ജോലി നഷ്ടമാകില്ല; പാലിയേറ്റിവ് കെയർ നഴ്സുമാർക്ക് ആശ്വാസമായി സർക്കാർ നടപടി

ക​ക്കോ​ടി: പാ​ലി​യേ​റ്റി​വ് കെ​യ​ർ ന​ഴ്സു​മാ​രെ ത​ദ്ദേ​ശ സ്വ​യം​ഭ​ര​ണ വ​കു​പ്പ് അ​ന​ധി​കൃ​ത​മാ​യി പി​രി​ച്ചു​വി​ടു​മെ​ന്ന ആ​ശ​ങ്ക​ക്ക് അ​റു​തി​വ​രു​ത്തി സ​ർ​ക്കാ​ർ ഉ​ത്ത​ര​വ്. ഇ​ത് ജോ​ലി ന​ഷ്ട​മാ​കു​മെ​ന്ന ആ​ശ​ങ്ക​യി​ൽ ക​ഴി​ഞ്ഞ നൂ​റു​ക​ണ​ക്കി​ന് ആ​രോ​ഗ്യ പ്ര​വ​ർ​ത്ത​ക​ർ​ക്ക് ആ​ശ്വാ​സ​മാ​യി. 2003 മു​ത​ൽ പ്ര​തി​മാ​സം മൂ​വാ​യി​രം രൂ​പ​ക്കു​മു​ത​ൽ ജോ​ലി ചെ​യ്ത് തു​ട​ങ്ങി​യ​വ​രും ഇ​പ്പോ​​ഴും ജോ​ലി​യി​ൽ തു​ട​രു​ന്ന​വ​രു​മാ​യ പാ​ലി​യേ​റ്റി​വ് കെ​യ​ർ ന​ഴ്സു​മാ​രെ പ്രോ​ജ​ക്ട് നി​ല​നി​ൽ​ക്കു​ന്നി​ട​ത്തോ​ളം കാ​ലം പി​രി​ച്ചു​വി​ടാ​ൻ പാ​ടി​​ല്ലെ​ന്ന ഉ​ത്ത​ര​വാ​ണ് ആ​രോ​ഗ്യ പ്ര​വ​ർ​ത്ത​ക​രു​ടെ ജോ​ലി​സു​ര​ക്ഷ ഉ​റ​പ്പാ​ക്കി​യ​ത്.

സ​ർ​ക്കാ​റി​ന്റെ മു​ൻ ഉ​ത്ത​ര​വ് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ തെ​റ്റാ​യ രീ​തി​യി​ൽ വ്യാ​ഖ്യാ​നി​ച്ച​തി​നെ​ത്തു​ട​ർ​ന്നാ​ണ് അ​ടി​യ​ന്ത​ര പ്രാ​ധാ​ന്യ​ത്തോ​ടെ പു​തി​യ ഉ​ത്ത​ര​വി​റ​ക്കി​യ​ത്.

2003 വ​ർ​ഷം മു​ത​ൽ ജോ​ലി ചെ​യ്ത് തു​ട​ങ്ങി​യ​വ​രും ഇ​പ്പോ​ഴും സ​ർ​വി​സി​ൽ തു​ട​രു​ന്ന​വ​രും എ​ന്ന മാ​ന​ദ​ണ്ഡ​മു​ള്ള​വ​രെ മാ​ത്ര​മാ​ണ് ഉ​ത്ത​ര​വി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​തെ​ന്നും അ​തി​നു​ശേ​ഷം ജോ​ലി​യി​ൽ പ്ര​വേ​ശി​ച്ച​വ​രെ പി​രി​ച്ചു​വി​ടു​ന്ന​തി​ൽ ത​ട​സ്സ​മി​ല്ല എ​ന്നും വ്യാ​ഖ്യാ​നി​ച്ച് ന​ഴ്സു​മാ​രെ പി​രി​ച്ചു​വി​ടാ​നു​ള്ള നീ​ക്കം ചി​ല ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ ന​ട​ത്തി​യി​രു​ന്ന​താ​ണ് ആ​ശ​ങ്ക തീ​ർ​ത്ത​ത്.

സ​ർ​ക്കാ​ർ ഇ​ക്കാ​ര്യം വി​ശ​ദ​മാ​യി പ​രി​ശോ​ധി​ച്ച​ശേ​ഷ​മാ​ണ് 2003ലും ​തു​ട​ർ​ന്നു​ള്ള വ​ർ​ഷ​ങ്ങ​ളി​ലും ജോ​ലി ചെ​യ്ത് തു​ട​ങ്ങി​യ​വ​രും ഇ​പ്പോ​ഴും ജോ​ലി​യി​ൽ തു​ട​രു​ന്ന​വ​രു​മാ​യ പാ​ലി​യേ​റ്റി​വ് കെ​യ​ർ ന​ഴ്സു​മാ​രെ പ്രോ​ജ​ക്ട് നി​ല​നി​ൽ​ക്കു​ന്നി​ട​ത്തോ​ളം​കാ​ലം പി​രി​ച്ചു​വി​ടാ​ൻ പാ​ടി​ല്ലെ​ന്ന് ഭേ​ദ​ഗ​തി ചെ​യ്ത് ഉ​ത്ത​ര​വ് പു​റ​പ്പെ​ടു​വി​ച്ച​ത്.