കുറ്റ്യാടി പുഴയിൽ അനധികൃത മണലെടുപ്പ്

പ​യ്യോ​ളി: കു​റ്റ്യാ​ടി പു​ഴ​യി​ൽ അ​ന​ധി​കൃ​ത മ​ണ​ലെ​ടു​പ്പ് വ്യാ​പ​ക​മാ​യി. കോ​ട്ട​ക്ക​ൽ കു​ഞ്ഞാ​ലി​മ​ര​ക്കാ​ർ സ്മാ​ര​ക​ത്തി​ന് പ​ടി​ഞ്ഞാ​റ് ഭാ​ഗ​ത്തെ ബോ​ട്ട് ജെ​ട്ടി​ക്ക് സ​മീ​പ​മാ​ണ് പു​ഴ​യി​ൽ​നി​ന്ന് മ​ണ​ലൂ​റ്റി വി​ൽ​പ​ന​ക്കാ​യി ക​ട​ത്താ​ൻ ശ്ര​മി​ച്ച​ത്.

സം​ഭ​വം ശ്ര​ദ്ധ​യി​ൽ​പ്പെ​ട്ട വ​ട​ക​ര തീ​ര​ദേ​ശ പൊ​ലീ​സും തു​റ​മു​ഖ വ​കു​പ്പ് അ​ധി​കൃ​ത​രും ചേ​ർ​ന്ന് പു​ഴ​യോ​ര​ത്ത് നി​റ​ച്ചു​വെ​ച്ച നി​ല​യി​ൽ നൂ​റോ​ളം മ​ണ​ൽ ചാ​ക്കു​ക​ളും ര​ണ്ട് ഫൈ​ബ​ർ വ​ള്ള​ങ്ങ​ളും പി​ടി​ച്ചെ​ടു​ത്തു. ഞാ​യ​റാ​ഴ്ച രാ​വി​ലെ ആ​റോ​ടെ​യാ​ണ് സം​ഭ​വം. വ്യാ​പ​ക മ​ണ​ലൂ​റ്റ​ൽ തീ​ര​ദേ​ശ പൊ​ലീ​സ് നി​രീ​ക്ഷി​ക്ക​വെ​യാ​ണ് ബോ​ട്ട് ജെ​ട്ടി​ക്ക് സ​മീ​പ​ത്തെ ചാ​ക്കു​ക​ൾ ശ്ര​ദ്ധ​യി​ൽ​പ്പെ​ട്ട​ത്.

സം​ഭ​വ​ത്തി​ൽ ആ​രെ​യും പി​ടി​കൂ​ടി​യി​ട്ടി​ല്ല. മ​ണ​ൽ​ചാ​ക്കു​ക​ൾ പി​ന്നീ​ട് ലേ​ല​ത്തി​ലൂ​ടെ പോ​ർ​ട്ട് അ​ധി​കൃ​ത​ർ വി​ൽ​പ​ന ന​ട​ത്തി.

അ​ന​ധി​കൃ​ത മ​ണ​ലെ​ടു​പ്പ് വ്യാ​പ​ക​മാ​യ​തോ​ടെ ജോ​ലി​യി​ല്ലാ​തെ കോ​ട്ട​ക്ക​ൽ, ക​റു​ക​പ്പാ​ലം പ്ര​ദേ​ശ​ങ്ങ​ളി​ലെ മ​ണ​ൽ തൊ​ഴി​ലാ​ളി​ക​ൾ പ​ട്ടി​ണി​യി​ലാ​യ​തി​ൽ വ്യാ​പ​ക പ്ര​തി​ഷേ​ധ​മാ​ണു​ള്ള​ത്. പ​രി​ശോ​ധ​ന​ക്ക് തീ​ര​ദേ​ശ പൊ​ലീ​സും വ​ട​ക​ര പോ​ർ​ട്ട് ക​ൺ​സ​ർ​വേ​റ്റ​ർ എ.​കെ. തൃ​ദീ​പും സം​ഘ​വും നേ​തൃ​ത്വം ന​ൽ​കി.