തീരുമാനങ്ങൾ ലംഘിച്ച് മാനാഞ്ചിറ സ്ക്വയറിന് ചുറ്റും വീണ്ടും കൊടി തോരണങ്ങൾ

കോ​ഴി​ക്കോ​ട്: മാ​നാ​ഞ്ചി​റ സ്ക്വ​യ​റി​ന് ചു​റ്റും പ​ര​സ്യ​ങ്ങ​ളും കൊ​ടി തോ​ര​ണ​ങ്ങ​ളും ഒ​ഴി​വാ​ക്ക​ണ​മെ​ന്ന തീ​രു​മാ​നം വീ​ണ്ടും ലം​ഘി​ച്ചു. സി.​ഐ.​ടി.​യു സം​സ്ഥാ​ന സ​മ്മേ​ള​ന​ത്തോ​ട​നു​ബ​ന്ധി​ച്ചു​ള്ള കൊ​ടി തോ​ര​ണ​ങ്ങ​ളാ​ണ് ഏ​റ്റ​വു​മൊ​ടു​വി​ൽ സ്ക്വ​യ​റി​ന് ചു​റ്റും നി​റ​ഞ്ഞ​ത്. മാ​നാ​ഞ്ചി​റ മൈ​താ​ന​വും ടാ​ഗോ​ർ പാ​ർ​ക്കും അ​ൻ​സാ​രി പാ​ർ​ക്കും കു​ള​വു​മെ​ല്ലാം കൂ​ട്ടി​ച്ചേ​ർ​ത്ത് സ്ക്വ​യ​ർ വ​ന്ന​ത് മു​ത​ൽ ചു​റ്റും രാ​ഷ്ട്രീ​യ ക​ക്ഷി​ക​ളു​ടെ​യ​ട​ക്കം പ​ര​സ്യം വേ​ണ്ടെ​ന്ന് തീ​രു​മാ​ന​മു​ണ്ടാ​യി​രു​ന്നു. പ​ര​സ്യ നി​രോ​ധി​ത മേ​ഖ​ല എ​ന്ന ബോ​ർ​ഡും സ്ഥാ​പി​ച്ചി​രു​ന്നു. ഇ​ത് പ​ല ത​വ​ണ ലം​ഘി​ക്ക​പ്പെ​ട്ടെ​ങ്കി​ലും നി​യ​ന്ത്ര​ണം വീ​ണ്ടും പു​നഃ​സ്ഥാ​പി​ക്കാ​ൻ സ​ർ​വ​ക​ക്ഷി​യോ​ഗം വി​ളി​ച്ച് തീ​രു​മാ​നി​ക്കു​ക​യാ​യി​രു​ന്നു.

കോ​ർ​പ​റേ​ഷ​ൻ അ​ധി​കൃ​ത​ർ ബോ​ർ​ഡു​ക​ളും മ​റ്റും എ​ടു​ത്ത് മാ​റ്റു​ന്ന​തും പ​തി​വാ​യി​രു​ന്നു. ഏ​റ്റ​വു​മൊ​ടു​വി​ൽ ക​ഴി​ഞ്ഞ ഭ​ര​ണ​സ​മി​തി​യു​ടെ കാ​ല​ത്തും സ്ക്വ​യ​റി​ന് ചു​റ്റും പ​ര​സ്യം പാ​ടി​ല്ലെ​ന്ന തീ​രു​മാ​ന​മെ​ടു​ത്തി​രു​ന്നു. അ​ന്ന് മേ​യ​ർ തോ​ട്ട​ത്തി​ൽ ര​വീ​ന്ദ്ര​ന്റെ അ​ധ്യ​ക്ഷ​ത​യി​ൽ ചേ​ർ​ന്ന സ​ർ​വ​ക​ക്ഷി യോ​ഗ​ത്തി​ൽ പ​ര​സ്യ​ങ്ങ​ൾ എ​ടു​ത്ത് മാ​റ്റാ​നും തീ​രു​മാ​നി​ച്ചി​രു​ന്നു. രാ​ഷ്​​ട്രീ​യ പാ​ർ​ട്ടി​ക​ളു​ടെ​​യോ സ്വ​കാ​ര്യ സ്​​ഥാ​പ​ന​ങ്ങ​ളു​ടെ​യോ ബോ​ർ​ഡു​ക​ളോ ​ബാ​ന​റു​ക​ളോ ​കൊ​ടി തോ​ര​ണ​ങ്ങ​ളോ ​കെ​ട്ടാ​ൻ അ​നു​വ​ദി​ക്കി​ല്ലെ​ന്നാ​ണ് തീ​രു​മാ​ന​മെ​ടു​ത്ത​ത്. പ​ര​സ്യ​ങ്ങ​ൾ സ്ഥാ​പി​ച്ചാ​ൽ ന​ഗ​ര​സ​ഭ അ​ധി​കൃ​ത​ർ ഇ​വ എ​ടു​ത്തു​മാ​റ്റു​ക​യും നി​യ​മ​ന​ട​പ​ടി കൈ​ക്കൊ​ള്ളു​ക​യും ചെ​യ്യു​മെ​ന്നും തീ​രു​മാ​നി​ച്ചി​രു​ന്നു. മാ​നാ​ഞ്ചി​റ സ്​​ക്വ​യ​ർ, ചു​റ്റു​മ​തി​ൽ, ന​ട​പ്പാ​ത​യോ​ട്​ ചേ​ർ​ന്നു​ള്ള ക​മ്പി​വേ​ലി എ​ന്നി​വി​ട​ങ്ങ​ളി​ലാ​ണ്​ പ​ര​സ്യ​ത്തി​ന്​ നി​രോ​ധ​നം. ക​മ്പി​വേ​ലി​ക​ളി​ലാ​ണി​​പ്പോ​ൾ കൊ​ടി​തോ​ര​ണ​ങ്ങ​ൾ നി​റ​ഞ്ഞ​ത്. പ​ര​സ്യ​ങ്ങ​ൾ നി​രോ​ധി​ച്ചു​കൊ​ണ്ടു​ള്ള ബോ​ർ​ഡും തു​രു​മ്പെ​ടു​ത്ത് ഇ​ല്ലാ​താ​യി.