ഇതിങ്ങനെ മതിയോ ഇടിയങ്ങരകുളം

കോ​ഴി​ക്കോ​ട്: ന​വീ​ക​രി​ച്ച് പ​രി​പാ​ല​ന ക​മ്മി​റ്റി​യു​ണ്ടാ​ക്കി​യ കു​റ്റി​ച്ചി​റ​യു​ടെ തൊ​ട്ട​ടു​ത്തു​ള്ള ഇ​ടി​യ​ങ്ങ​ര കു​ളം അ​വ​ഗ​ണ​ന​യി​ൽ തു​ട​രു​ന്നു. മൊ​ത്തം അ​ല​​ങ്കോ​ല​മാ​യി കി​ട​പ്പാ​ണ് കു​ള​വും പ​രി​സ​ര​വും. വൃ​ത്തി​ഹീ​ന​മാ​യി കു​ളം ഉ​പ​യോ​ഗി​ക്കു​ന്ന​തും ഭ​ക്ഷ്യാ​വ​ശി​ഷ്ട​ങ്ങ​ൾ അ​ല​ക്ഷ്യ​മാ​യി വ​ലി​ച്ചെ​റി​യു​ന്ന​തു​മെ​ല്ലാം ശു​ദ്ധ​ജ​ല​​സ്രോ​ത​സ്സി​നെ അ​ഴു​ക്കി​ലാ​ഴ്ത്തി​യി​രി​ക്ക​യാ​ണ്. പ​രി​സ​ര​വാ​സി​ക​ൾ ഇ​റ​ങ്ങാ​താ​യ​തോ​ടെ ന​ഗ​ര​ത്തി​ൽ വി​വി​ധ ഭാ​ഗ​ങ്ങ​ളി​ൽ​നി​ന്നു​വ​രു​ന്ന നാ​​ടോ​ടി​ക​ളും മ​റ്റും മാ​ത്ര​മു​പ​യോ​ഗി​ക്കു​ന്ന​താ​യി കു​ളം മാ​റി.

പ​ച്ച​പ്പാ​യ​ൽ മൂ​ടി​യ കു​ള​ത്തി​ന് ചു​റ്റും ക​ഴി​ഞ്ഞ ഒ​ക്ടോ​ബ​ർ ര​ണ്ടി​ന് കോ​ർ​പ​റേ​ഷ​ൻ ആ​ഭി​മു​ഖ്യ​ത്തി​ൽ വൃ​ത്തി​യാ​ക്ക​ൽ ന​ട​ന്നെ​ങ്കി​ലും എ​ല്ലാം പ​ഴ​യ​പ​ടി​യാ​യി. തൊ​ട്ട​ടു​ത്തു​ള്ള കു​റ്റി​ച്ചി​റ​കു​ളം സം​ര​ക്ഷ​ണ​ത്തി​നും പ​രി​പാ​ല​ന​ത്തി​നു​മാ​യി നാ​ട്ടു​കാ​ർ കോ​ർ​പ​റേ​ഷ​നു​മാ​യി സ​ഹ​ക​രി​ച്ച് ​കു​റ്റി​ച്ചി​റ കു​ളം പ​രി​പാ​ല​ന ക​മ്മി​റ്റി​യു​ണ്ടാ​ക്കി​യി​രു​ന്നു. ന​വീ​ക​ര​ണം പൂ​ർ​ത്തി​യാ​യ കു​റ്റി​ച്ചി​റ​ക്ക് ചു​റ്റും പ​ഴ​യ​രീ​തി​യി​ൽ വൃ​ത്തി​ഹീ​ന​മാ​യി ഉ​പ​യോ​ഗി​ക്കാ​നും മ​റ്റും തു​ട​ങ്ങി​യ​തി​നാ​ലാ​ണ് നാ​ട്ടു​കാ​ർ ഒ​ന്നി​ച്ച​ത്.

കു​ള​ത്തി​ൽ മാ​ലി​ന്യം കൊ​ണ്ടി​ടു​ന്ന​ത് ത​ട​യാ​ൻ ന​ട​പ​ടി​യെ​ടു​ക്കാ​ൻ തീ​രു​മാ​ന​മാ​യി. ഇ​തി​നാ​യി ബോ​ധ​വ​ത്ക​ര​ണം ന​ട​ത്തു​ന്നു​ണ്ട്. സോ​പ്പും എ​ണ്ണ​യും അ​മി​ത​മാ​യി ക​ല​രു​ന്ന​ത് വെ​ള്ള​ത്തി​നും മീ​നു​ക​ൾ​ക്കും ദോ​ഷ​മാ​ണെ​ന്ന് ക​ണ്ട​തി​നാ​ൽ അ​ത് ഒ​ഴി​വാ​ക്കാ​നും തീ​രു​മാ​നി​ച്ചി​രു​ന്നു. എ​ന്നാ​ൽ, ഇ​ടി​യ​ങ്ങ​ര​കു​ള​ത്തി​ൽ നാ​ടോ​ടി​ക​ള​ട​ക്കം വൃ​ത്തി​ഹീ​ന​മാ​യി ഉ​പ​യോ​ഗി​ക്കു​ന്ന​താ​യി പ​രി​സ​ര​വാ​സി​ക​ൾ ആ​രോ​പി​ക്കു​ന്നു. കു​റ്റി​ച്ചി​റ, ത​ളി കു​ള​ങ്ങ​ൾ ന​വീ​ക​രി​ച്ച് സം​ര​ക്ഷി​ച്ച​തോ​ടെ ആ ​ഭാ​ഗ​ങ്ങ​ളി​ൽ ത​മ്പ​ടി​ച്ചി​രു​ന്ന പ​ല​രും ഇ​ടി​യ​ങ്ങ​ര​യി​ലേ​ക്ക് മാ​റി​യെ​ന്നാ​ണ് ആ​രോ​പ​ണം. കു​ള​ത്തി​ന്റെ പ​ട​വു​ക​ൾ ഇ​ടി​ഞ്ഞ് പൊ​ളി​ഞ്ഞു. വ​ലി​യ പാ​ഴ്മ​ര​ങ്ങ​ൾ നി​റ​ഞ്ഞ കു​ള​ത്തി​ൽ ഗാ​ന്ധി​ജ​യ​ന്തി നാ​ളി​ൽ ശു​ചീ​ക​രി​ച്ച ഭാ​ഗ​മെ​ല്ലാം പ​ഴ​യ​പ​ടി​യാ​യി.

ര​ണ്ട് പ​ദ്ധ​തി​യും ന​ട​ന്നി​ല്ല

ഇ​ടി​യ​ങ്ങ​ര​കു​ളം ന​വീ​ക​രി​ക്കാ​ൻ കോ​ർ​പ​റേ​ഷ​ന്റെ​യും സം​സ്ഥാ​ന സ​ർ​ക്കാ​റി​ന്റെ​യും പ​ദ്ധ​തി​ക​ൾ വ​ന്നെ​ങ്കി​ലും ര​ണ്ടും ന​ട​ക്കാ​ത്ത സ്ഥി​തി​യാ​ണെ​ന്ന് കോ​ർ​പ​റേ​ഷ​ൻ കൗ​ൺ​സി​ല​ർ കെ. ​മൊ​യ്തീ​ൻ കോ​യ പ​റ​ഞ്ഞു.

കു​ളം ന​വീ​ക​ര​ണ​ത്തി​ന് കോ​ർ​പ​റേ​ഷ​ൻ 40 ല​ക്ഷം നീ​ക്കി​വെ​ച്ചി​രു​ന്നു​വെ​ങ്കി​ലും അ​ത് ന​ട​ന്നി​ല്ല. ഇ​തി​നി​ടെ അ​ഹ​മ്മ​ദ് ദേ​വ​ർ കോ​വി​ൽ മ​ന്ത്രി​യാ​യി​രി​ക്കെ കു​ളം ന​വീ​ക​ര​ണ​ത്തി​ന് സം​സ്ഥാ​ന ബ​ജ​റ്റി​ൽ ര​ണ്ട് കോ​ടി അ​നു​വ​ദി​ച്ചു. ഫ​ണ്ട് അ​നു​വ​ദി​ച്ച​ശേ​ഷം അ​ടു​ത്ത ബ​ജ​റ്റ് വ​ന്നെ​ങ്കി​ലും ന​വീ​ക​ര​ണ​ത്തി​നു​ള്ള ന​ട​പ​ടി​യാ​യി​ല്ല. പ​ള്ളി​ക്കു​ള​മാ​യ​തി​നാ​ൽ കു​ളം ന​ന്നാ​ക്കാ​നു​ള്ള അ​നു​മ​തി ല​ഭ്യ​മാ​ക്കി​യ​താ​ണ്. എ​ന്നി​ട്ടും ഫ​യ​ലു​ക​ൾ ഇ​ഴ​യു​ക​യാ​ണ്.

ര​ണ്ടു കോ​ടി​യു​ടെ ന​വീ​ക​ര​ണം ഉ​ട​ൻ

ഇ​ടി​യ​ങ്ങ​ര​കു​ളം ന​വീ​ക​ര​ണം ഉ​ട​ൻ തു​ട​ങ്ങാ​നാ​വു​മെ​ന്ന് അ​ഹ​മ്മ​ദ് ദേ​വ​ർ കോ​വി​ൽ എം.​എ​ൽ.​എ അ​റി​യി​ച്ചു. ഇ​റി​ഗേ​ഷ​ൻ വ​കു​പ്പി​നാ​ണ് പ​ദ്ധ​തി ത​യാ​റാ​ക്കാ​നു​ള്ള ചു​മ​ത​ല. കു​ളം ന​വീ​ക​ര​ണ​ത്തി​ന് കോ​ർ​പ​റേ​ഷ​​ന്റെ ആ​ദ്യ പ​ദ്ധ​തി​ക്ക് പ​ക​ര​മാ​യാ​ണ് പു​തി​യ ന​വീ​ക​ര​ണം വ​രു​ന്ന​ത്. പ​ള്ളി​ക്കു​ള​മാ​യ​തി​നാ​ൽ ന​വീ​ക​ര​ണ​ത്തി​ന് വ​ഖ​ഫ് അ​നു​മ​തി​യും ന​ൽ​കി​യി​ട്ടു​ണ്ട്. ഫ​യ​ലു​ക​ൾ ഫി​നാ​ൻ​സി​ലാ​ണ് ഇ​പ്പോ​ഴു​ള്ള​ത്.

ഇ​റി​ഗേ​ഷ​നി​ൽ​നി​ന്നാ​ണ് ഫ​യ​ലു​ക​ൾ അ​നു​മ​തി​ക്കാ​യി ഫി​നാ​ൻ​സി​ലേ​ക്ക് പോ​യ​ത്. വി​ശ​ദ പ​ദ്ധ​തി​രേ​ഖ (ഡി.​പി.​ആ​ർ) ത​യാ​റാ​ക്കി​യ​ശേ​ഷ​മാ​ണ് അ​നു​മ​തി​ക്കാ​യി സ​മ​ർ​പ്പി​ച്ചി​രി​ക്കു​ന്ന​ത്. ലാ​ൻ​ഡ് സ്കേ​പി​ങ്ങും ഇ​രി​പ്പി​ട​ങ്ങ​ളും വി​ള​ക്കു​ക​ളും മ​റ്റു​മാ​യി മ​നോ​ഹ​ര​മാ​ക്കു​ന്ന പ്ര​വൃ​ത്തി​യാ​ണ് ന​ട​ക്കു​ക. ഇ​തോ​ടെ കു​റ്റി​ച്ചി​റ​ക്കൊ​പ്പം തൊ​ട്ട​ടു​ത്ത കു​ള​വും തെ​ക്കേ​പ്പു​റ​ത്തി​ന്റെ യ​ശ​സ്സു​യ​ർ​ത്തു​ന്ന​താ​യി മാ​റും. ര​ണ്ടു​കോ​ടി രൂ​പ ചെ​ല​വ​ഴി​ച്ച് നാ​ലു​ഘ​ട്ട​ങ്ങ​ളാ​യാ​ണ് കു​റ്റി​ച്ചി​റ​യി​ൽ പൈ​തൃ​ക​പ​ദ്ധ​തി പൂ​ര്‍ത്തി​യാ​ക്കി​യ​ത്.