മ​ഞ്ഞ​പ്പി​ത്തം; ജാഗ്രത നി​ർദേശവുമായി ആരോഗ്യ വിഭാഗം

കോ​ഴി​ക്കോ​ട്: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ മ​ഞ്ഞ​പ്പി​ത്തം പ​ട​രു​ന്ന സാ​ഹ​ച​ര്യ​ത്തി​ൽ ജാ​ഗ്ര​ത നി​ർ​ദേ​ശ​വു​മാ​യി ആ​രോ​ഗ്യ​വി​ഭാ​ഗം. ക​ര​ളി​നെ ബാ​ധി​ക്കു​ന്ന പ്ര​ധാ​ന പ​ക​ർ​ച്ച​വ്യാ​ധി​യാ​ണ് മ​ഞ്ഞ​പ്പി​ത്തം അ​ഥ​വാ ഹെ​പ്പ​റ്റൈ​റ്റി​സ്. ഗു​രു​ത​ര​മാ​യാ​ൽ മ​ര​ണ​ത്തി​നു​വ​രെ കാ​ര​ണ​മാ​കാം.

ഹെ​പ്പ​റ്റൈ​റ്റി​സ് എ.​ബി.​സി.​ഡി.​ഇ എ​ന്നി​ങ്ങ​നെ​യു​ള്ള വ്യ​ത്യ​സ്ത വൈ​റ​സ് അ​ണു​ബാ​ധ​യാ​ണ് രോ​ഗ ഹേ​തു​വെ​ങ്കി​ലും വെ​ള്ളം, ഭ​ക്ഷ​ണം എ​ന്നി​വ​വ​ഴി പ​ക​രു​ന്ന ഹെ​പ്പ​റ്റൈ​റ്റി​സ് എ ​വി​ഭാ​ഗ​ത്തി​ൽ​പെ​ട്ട വൈ​റ​സ് അ​ണു​ബാ​ധ​യാ​ണ് മു​ഖ്യ​മാ​യും മ​ഞ്ഞ​പ്പി​ത്ത​ത്തി​ന്റെ കാ​ര​ണം. ക​രു​ത​ലി​ല്ലെ​ങ്കി​ൽ ഇ​ത് വ​ർ​ധി​ച്ച​തോ​തി​ലു​ള്ള രോ​ഗ​പ്പ​ക​ർ​ച്ച​ക്ക് ഇ​ട​യാ​ക്കും.

ല​ക്ഷ​ണ​ങ്ങ​ൾ നേ​ര​ത്തേ തി​രി​ച്ച​റി​യാ​ത്ത​താ​ണ് പ​ല​പ്പോ​ഴും രോ​ഗ​ത്തെ ഗു​രു​ത​ര​മാ​ക്കു​ന്ന​ത്. ഇ​തി​ന്റെ പ്ര​ധാ​ന ല​ക്ഷ​ണ​ങ്ങ​ൾ ത്വ​ക്കും ക​ണ്ണും മ​ഞ്ഞ നി​റ​ത്തി​ലാ​വു​ക, ഛർ​ദി, ഓ​ക്കാ​നം, പ​നി, ക്ഷീ​ണം, വ​യ​റു​വേ​ദ​ന, മൂ​ത്ര​ത്തി​ലെ നി​റം​മാ​റ്റം തു​ട​ങ്ങി​യ​വ​യാ​ണ്. സ്വ​യം ചി​കി​ത്സ രോ​ഗി​യു​ടെ ജീ​വ​നു​ത​ന്നെ ഭീ​ഷ​ണി ആ​കാ​വു​ന്ന​തി​നാ​ൽ രോ​ഗ​ല​ക്ഷ​ണ​ങ്ങ​ൾ ഉ​ള്ള​വ​ർ ഉ​ട​നെ അ​ടു​ത്തു​ള്ള ആ​രോ​ഗ്യ കേ​ന്ദ്ര​ത്തി​ൽ​നി​ന്ന് ചി​കി​ത്സ തേ​ട​ണം.

മ​ഞ്ഞ​പ്പി​ത്തം വ​ന്നാ​ൽ എ​ളു​പ്പ​ത്തി​ൽ ദ​ഹി​ക്കു​ന്ന ഭ​ക്ഷ​ണം ക​ഴി​ക്കാ​ൻ ശ്ര​ദ്ധി​ക്ക​ണം. പ​ഴ​ങ്ങ​ളും പ​ച്ച​ക്ക​റി​ക​ളും കൂ​ടു​ത​ലാ​യി ഭ​ക്ഷ​ണ​ത്തി​ൽ ഉ​ൾ​പ്പെ​ടു​ത്തു​ക​യും തി​ള​പ്പി​ച്ചാ​റി​യ വെ​ള്ളം ധാ​രാ​ള​മാ​യി കു​ടി​ക്കു​ക​യും ചെ​യ്യ​ണം.

അ​മി​ത​മാ​യ കൊ​ഴു​പ്പ് അ​ട​ങ്ങി​യ ഭ​ക്ഷ​ണം കു​റ​ക്കു​ക, ത​ണു​ത്ത​തും തു​റ​ന്നു വെ​ച്ച​തു​മാ​യ ആ​ഹാ​ര​പ​ദാ​ർ​ഥ​ങ്ങ​ൾ ഒ​ഴി​വാ​ക്കു​ക, ഭ​ക്ഷ​ണം പാ​കം​ചെ​യ്യു​ന്ന​തി​നു മു​മ്പ് കൈ​ക​ൾ വൃ​ത്തി​യാ​യി ക​ഴു​കു​ക എ​ന്നീ ശീ​ല​ങ്ങ​ൾ പാ​ലി​ക്ക​ണം.

രോ​ഗ​പ്ര​തി​രോ​ധ മാ​ർ​ഗ​ങ്ങ​ൾ

• തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കു​ക

• ആ​ഹാ​ര​ത്തി​നു മു​മ്പും ശേ​ഷ​വും മ​ല​മൂ​ത്ര വി​സ​ർ​ജ​ന​ത്തി​നു​ശേ​ഷ​വും കൈ​ക​ൾ സോ​പ്പ് ഉ​പ​യോ​ഗി​ച്ച് വൃ​ത്തി​യാ​യി ക​ഴു​കു​ക.

• മ​ല​മൂ​ത്ര വി​സ​ർ​ജ​നം ക​ക്കൂ​സി​ൽ മാ​ത്രം ന​ട​ത്തു​ക.

• ശീ​ത​ള പാ​നീ​യ​ങ്ങ​ൾ, സം​ഭാ​രം, ഐ​സ്ക്രീം എ​ന്നി​വ ശു​ദ്ധ​ജ​ല​ത്തി​ൽ മാ​ത്രം ത​യാ​റാ​ക്കു​ക.

• കു​ടി​വെ​ള്ള സ്രോ​ത​സ്സു​ക​ളി​ലും കി​ണ​റു​ക​ളി​ലും ക്ലോ​റി​നേ​ഷ​ൻ ന​ട​ത്തു​ക.

• ന​ഖം വെ​ട്ടി വൃ​ത്തി​യാ​യി​രി​ക്കു​ക.

• കു​ടി​വെ​ള്ള​വും ആ​ഹാ​ര​സാ​ധ​ന​ങ്ങ​ളും ഈ​ച്ച ക​ട​ക്കാ​ത്ത​വി​ധം എ​പ്പോ​ഴും അ​ട​ച്ചു​സൂ​ക്ഷി​ക്കു​ക.

• പ​ച്ച​ക്ക​റി​ക​ളും പ​ഴ​വ​ർ​ഗ​ങ്ങ​ളും ന​ല്ല​വ​ണ്ണം ക​ഴു​കി​യ​ശേ​ഷം മാ​ത്രം ഉ​പ​യോ​ഗി​ക്കു​ക.

• കി​ണ​ർ വെ​ള്ളം മ​ലി​ന​പ്പെ​ടാ​നു​ള്ള സാ​ധ്യ​ത ഒ​ഴി​വാ​ക്കു​ക.

• വീ​ടും പ​രി​സ​ര​വും മാ​ലി​ന്യ​ങ്ങ​ൾ കു​മി​ഞ്ഞു​കൂ​ടാ​തെ വൃ​ത്തി​യാ​യി സൂ​ക്ഷി​ച്ച് ഈ​ച്ച പെ​രു​കു​ന്ന​ത് ത​ട​യു​ക.