല​വു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​വാ​ത്ത​തു​മാ​ണ് പ്ര​വൃ​ത്തി​യു​ടെ മെ​ല്ലെ​പ്പോ​ക്കി​ന് കാ​ര​ണ​മെ​ന്ന് ക​രാ​ർ ക​മ്പ​നി​യാ​യ കെ.​കെ. ബി​ൽ​ഡേ​ഴ്‌​സ്‌ എ​ൻ​ജി​നീ​യ​ർ ശാ​ഹു​ൽ ഹ​മീ​ദ് പ​റ​ഞ്ഞു.

കോ​ട്ട​മ്മ​ൽ അ​ങ്ങാ​ടി​യി​ലെ ഡ്രെ​യ്നേ​ജ് സം​വി​ധാ​നം എ​ത്ര​യും വേ​ഗം പൂ​ർ​ത്തീ​ക​രി​ക്ക​ണ​മെ​ന്നും നാ​ട്ടു​കാ​രെ​യും ക​ട​ക്കാ​രെ​യും ഏ​റെ ബു​ദ്ധി​മു​ട്ടി​ക്കു​ന്ന പൊ​ടി​ശ​ല്യ​ത്തി​ന് അ​റു​തി​യു​ണ്ടാ​ക്ക​ണ​മെ​ന്നും ആ​വ​ശ്യ​പ്പെ​ട്ട് ശാ​ഹു​ൽ ഹ​മീ​ദു​മാ​യി വാ​ർ​ഡ് അം​ഗം ടി.​കെ. അ​ബൂ​ബ​ക്ക​റും വെ​ൽ​ഫെ​യ​ർ പാ​ർ​ട്ടി പ്ര​തി​നി​ധി​ക​ളും ച​ർ​ച്ച ന​ട​ത്തി. എ​ത്ര​യും വേ​ഗം പ​രി​ഹാ​ര ന​ട​പ​ടി​ക​ളു​ണ്ടാ​കു​മെ​ന്ന് അ​ദ്ദേ​ഹം ഉ​റ​പ്പു​ന​ൽ​കി.