കലിപൂണ്ട് കാറ്റും കടലും; കനമേറി നഗരക്കെടുതികൾ

കോ​ഴി​ക്കോ​ട്: മ​ഴ ക​ന​ത്ത​തി​നു പി​ന്നാ​ലെ ക​ട​ൽ ക്ഷോ​ഭ​വു​മാ​യ​തോ​ടെ തീ​ര​ദേ​ശ നി​വാ​സി​ക​ളു​ടെ ദു​രി​തം വി​വ​ര​ണാ​തീ​ത​മാ​യി. കോ​ന്നാ​ട്, കോ​തി, സൗ​ത്ത് ബീ​ച്ച്, ശാ​ന്തി​ന​ഗ​ർ കോ​ള​നി, പു​തി​യാ​പ്പ, എ​ല​ത്തൂ​ർ എ​ന്നി​വി​ട​ങ്ങ​ളി​ലെ​ല്ലാം ക​ട​ൽ ക​ലി​പൂ​ണ്ടു. കോ​ഴി​ക്കോ​ട് ബീ​ച്ചി​ല്‍ ക​ട​ലാ​ക്ര​മ​ണം ഉ​ണ്ടാ​യ​തോ​ടെ സ​ന്ദ​ര്‍ശ​ക​രെ​യും പെ​ട്ടി​ക്ക​ട​ക്കാ​രെ​യും സ്ഥ​ല​ത്തു​നി​ന്ന് ഒ​ഴി​പ്പി​ച്ചു. ബീ​ച്ചി​ല്‍ പെ​ട്ടി​ക്ക​ട​ക​ള്‍ നി​ല്‍ക്കു​ന്ന സ്ഥ​ല​ത്തേ​ക്കു​വ​രെ തി​ര​മാ​ല അ​ടി​ച്ചു​ക​യ​റു​ക​യാ​യി​രു​ന്നു. ഇ​തു​കാ​ണാ​ന്‍ ആ​ളു​ക​ള്‍ കൂ​ട്ട​മാ​യി എ​ത്തി​യ​തോ​ടെ​യാ​ണ് സ​ന്ദ​ര്‍ശ​ക​രോ​ട് മ​ട​ക്കി അ​യ​ക്കാ​ൻ സു​ര​ക്ഷ ഗൈ​ഡു​ക​ളും പൊ​ലീ​സും ഇ​ട​പെ​ട്ട​ത്.

ഉ​ച്ച​ക്ക് ര​ണ്ട​ര​യോ​ടെ ഉ​ണ്ടാ​യ ക​ന​ത്ത കാ​റ്റി​ല്‍ കോ​ഴി​ക്കോ​ട് കോ​ർ​പ​റേ​ഷ​ന്‍ ഫ്ര​ണ്ട് ഓ​ഫി​സി​ന്റെ ചി​ല്ല് ത​ക​ര്‍ന്നു. വാ​തി​ല്‍ ത​ക​ര്‍ന്ന സ​മ​യ​ത്ത് അ​ക​ത്ത് ആ​ളു​ക​ള്‍ ഉ​ണ്ടാ​യി​രു​ന്നെ​ങ്കി​ലും ആ​ര്‍ക്കും പ​രി​ക്കി​ല്ല. കാ​റ്റി​ൽ എ​ൻ.​ജി.​ഒ ക്വാ​ർ​ട്ടേ​ഴ്സി​ന് സ​മീ​പം വീ​ടി​നു മു​ക​ളി​ലേ​ക്ക് മ​രം വീ​ണ് ഭാ​ഗി​ക​മാ​യി ത​ക​ർ​ന്നു. ആ​ള​പാ​യ​മി​ല്ല.

ക​ന​ത്തു​പെ​യ്ത മ​ഴ​യി​ൽ ന​ഗ​ര​ത്തി​ലെ ഗ​താ​ഗ​ത​വും താ​റു​മാ​റാ​യി. പ​ല​യി​ട​ത്തും വെ​ള്ള​ക്കെ​ട്ട് രൂ​പ​പ്പെ​ട്ട​തോ​ടെ ഗ​താ​ഗ​ത​ക്കു​രു​ക്കും രൂ​പ​പ്പെ​ട്ടു. മ​ലി​ന​ജ​ല​ത്തി​ൽ മു​ങ്ങി​യ റോ​ഡു​ക​ളും ന​ട​പ്പാ​ത​ക​ളും കാ​ൽ​ന​ട​ക്കാ​രെ​യും ദു​രി​ത​ത്തി​ലാ​ക്കി.

മാവൂരിൽ താഴ്ന്ന പ്രദേശങ്ങൾ വെള്ളത്തിൽ

മാ​വൂ​ർ: ക​ന​ത്ത മ​ഴ പെ​യ്ത​തോ​ടെ മാ​വൂ​രി​ൽ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി. മൂ​ന്ന് ആ​ഴ്ച​ക്കി​ടെ ഇ​ത് ര​ണ്ടാം ത​വ​ണ​യാ​ണ് താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​പ്പൊ​ക്ക ഭീ​ഷ​ണി​യി​ലാ​കു​ന്ന​ത്. വീ​ടു​ക​ളി​ൽ വെ​ള്ളം ക​യ​റി​യ​തി​നെ​തു​ട​ർ​ന്ന് ഗ്രാ​മ​പ​ഞ്ചാ​യ​ത്തി​ൽ നാ​ല് കു​ടും​ബ​ങ്ങ​ളെ ബ​ന്ധു​വീ​ടു​ക​ളി​ലേ​ക്കും മ​റ്റു​മാ​യി മാ​റ്റി​ത്താ​മ​സി​പ്പി​ച്ചു. ചാ​ലി​യാ​റും ചെ​റു​പു​ഴ​യും നി​റ​ഞ്ഞൊ​ഴു​കി​യ​തോ​ടെ​യാ​ണ് താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി​യ​ത്.

തെ​ങ്ങി​ല​ക്ക​ട​വ്-​ക​ൽ​പ്പ​ള്ളി നീ​ർ​ത്ത​ട​ത്തി​ൽ ജ​ല​നി​ര​പ്പ് ഉ​യ​ർ​ന്ന​തോ​ടെ ഇ​തി​ന്റെ തീ​ര​ത്തു​ള്ള നാ​ല് വീ​ടു​ക​ളി​ലാ​ണ് വെ​ള്ളം ക​യ​റി​യ​ത്. മാ​വൂ​ർ ഗ്രാ​മ​പ​ഞ്ചാ​യ​ത്ത് 14ാം വാ​ർ​ഡി​ൽ ക​ച്ചേ​രി​ക്കു​ന്ന് അ​ബ്ദു​ൽ ല​ത്തീ​ഫ്, ക​ച്ചേ​രി​ക്കു​ന്ന് ശ്രീ​വ​ള്ളി, പു​ലി​യ​പ്രം സ​ത്യ​ൻ, പു​ലി​യ​പ്രം ശ്രീ​ധ​ര​ൻ എ​ന്നി​വ​രു​ടെ വീ​ടു​ക​ളി​ലാ​ണ് വെ​ള്ളം ക​യ​റി​യ​ത്. ഈ ​കു​ടും​ബ​ങ്ങ​ളെ മാ​റ്റി​ത്താ​മ​സി​പ്പി​ച്ചു.

തി​ങ്ക​ളാ​ഴ്ച രാ​വി​ലെ​യോ​ടെ​യാ​ണ് വെ​ള്ളം ക​യ​റി​ത്തു​ട​ങ്ങി​യ​ത്. ഈ ​വ​ർ​ഷം ഇ​ത് ര​ണ്ടാ​മ​ത്തെ ത​വ​ണ​യാ​ണ് ഇ​വ​ർ വീ​ടൊ​ഴി​യു​ന്ന​ത്. മേ​യ് 26നും ​വീ​ടു​ക​ളി​ൽ വെ​ള്ളം ക​യ​റി​യി​രു​ന്നു. ജ​ല​നി​ര​പ്പ് ഉ​യ​രു​ന്നു​ണ്ട്. വൈ​കീ​ട്ടു​ണ്ടാ​യ ശ​ക്ത​മാ​യ കാ​റ്റി​ൽ മ​ര​ങ്ങ​ൾ വീ​ണ് നാ​ശ​ന​ഷ്ട​ങ്ങ​ളു​ണ്ടാ​യി. മാ​വൂ​ർ പൈ​പ്പ് ലൈ​ൻ റോ​ഡ്, ക​ണ്ണി​പ​റ​മ്പ്-​സ​ങ്കേ​തം റോ​ഡ്, പൈ​പ്പ് ലൈ​ൻ-​ക​ച്ചേ​രി​ക്കു​ന്ന് റോ​ഡ് എ​ന്നി​വ വെ​ള്ള​ത്തി​ന​ടി​യി​ലാ​യി. മ​റ്റ് ഇ​ട​റോ​ഡു​ക​ളും അ​പ​ക​ട ഭീ​ഷ​ണി​യി​ലാ​ണ്. വ്യാ​പ​ക​മാ​യി വാ​ഴ​കൃ​ഷി​യും വെ​ള്ള​ത്തി​ന​ടി​യി​ലാ​യി.