കൊടിയത്തൂരിൽ ബസ് ജീവനക്കാരും ഓട്ടോ തൊഴിലാളികളും തമ്മില്‍ സംഘര്‍ഷം

കൊ​ടി​യ​ത്തൂ​ര്‍: ബ​സ് ജീ​വ​ന​ക്കാ​രും ഓ​ട്ടോ തൊ​ഴി​ലാ​ളി​ക​ളും ത​മ്മി​ല്‍ കോ​ട്ട​മ്മ​ൽ അ​ങ്ങാ​ടി​യി​ൽ വാ​ക്കേ​റ്റ​ത്തെ തു​ട​ർ​ന്ന് സം​ഘ​ർ​ഷം. മു​ക്കം- ചെ​റു​വാ​ടി റൂ​ട്ടി​ല്‍ ഓ​ടു​ന്ന ബ്ല​സി​ങ്​ ബ​സി​ലെ ജീ​വ​ന​ക്കാ​രും ഓ​ട്ടോ തൊ​ഴി​ലാ​ളി​ക​ളും ത​മ്മി​ലാ​ണ് സം​ഘ​ര്‍ഷ​മു​ണ്ടാ​യ​ത്.​ബ​സ്​​സ്​​റ്റോ​പ്പി​ല്‍നി​ന്ന്​ യാ​ത്ര​ക്കാ​രെ ഓ​ട്ടോ​യി​ല്‍ ക​യ​റ്റി​യ​താ​ണ് സം​ഘ​ര്‍ഷ​ത്തി​ന് കാ​ര​ണം. ചെ​റു​വാ​ടി​യി​ല്‍നി​ന്ന്​ മു​ക്കം ഭാ​ഗ​ത്തേ​ക്ക് വ​രു​ന്ന ബ​സി​ല്‍ ക​യ​റേ​ണ്ട യാ​ത്ര​ക്കാ​രെ ചു​ള്ളി​ക്കാ​പ​റ​മ്പി​ല്‍ വെ​ച്ച് കൊ​ടി​യ​ത്തൂ​രി​ലു​ള്ള ഓ​ട്ടോ​യി​ല്‍ ക​യ​റ്റി​യ​ത് ബ​സ് ജീ​വ​ന​ക്കാ​ര്‍ ചോ​ദ്യം ചെ​യ്യു​ക​യും ഓ​ട്ടോ​യു​ടെ താ​ക്കോ​ല്‍ ഊ​രി വാ​ങ്ങു​ക​യും ചെ​യ്യു​ക​യു​മാ​യി​രു​ന്നു.

എ​ന്നാ​ൽ, ത‍െൻറ മാ​താ​വി​നെ ക​യ​റ്റാ​നാ​ണ് ചു​ള്ളി​ക്കാ​പ​റ​മ്പി​ല്‍ എ​ത്തി​യ​തെ​ന്നും വ​ഴി​യി​ൽ ത​ട​ഞ്ഞു നി​ർ​ത്തി താ​ക്കോ​ൽ ഊ​രി​വാ​ങ്ങു​ക​യാ​ണു​ണ്ടാ​യ​തെ​ന്നും ഓ​ട്ടോ തൊ​ഴി​ലാ​ളി സു​ധീ​ർ പ​റ​ഞ്ഞു. കൊ​ടി​യ​ത്തൂ​ര്‍ അ​ങ്ങാ​ടി​യി​ല്‍ ഓ​ട്ടോ തൊ​ഴി​ലാ​ളി​ക​ള​ട​ങ്ങു​ന്ന നാ​ട്ടു​കാ​ർ വാ​ഹ​നം ത​ട​െ​ഞ്ഞ​ങ്കി​ലും ബ​സ് മു​ന്നോ​ട്ടെ​ടു​ക്കാ​ന്‍ ശ്ര​മി​ച്ചു. ഇ​തോ​ടെ സു​ധീ​റി‍െൻറ ഓ​ട്ടോ​യി​ലി​ടി​ക്കു​ക​യും നി​ര​വ​ധി ​െബെ​ക്കു​ക​ള്‍ ഇ​ടി​ച്ചി​ടു​ക​യും ചെ​യ്ത​താ​യി ദൃ​ക്‌​സാ​ക്ഷി​ക​ൾ പ​റ​ഞ്ഞു . ഇ​തോ​ടെ നാ​ട്ടു​കാ​രും ഓ​ട്ടോ തൊ​ഴി​ലാ​ളി​ക​ളും ജീ​വ​ന​ക്കാ​രും ത​മ്മി​ൽ സം​ഘ​ര്‍ഷ​മാ​യി. ബ​സി‍െൻറ മു​ന്‍ വ​ശ​ത്തെ​ചി​ല്ല് ത​ക​ർ​ന്നു. മു​ക്കം പൊ​ലീ​സ് സ്ഥ​ല​ത്തെ​ത്തി രം​ഗം ശാ​ന്ത​മാ​ക്കി . സം​ഭ​വ​ത്തി​ല്‍ പ​രി​ക്കേ​റ്റ ഓ​ട്ടോ ഡ്രൈ​വ​ര്‍ സു​ധീ​ര്‍ കു​യ്യി​ല്‍, മാ​താ​വ് ഉ​മ്മ​ത്തി, സ​ഹോ​ദ​ര​ന്‍ ഫി​റോ​സ് എ​ന്നി​വ​രെ മ​ണാ​ശ്ശേ​രി കെ.​എം.​സി.​ടി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.