Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകലാപത്തിന്...

കലാപത്തിന് കോപ്പുകൂട്ടുന്ന കെ. സുരേന്ദ്രനെ ജയിലിലടക്കണം -പോപുലര്‍ ഫ്രണ്ട്

text_fields
bookmark_border
കലാപത്തിന് കോപ്പുകൂട്ടുന്ന കെ. സുരേന്ദ്രനെ ജയിലിലടക്കണം -പോപുലര്‍ ഫ്രണ്ട്
cancel

കോഴിക്കോട്​: നിരന്തരം നുണ പ്രചരിപ്പിച്ച് ഹിന്ദു-മുസ്​ലിം ധ്രുവീകരണമുണ്ടാക്കി കലാപത്തിന് കോപ്പുകൂട്ടുന്ന ബി.ജെ.പി സംസ്ഥാന പ്രസിഡന്‍റ്​ കെ. സുരേന്ദ്രനെ ജയിലിലടക്കണമന്ന്​ പോപുലർ ഫ്രണ്ട്​ ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു.

രാഷ്ട്രീയ മേല്‍ക്കോയ്മ കിട്ടാന്‍ വര്‍ഗീയതയല്ലാതെ മറ്റു വഴികളില്ലെന്ന തിരിച്ചറിവില്‍നിന്നാണ് ബി.ജെ.പി, ആർ.എസ്​.എസ്​ നേതാക്കള്‍ വിദ്വേഷ പ്രചാരണം നടത്തുന്നത്. വിയോജിപ്പുള്ളവരെ കൊന്നൊടുക്കുന്ന ഉത്തരേന്ത്യന്‍ ഹിന്ദുത്വ മാതൃക കേരളത്തിലും നടപ്പാക്കുകയാണ്. അതിന്‍റെ ഭാഗമാണ് എസ്​.ഡി.പി.ഐ സംസ്ഥാന സെക്രട്ടറി കെ.എസ്. ഷാനെ കൊലപ്പെടുത്തിയത്.

ഷാന്‍റെ കൊലപാതകം തെളിയിക്കാന്‍ കഴിയില്ലെന്ന സുരേന്ദ്ര‍ ന്‍റെ പ്രസ്താവന പൊലീസ് ഗൗരവത്തിലെടുക്കണം. കൊല നടത്തിയതിലും യഥാർഥ കൊലയാളികളെ സംരക്ഷിക്കുന്നതിലുമുള്ള സുരേന്ദ്ര‍​ന്‍റെ പങ്കാണ് ഇത് സൂചിപ്പിക്കുന്നത്.

മാസങ്ങള്‍ക്കുമുമ്പ് എറണാകുളം പറവൂരില്‍ തോക്കുമായി ആർ.എസ്​.എസ്​ ക്രിമിനലുകള്‍ ആക്രമണം നടത്താനെത്തിയത്​ സേവാഭാരതിയുടെ ആംബുലന്‍സിലാ​ണെന്നും പൊലീസി‍െൻറ നിഷ്‌ക്രിയത്വമാണ് വിദ്വേഷപ്രചാരണം ആവര്‍ത്തിക്കാന്‍ സുരേന്ദ്രനുള്ള പ്രേരണയെന്നും നേതാക്കൾ കൂട്ടിച്ചേർത്തു. സംസ്ഥാന ജനറല്‍ സെക്രട്ടറി എ. അബ്​ദുല്‍ സത്താര്‍, സെക്രട്ടറിമാരായ എസ്. നിസാര്‍, സി.എ. റഊഫ് എന്നിവർ വാർത്തസമ്മേളനത്തിൽ പ​ങ്കെടുത്തു.

Show Full Article
TAGS:K Surendran Popular Front 
News Summary - K Surendran who is preparing for the riots. should be jailed - Popular Front
Next Story