‘കെ- സ്മാർട്ട്’ കോഴിക്കോടും തുടങ്ങി

കോ​ഴി​ക്കോ​ട്: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ സേ​വ​ന​ങ്ങ​ൾ ക​ട​ലാ​സ് ര​ഹി​ത​മാ​യി ഒ​റ്റ ക്ലി​ക്കി​ൽ ഓ​ൺ​ലൈ​നി​ൽ ല​ഭ്യ​മാ​ക്കു​ന്ന കെ- ​സ്മാ​ർ​ട്ട് പ​ദ്ധ​തി​ക്ക് ജി​ല്ല​യി​ൽ തു​ട​ക്കം. പു​തു​വ​ത്സ​ര ദി​ന​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ കൊ​ച്ചി​യി​ൽ ഉ​ദ്ഘാ​ട​നം ചെ​യ്ത കെ-​സ്മാ​ർ​ട്ട് ആ​പ് വ​ഴി​യു​ള്ള സേ​വ​നം കോ​ർ​പ​റേ​ഷ​നു​ക​ളി​ലും മു​നി​സി​പ്പാ​ലി​റ്റി​ക​ളി​ലും ജ​നു​വ​രി മൂ​ന്നു​മു​ത​ൽ ആ​രം​ഭി​ക്കു​മെ​ന്നും പ​ഞ്ചാ​യ​ത്തു​ക​ളി​ൽ ഏ​പ്രി​ൽ മാ​സ​ത്തി​ൽ പ്രാ​വ​ർ​ത്തി​ക​മാ​ക്കു​മെ​ന്നു​മാ​യി​രു​ന്നു പ്ര​ഖ്യാ​പ​നം.

കോ​ഴി​ക്കോ​ട് കോ​ർ​പ​റേ​ഷ​നി​ൽ ബു​ധ​നാ​ഴ്ച രാ​വി​ലെ പ​ദ്ധ​തി വ​ഴി​യു​ള്ള സേ​വ​ന​ങ്ങ​ൾ ല​ഭ്യ​മാ​ക്കി​ത്തു​ട​ങ്ങി. പ്രാ​രം​ഭ ഘ​ട്ട​ത്തി​ലു​ള്ള പ്ര​ശ്ന​ങ്ങ​ൾ പ​രി​ഹ​രി​ക്കാ​നും ജ​ന​ങ്ങ​ളെ സ​ഹാ​യി​ക്കാ​നു​മു​ള്ള 10 കെ- ​സ്മാ​ർ​ട് ഫെ​സി​ലി​റ്റേ​ഷ​ൻ സെ​ന്റ​റു​ക​ളും കെ- ​സ്മാ​ർ​ട് പ​ദ്ധ​തി​യും കോ​ർ​പ​റേ​ഷ​ൻ ഓ​ഫി​സി​ൽ മേ​യ​ർ ഡോ. ​ബീ​ന ഫി​ലി​പ് ഉ​ദ്ഘാ​ട​നം ചെ​യ്തു. എ​ന്നാ​ൽ, ജി​ല്ല​യി​ലെ ഏ​ഴ് മു​നി​സി​പ്പാ​ലി​റ്റി​ക​ളി​ലും പ​ദ്ധ​തി ബു​ധ​നാ​ഴ്ച​ത​ന്നെ ന​ട​പ്പാ​ക്കാ​നാ​യി​ല്ല. ഓ​ൺ​ലൈ​ൻ സം​വി​ധാ​ന​ങ്ങ​ൾ ഒ​രു​ക്കാ​ൻ കൂ​ടു​ത​ൽ സ​മ​യം വേ​ണ്ട​തി​നാ​ലാ​ണി​ത്. തി​രു​വ​ന​ന്ത​പു​ര​ത്ത് സം​വി​ധാ​ന​ങ്ങ​ൾ പൂ​ർ​ത്തി​യാ​കാ​ത്ത​താ​ണ് മു​ഖ്യ​പ്ര​ശ്ന​മെ​ന്ന് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന അ​ധി​കാ​രി​ക​ൾ പ​റ​യു​ന്നു.

വ​ട​ക​ര: ന​ഗ​ര​സ​ഭ​യി​ൽ ഫെ​സി​ലി​റ്റേ​ഷ​ൻ കൗ​ണ്ട​റി​ന് തു​ട​ക്ക​മാ​യി. അ​ഞ്ച് ജീ​വ​ന​ക്കാ​രെ സെ​ന്റ​റി​ൽ നി​യ​മി​ച്ചി​ട്ടു​ണ്ട്. ഓ​ഫി​സി​ൽ എ​ത്തു​ന്ന​വ​ർ​ക്ക് നേ​രി​ട്ട് ജീ​വ​ന​ക്കാ​ർ അ​പേ​ക്ഷ​ക​ളും മ​റ്റും ചെ​യ്ത് കൊ​ടു​ക്കു​ക​യാ​ണ് ആ​ദ്യ​ഘ​ട്ട​ത്തി​ൽ ചെ​യ്യു​ന്ന​ത്. ഇ​തോ​ടൊ​പ്പം പു​തി​യ പ​ദ്ധ​തി​യെ​ക്കു​റി​ച്ച് അ​വ​ബോ​ധം ന​ൽ​കു​ന്നു​ണ്ട്. മു​ഴു​വ​ൻ ഉ​ദ്യോ​ഗ​സ്ഥ​ർ​ക്കും ലോ​ഗി​ൻ ചെ​യ്യാ​നാ​നു​ള​ള പാ​സ്​​വേ​ഡു​ക​ൾ ന​ൽ​കി​ത്തു​ട​ങ്ങി. വി​വാ​ഹ ര​ജി​സ്ട്രേ​ഷ​ൻ ഉ​ൾ​പ്പെ​ടെ ഓ​ഫി​സി​ൽ വ​രാ​തെ ഇ​നി ചെ​യ്യാ​ൻ ക​ഴി​യും. ഇ​തി​ന് വി​ഡി​യോ കോ​ൺ​ഫ​റ​ൻ​സ് ഉ​പ​യോ​ഗി​ക്കാം. മൊ​ബൈ​ൽ ഫോ​ൺ വ​ഴി എ​ല്ലാ അ​പേ​ക്ഷ​ക​ളും ന​ൽ​കാ​ൻ ക​ഴി​യു​മെ​ന്ന് ന​ഗ​ര​സ​ഭ സെ​ക്ര​ട്ട​റി പ​റ​ഞ്ഞു.

കൊ​യി​ലാ​ണ്ടി: പ​ദ്ധ​തി​ക്ക് തു​ട​ക്കം കു​റി​ച്ച​താ​യി ന​ഗ​ര​സ​ഭ വൈ​സ് ചെ​യ​ർ​മാ​ൻ കെ. ​സ​ത്യ​ൻ പ​റ​ഞ്ഞു. ഒ​രു മാ​സം ഫെ​സി​ലി​റ്റേ​ഷ​ൻ സെ​ന്റ​ർ എ​ന്ന നി​ല​യി​ലാ​യി​രി​ക്കും പ്ര​വ​ർ​ത്ത​നം. ഓ​ഫി​സി​ലെ​ത്തു​ന്ന​വ​ർ​ക്ക് വി​ശ​ദാം​ശ​ങ്ങ​ൾ പ​റ​ഞ്ഞു മ​ന​സ്സി​ലാ​ക്കു​ക​യും അ​പേ​ക്ഷ​ക​ൾ സ്വീ​ക​രി​ക്കു​ക​യും ചെ​യ്യും. അ​തി​നു​ശേ​ഷം കു​ടും​ബ​ശ്രീ സം​വി​ധാ​നം ഉ​പ​യോ​ഗി​ച്ചും അ​ക്ഷ​യ​കേ​ന്ദ്ര​ങ്ങ​ൾ വ​ഴി​യും അ​പേ​ക്ഷ​ക​ൾ ന​ൽ​കാം. പ​ദ്ധ​തി​ക്ക് ന​ഗ​ര​സ​ഭ സ​ജ്ജ​മാ​യി​ക്ക​ഴി​ഞ്ഞു. പ്രി​ന്റ​ർ, ലാ​പ്ടോ​പ്, സ്കാ​ന​ർ എ​ന്നി​വ ഒ​രു​ക്കി​ക്ക​ഴി​ഞ്ഞു, ജീ​വ​ന​ക്കാ​രു​ടെ പ​രി​ശീ​ല​നം പൂ​ർ​ത്തി​യാ​യി. കൗ​ൺ​സി​ല​ർ​മാ​രു​ടെ പ​രി​ശീ​ല​നം ന​ട​ക്കു​ന്നു.

കെ- ​സ്മാ​ർ​ട്ട്​

ഇ​ൻ​ഫ​ർ​മേ​ഷ​ൻ കേ​ര​ള മി​ഷ​ന്‍റെ സോ​ഫ്റ്റ് വെ​യ​റാ​യ കെ- ​സ്മാ​ർ​ട്ട് (കേ​ര​ള സൊ​ല്യൂ​ഷ​ൻ ഫോ​ർ മാ​നേ​ജി​ങ് അ​ഡ്മി​നി​സ്ട്രേ​റ്റി​വ് റി​ഫോ​ർ​മേ​ഷ​ൻ ആ​ൻ​ഡ് ട്രാ​ൻ​സ്ഫോ​ർ​മേ​ഷ​ൻ) വ​ഴി 350 ഓ​ളം സേ​വ​ന​ങ്ങ​ൾ ഓ​ഫി​സ് ക​യ​റി​യി​റ​ങ്ങാ​തെ​യും നേ​രി​ട്ട് പ​ണ​മി​ട​പാ​ടി​ല്ലാ​തെ​യും, അ​പേ​ക്ഷ​ക​ന്റെ മൊ​ബൈ​ലി​ൽ സ​ർ​ട്ടി​ഫി​ക്ക​റ്റും ര​ശീ​തി​ക​ളും ലഭ്യമാക്കു​ന്ന​താ​ണ് പ​ദ്ധ​തി.

അ​ഴി​മ​തി​ക്ക് ത​ട​യി​ടാ​നാ​വും -മേ​യ​ർ

പ​ണ​മി​ട​പാ​ടു​ക​ൾ പു​തി​യ ആ​പ് വ​ഴി​യാ​വു​ന്ന​തോ​ടെ അ​ഴി​മ​തി​ക്ക് ത​ട​യി​ടാ​നാ​വു​മെ​ന്ന് കെ- ​സ്മാ​ർ​ട്ട് ഉ​ദ്ഘാ​ട​നം ചെ​യ്ത് മേ​യ​ർ ഡോ. ​ഡോ. ബീ​ന ഫി​ലി​പ് പ​റ​ഞ്ഞു. സ​ർ​ക്കാ​ർ അ​ഴി​മ​തി​ര​ഹി​ത​മെ​ന്ന് സ്ഥി​രം പ​റ​യു​ന്ന​ത് ക​ഴി​യു​ന്നി​ട​ത്തോ​ളം ഉ​റ​പ്പാ​ക്കാ​ൻ പ​ദ്ധ​തി​കൊ​ണ്ടാ​വും. ഏ​പ്രി​ൽ മാ​സ​ത്തോ​ടെ എ​ല്ലാ സേ​വ​ന​വും പു​തി​യ ആ​പ് വ​ഴി​യാ​വും. സു​താ​ര്യ​ത​യും പ്ര​വ​ർ​ത്ത​ന​ക്ഷ​മ​ത​യും ഉ​റ​പ്പാ​വും.

ആ​ധാ​ർ ന​മ്പ​റും ലി​ങ്ക് ചെ​യ്ത ഫോ​ൺ ന​മ്പ​റും വേ​ണം

കെ -​സ്മാ​ർ​ട്ടു​മാ​യി ബ​ന്ധ​പ്പെ​ട്ട് പൊ​തു​ജ​ന​ങ്ങ​ളെ സ​ഹാ​യി​ക്കാ​ൻ കോ​ർ​പ​റേ​ഷ​ൻ ഓ​ഫി​സി​ൽ തു​റ​ന്ന 10 ഫെ​സി​ലേ​റ്റ​ഷ​ൻ കൗ​ണ്ട​റു​ക​ളി​ൽ ആ​പ് ഡൗ​ൺ​ലോ​ഡ് ചെ​യ്യാ​നും ഉ​പ​യോ​ഗി​ക്കാ​നും സ​ഹാ​യം ല​ഭി​ക്കും. ഒ​രു​മാ​സ​ത്തോ​ളം സെ​ന്റ​റു​ക​ൾ പ്ര​വ​ർ​ത്തി​ക്കും. അ​ക്ഷ​യ സെ​ന്റ​റു​ക​ൾ വ​ഴി​യും സ​ഹാ​യ​ങ്ങ​ൾ ല​ഭ്യ​മാ​ക്കാം. എ​ട്ട് സേ​വ​ന​ങ്ങ​ളാ​ണ് ആ​ദ്യ​ഘ​ട്ട​ത്തി​ൽ ആ​പി​ൽ ല​ഭ്യ​മാ​വു​ക​യെ​ന്ന് കോ​ർ​പ​റേ​ഷ​ൻ സെ​ക്ര​ട്ട​റി കെ.​യു. ബി​നി പ​റ​ഞ്ഞു.

ജ​ന​ന മ​ര​ണ വി​വാ​ഹ ര​ജി​സ്ട്രേ​ഷ​ൻ, നി​കു​തി​യ​ട​ക്ക​ൽ, ലൈ​സ​ൻ​സ് തു​ട​ങ്ങി​യ​വ​യെ​ല്ലാം ഇ​വ​യി​ൽ​പെ​ടു​ന്നു. ആ​ധാ​ർ ന​മ്പ​റും ആ​ധാ​ർ ര​ജി​സ്റ്റ​ർ ചെ​യ്ത മൊ​ബൈ​ൽ ന​മ്പ​റും ​ഒ.​ടി.​പി അ​ടി​സ്ഥാ​ന​മാ​ക്കി​യു​ള്ള സേ​വ​ന​ങ്ങ​ൾ​ക്ക് അ​ത്യാ​വ​ശ്യ​മാ​ണ്. ഫെ​സി​ലി​റ്റേ​ഷ​ൻ സെ​ന്റ​റി​ൽ വ​രു​ന്ന​വ​ർ ഇ​വ ന​ൽ​ക​ണം. ഹൈ​സ്പീ​ഡ് ഇ​ന്റ​ർ​നെ​റ്റ് ക​ണ​ക്ഷ​ന​ട​ക്കം യു​ദ്ധ​കാ​ലാ​ടി​സ്ഥാ​ന​ത്തി​ൽ ല​ഭ്യ​മാ​ക്കി​യാ​ണ് പെ​ട്ടെ​ന്ന് സേ​വ​നം ല​ഭ്യ​മാ​ക്കി​യ​തെ​ന്ന് സെ​ക്ര​ട്ട​റി പ​റ​ഞ്ഞു.

അ​ടു​ത്ത ദി​വ​സം​മു​ത​ൽ മ​റ്റ് ന​ഗ​ര​സ​ഭ​ക​ളി​ൽ

ഫ​റോ​ക്ക്: കെ- ​സ്മാ​ർ​ട്ട് പ​ദ്ധ​തി​യു​ടെ ഉ​ദ്ഘാ​ട​നം രാ​മ​നാ​ട്ടു​ക​ര ന​ഗ​ര​സ​ഭ​യി​ൽ വ്യാ​ഴാ​ഴ്ച രാ​വി​ലെ 10ന് ​ന​ട​ക്കു​മെ​ന്ന് വൈ​സ് ചെ​യ​ർ​മാ​ൻ കെ. ​സു​രേ​ഷും സെ​ക്ര​ട്ട​റി പി. ​ശ്രീ​ജി​ത്തും അ​റി​യി​ച്ചു. സോ​ഫ്റ്റ് വെ​യ​ർ ഇ​ൻ​സ്റ്റ​ലേ​ഷ​ൻ ചൊ​വ്വാ​ഴ്ച രാ​ത്രി​യോ​ടെ പൂ​ർ​ത്തി​യാ​യി. ഫ​റോ​ക്ക് ന​ഗ​ര​സ​ഭ​യി​ൽ ഇ​തു സം​ബ​ന്ധി​ച്ചു​ള്ള പ്ര​വൃ​ത്തി​ക​ൾ അ​ന്തി​മ​ഘ​ട്ട​ത്തി​ലാ​ണ്. സോ​ഫ്റ്റ് വെ​യ​ർ ഇ​മേ​ജ് സി​സ്റ്റ​ത്തി​ലേ​ക്ക് ഡൗ​ൺ​ലോ​ഡ് ചെ​യ്യു​ന്ന ജോ​ലി ന​ട​ക്കു​ന്നു​ണ്ട്. ര​ണ്ടു ദി​വ​സ​ത്തി​ന​കം ഉ​ദ്ഘാ​ട​നം ചെ​യ്യാ​നു​ള്ള ഒ​രു​ക്ക​ത്തി​ലാ​ണെ​ന്ന് ചെ​യ​ർ​മാ​ൻ എ​ൻ.​സി. അ​ബ്ദു​ൽ റ​സാ​ഖും സെ​ക്ര​ട്ട​റി ഷാ​ജു പോ​ളും പ​റ​ഞ്ഞു.

മു​ക്കം: ന​ഗ​ര​സ​ഭ​യി​ൽ കെ- ​സ്മാ​ർ​ട്ട് പ​ദ്ധ​തി വ്യാ​ഴാ​ഴ്ച​യോ​ടെ പൂ​ർ​ണ​മാ​യി പ്ര​വ​ർ​ത്ത​ന സ​ജ്ജ​മാ​വും. നി​ല​വി​ൽ എ​ല്ലാ സം​വി​ധാ​ന​ങ്ങ​ളും ഒ​രു​ക്കി​ക്ക​ഴി​ഞ്ഞ​താ​യി ന​ഗ​ര​സ​ഭ ചെ​യ​ർ​മാ​ൻ പി.​ടി. ബാ​ബു പ​റ​ഞ്ഞു. ഇ​ൻ​ഫ​ർ​മേ​ഷ​ൻ കേ​ര​ള മി​ഷ​ന്റെ ആ​ഭി​മു​ഖ്യ​ത്തി​ൽ ഹെ​ൽ​പ് ഡെ​സ്കും ആ​രം​ഭി​ച്ചി​ട്ടു​ണ്ട്.

കൊ​ടു​വ​ള്ളി: പ​ദ്ധ​തി​ക്കാ​യു​ള്ള പ്ര​വ​ർ​ത്ത​ന​ങ്ങ​ൾ തു​ട​രു​ക​യാ​ണെ​ന്നും ഒ​രാ​ഴ്ച​ക്ക​കം സ​ജ്ജ​മാ​വു​മെ​ന്നും ന​ഗ​ര​സ​ഭ ചെ​യ​ർ​മാ​ൻ അ​ബ്ദു വെ​ള്ള​റ പ​റ​ഞ്ഞു.

പ​യ്യോ​ളി: കെ- ​സ്മാ​ർ​ട്ട് പ​ദ്ധ​തി​യു​ടെ ന​ട​പ​ടി​ക​ൾ തു​ട​ങ്ങി​യെ​ന്നും അ​ഞ്ച് ദി​വ​സ​ത്തി​ന​കം പ്രാ​വ​ർ​ത്തി​ക​മാ​കു​മെ​ന്നും പ​യ്യോ​ളി ന​ഗ​ര​സ​ഭ ചെ​യ​ർ​മാ​ൻ വി.​കെ. അ​ബ്ദു​റ​ഹി​മാ​ൻ പ​റ​ഞ്ഞു.