എയിംസ് കിനാലൂരിന് വീണ്ടും പ്രതീക്ഷ

ബാ​ലു​ശ്ശേ​രി: പ്ര​ധാ​ന​മ​ന്ത്രി​യു​മാ​യി മു​ഖ്യ​മ​ന്ത്രി ന​ട​ത്തി​യ കു​ട്ടി​ക്കാ​ഴ്ച​യി​ൽ കേ​ര​ള​ത്തി​ൽ എ​യിം​സ് സ്ഥാ​പി​ക്കു​ക​യാ​ണെ​ങ്കി​ൽ കോ​ഴി​ക്കോ​ട് കി​നാ​ലൂ​രി​ലാ​യി​രി​ക്ക​ണ​മെ​ന്ന മു​ഖ്യ​മ​ന്ത്രി​യു​ടെ നി​ർ​ദേ​ശം കി​നാ​ലൂ​ർ​പ്ര​ദേ​ശ​ത്ത് വീ​ണ്ടും പ്ര​തീ​ക്ഷ​യു​യ​ർ​ത്തി​രി​ക്ക​യാ​ണ്. കി​നാ​ലൂ​രി​ൽ ഭൂ​മി​യ​ട​ക്ക​മു​ള്ള അ​ടി​സ്ഥാ​ന​സൗ​ക​ര്യ​ങ്ങ​ൾ ഉ​റ പ്പാ​ക്കി​യി​ട്ടും കേ​ര​ള​ത്തി​ൽ എ​യിം​സ് അ​നു​വ​ദി​ക്കാ​നു​ള്ള തീ​രു​മാ​നം നീ​ണ്ടു​പോ​കു​ന്ന​തി​ലും കി​നാ​ലൂ​രി​ൽ എ​യിം​സ് സ്ഥാ​പി​ക്കു​ന്ന​തി​നെ​തി​രെ കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി ഉ​യ​ർ​ത്തി​യ നി​ല​പാ​ടും നി​ല​നി​ൽ​ക്കു​മ്പോ​ഴു​മാ​ണ് കി​നാ​ലൂ​രി​ൽ എ​യിം​സ് സ്ഥ​പി​ക്ക​ണ​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​ധാ​ന​മ​ന്ത്രി​ക്കു​മു​മ്പാ​കെ നേ​രി​ട്ട് നി​ല​പാ​ട് വ്യ​ക്ത​മാ​ക്കി​യ​ത്.

സ്വ​ന്തം കി​ട​പ്പാ​ട​മ​ട​ക്ക​മു​ള്ള ഭൂ​മി വി​ട്ടു​കൊ​ടു​ത്ത​വ​ർ ഏ​റെ പ്ര​തീ​ക്ഷ​യോ​ടെ​യാ​ണ് ഇ​ത് കാ​ണു​ന്ന​ത്. കേ​ര​ള​ത്തി​ന് എ​യിം​സ് അ​നു​വ​ദി​ക്കു​മെ​ന്ന് 2014ലാ​ണ് കേ​ന്ദ്ര​മ​ന്ത്രി അ​രു​ൺ ജെ​യ്റ്റ്ലി ലോ​ക്സ​ഭ​യി​ൽ പ്ര​സ്താ​വി​ച്ച​ത്. എ​ന്നാ​ൽ പ​തി​റ്റാ​ണ്ട് പി​ന്നി​ട്ടി​ട്ടും ഈ ​സ്വ​പ്നം യാ​ഥാ​ർ​ഥ്യ​മാ​യി​ട്ടി​ല്ല. എ​യിം​സി​നു വേ​ണ്ട മാ​ന​ദ​ണ്ഡ​ങ്ങ​ളെ​ല്ലാം പാ​ലി​ച്ചാ​ണ് സം​സ്ഥാ​ന സ​ർ​ക്കാ​ർ കി​നാ​ലൂ​രി​ൽ കെ.​എ​സ്.​ഐ.​ഡി.​സി​യു​ടെ 200 ഏ​ക്ക​ർ സ്ഥ​ലം വാ​ഗ്ദാ​നം ചെ​യ്ത​ത്.

ഇ​തി​ൽ 150 ഏ​ക്ക​ർ നേ​ര​ത്തേ ത​ന്നെ ആ​രോ​ഗ്യ വി​ദ്യാ​ഭ്യാ​സ വ​കു​പ്പ് ഡ​യ​റ​ക്ട​ർ​ക്ക് കൈ​മാ​റി​യി​ട്ടു​ണ്ട്. ഭാ​വി വി​ക​സ​ന​വും കൂ​ടി ക​ണ​ക്കി​ലെ​ടു​ത്താ​ണ് 100.48 ഏ​ക്ക​ർ (40.68 ഹെ​ക്ട​ർ) സ്വ​കാ​ര്യ ഭൂ​മി കൂ​ടി ഏ​റ്റെ​ടു​ക്കാ​നു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കി​യി​ട്ടു​ള്ള​ത്. ഭൂ​മി​യേ​റ്റെ​ടു​ക്ക​ലി​നാ​യി സ​ർ​ക്കാ​ർ 92.62 ല​ക്ഷം​രൂ​പ വ​ക​യി​രു​ത്തു​ക​യും പ്രാ​ഥ​മി​ക ചെ​ല​വു​ക​ൾ​ക്കാ​യി 50 ല​ക്ഷം രൂ​പ അ​നു​വ​ദി​ക്കു​ക​യും ചെ​യ്‌​തി​ട്ടു​ണ്ട്. ഇ​തി​ൽ കി​നാ​ലൂ​ർ വി​ല്ലേ​ജി​ലെ 22.42 ഹെ​ക്ട​ർ ഭൂ​മി​യി​ലെ മു​ഴു​വ​ൻ ഫീ​ൽ​ഡി​ലും സ​ർ​വെ സ​ബ്ഡി​വി​ഷ​ൻ ന​ട​പ​ടി​ക​ളും പൂ​ർ​ത്തി​യാ​ക്കി​യി​ട്ടു​ണ്ട്.

ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ലെ മു​ന്നു മു​ന്ന​ണി​ക​ളു​ടെ​യും പ്ര​ധാ​ന വാ​ഗ്ദാ​ന​ങ്ങ​ളി​ലൊ​ന്ന് എ​യിം​സ് കി​നാ​ലൂ​രി​ൽ സ്ഥാ​പി​ക്കാ​ൻ ന​ട​പ​ടി​യെ​ടു​ക്കു​മെ​ന്നാ​യി​രു​ന്നു. എ​യിം​സ് പ്ര​ഖ്യാ​പ​ന ഉ​ണ്ടാ​യാ​ലും ഇ​ല്ലെ​ങ്കി​ലും കി​നാ​ലൂ​രി​ൽ ഭൂ​മി ഏ​റ്റെ​ടു​ക്ക​ൽ തു​ട​ർ ന​ട​പ​ടി​ക​ളു​മാ​യി മു​ന്നോ​ട്ടു പോ​കു​മെ​ന്ന ഉ​റ​ച്ച നി​ല​പാ​ട് ആ​രോ​ഗ്യ മ​ന്ത്രി വീ​ണാ ജോ​ർ​ജും കൈ​കൊ​ണ്ടി​രു​ന്നു.

ഇ​ന്റ​ഗ്രേ​റ്റ​ഡ് റി​സ​ർ​ച്ച് സെ​ന്റ​റാ​യി നി​ർ​ദി​ഷ്ട എ​യിം​സി​നെ വി​ക​സി​പ്പി​ക്കു​ന്ന​തി​ന് അ​നു​കൂ​ല​മാ​യ നി​ല​പാ​ടാ​ണ് കേ​ന്ദ്ര​ത്തി​നു​ള്ള​തെ​ന്ന് കേ​ന്ദ്ര ആ​രോ​ഗ്യ വ​കു​പ്പു​മ​ന്ത്രി​യു​മാ​യി ന​ട​ത്തി​യ കൂ​ടി​ക്കാ​ഴ്ച​യി​ൽ അ​റി​യി​ച്ച​താ​യും മ​ന്ത്രി പ​റ​ഞ്ഞി​രു​ന്നു. ഇ​തി​നി​ടെ​യാ​യി​രു​ന്നു കി​നാ​ലൂ​രി​ൽ എ​യിം​സ് സ്ഥാ​പി​ക്കു​ന്ന​തി​നെ​തി​രെ കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി​യു​ടെ പ്ര​സ്താ​വ​ന വ​ന്ന​ത്. ഇ​താ​ക​ട്ടെ നാ​ട്ടു​കാ​ർ​ക്കി​ട​യി​ൽ മാ​ത്ര​മ​ല്ല മ​ന്ത്രി​യു​ടെ പാ​ർ​ട്ടി പ്ര​വ​ർ​ത്ത​ക​ർ​ക്കി​ട​യി​ലും ആ​ശ​ങ്ക സൃ​ഷ്ടി​ച്ചി​രു​ന്നു. ആ​ദ്യം കാ​സ​ർ​കോ​ട്ട് എ​യിം​സ് സ്ഥാ​പി​ക്ക​ണ​മെ​ന്നാ​യി​രു​ന്നു തീ​രു​മാ​ന​മെ​ങ്കി​ൽ പി​ന്നീ​ട് അ​ത് ആ​ല​പ്പു​ഴ​യി​ൽ സ്ഥാ​പി​ക്ക​ണ​മെ​ന്നാ​യി​രു​ന്നു കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി​യു​ടെ ആ​വ​ശ്യം.

സം​സ്ഥാ​ന സ​ർ​ക്കാ​ർ നി​ർ​ദേ​ശി​ക്കു​ന്ന സ്ഥ​ല​ത്താ​ണ് കേ​ന്ദ്രം എ​യിം​സ് അ​നു​വ​ദി​ക്കാ​റു​ള്ള​ത്. എ​യിം​സി​നു വേ​ണ്ട മാ​ന​ദ​ണ്ഡ​ങ്ങ​ൾ പാ​ലി​ക്ക​ണ​മെ​ന്ന് മാ​ത്ര​മാ​ണ് കേ​ന്ദ്ര​ത്തി​​ന്റെ ആ​വ​ശ്യം. ഇ​തി​നൊ​ന്നും ഒ​രു അ​പാ​ക​ത​യു​മി​ല്ലാ​തെ​യാ​ണ് കി​നാ​ലൂ​രി​ൽ സ​ർ​ക്കാ​ർ ഭൂ​മി ക​ണ്ടെ​ത്തി ആ​രോ​ഗ്യ വ​കു​പ്പി​ന് കൈ​മാ​റി​യി​ട്ടു​ള്ള​തും. സ്വ​കാ​ര്യ ഭൂ​മി വി​ട്ടു​കൊ​ടു​ത്ത ഭൂ​പ​രി​ധി​യി​ലെ താ​മ​സ​ക്കാ​രും കൈ​വ​ശ​ഭൂ​മി​ക്കാ​രും കേ​ര​ള​ത്തി​ന് വാ​ഗ്‌​ദാ​നം ചെ​യ്ത എ​യിം​സ് എ​ത്ര​യും വേ​ഗം പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​ധാ​ന​മ​ന്ത്രി​ക്ക് ആ​യി​രം ക​ത്തു​ക​ൾ അ​യ​ക്കു​ക​യു​മു​ണ്ടാ​യി.