ഹേമചന്ദ്രൻ കൊലക്കേസ്; ഡി.എൻ.എ പ​രി​ശോ​ധ​ന ഫ​ലം വൈകുന്നു

കോ​ഴി​ക്കോ​ട്: മാ​യ​നാ​ട് വാ​ട​ക​ക്ക് താ​മ​സി​ച്ചി​രു​ന്ന സു​ൽ​ത്താ​ൻ ബ​ത്തേ​രി സ്വ​ദേ​ശി ഹേ​മ​ച​ന്ദ്ര​നെ സാ​മ്പ​ത്തി​ക ഇ​ട​പാ​ടു​മാ​യി ബ​ന്ധ​പ്പെ​ട്ട ത​ർ​ക്ക​ത്തി​ൽ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ കേ​സി​ൽ ഡി.​എ​ൻ.​എ പ​രി​ശോ​ധ​ന ഫ​ലം വൈ​കു​ന്നു.

പ​രി​ശോ​ധ​ന ഫ​ലം വൈ​കു​ന്ന​ത് കേ​സ് അ​ട്ടി​മ​റി​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​ണെ​ന്ന് ആ​രോ​പി​ച്ച് ഹേ​മ​ച​ന്ദ്ര​ന്റെ ഭാ​ര്യ സു​ബി​ഷ മു​ഖ്യ​മ​ന്ത്രി​ക്കും ജി​ല്ല പൊ​ലീ​സ് മേ​ധാ​വി​ക്കും പ​രാ​തി ന​ൽ​കി. മൃ​ത​ദേ​ഹം ബ​ന്ധു​ക്ക​ൾ​ക്ക്​ വി​ട്ടു​കി​ട്ടാ​ത്ത​തി​നാ​ൽ അ​ന്ത്യ​ക​ർ​മ​ങ്ങ​ൾ ചെ​യ്യാ​ൻ സാ​ധി​ക്കു​ന്നി​ല്ലെ​ന്നും ബ​ന്ധു​ക്ക​ൾ വ്യ​ക്ത​മാ​ക്കു​ന്നു.

ഒ​ന്ന​ര​വ​ർ​ഷം മു​മ്പ് കാ​ണാ​താ​യ ഹേ​മ​ച​ന്ദ്ര​ന്റെ മൃ​ത​ദേ​ഹം ഇ​ക്ക​ഴി​ഞ്ഞ ജൂ​ൺ 28നാ​ണ് പൊ​ലീ​സ് ക​ണ്ടെ​ത്തി​യ​ത്. ബ​ന്ധു​ക്ക​ൾ തി​രി​ച്ച​റി​ഞ്ഞെ​ങ്കി​ലും ഡി.​എ​ൻ.​എ പ​രി​ശോ​ധ​ന ഫ​ലം​കൂ​ടി ല​ഭി​ച്ച​ശേ​ഷം മൃ​ത​ദേ​ഹം കൈ​മാ​റാ​നാ​യി​രു​ന്നു പൊ​ലീ​സ് തീ​രു​മാ​നം. ഇ​ത​നു​സ​രി​ച്ച് ഹേ​മ​ച​ന്ദ്ര​ന്റെ മ​ക്ക​ളു​ടേ​യും അ​മ്മ​യു​ടെ​യും ര​ക്ത​സാ​മ്പി​ളു​ക​ൾ ആ​ദ്യം പ​രി​ശോ​ധ​ന​ക്ക് എ​ടു​ത്തു.

ഒ​രു മാ​സം ക​ഴി​ഞ്ഞും ഫ​ലം ല​ഭി​ക്കാ​തെ വ​ന്ന​പ്പോ​ൾ കു​ടും​ബ​ത്തി​ലെ ഒ​രു പു​രു​ഷ​ന്റെ സാ​മ്പി​ൾ​കൂ​ടി എ​ടു​ത്തു. എ​ന്നി​ട്ടും പ​രി​ശോ​ധ​നാ​ഫ​ലം ല​ഭി​ച്ചി​ല്ല. ക​ണ്ണൂ​രി​ലെ ഫോ​റ​ൻ​സി​ക് ലാ​ബി​ലാ​ണ് പ​രി​ശോ​ധ​ന. മൃ​ത​ദേ​ഹം ഇ​പ്പോ​ഴും മെ​ഡി. കോ​ള​ജ് മോ​ർ​ച്ച​റി​യി​ൽ സൂ​ക്ഷി​ച്ചി​രി​ക്കു​ക​യാ​ണ്.

ഒ​ന്ന​ര​വ​ർ​ഷം മു​മ്പ് കോ​ഴി​ക്കോ​ട്ടു​നി​ന്ന് കാ​ണാ​താ​യ ഹേ​മ​ച​ന്ദ്ര​ന്റെ (53) മൃ​ത​ദേ​ഹം ചേ​ര​മ്പാ​ടി വ​ന​മേ​ഖ​ല​യി​ൽ കു​ഴി​ച്ചി​ട്ട​നി​ല​യി​ലാ​യി​രു​ന്നു ക​ണ്ടെ​ത്തി​യ​ത്.

കോ​ഴി​ക്കോ​ട് മെ​ഡി. കോ​ള​ജി​നു സ​മീ​പ​മു​ള്ള മാ​യ​നാ​ട് ന​ട​പ്പാ​ല​ത്തെ വാ​ട​ക​വീ​ട്ടി​ൽ​നി​ന്ന് ടൗ​ണി​ലേ​ക്കെ​ന്നു പ​റ​ഞ്ഞ് പോ​യ ഹേ​മ​ച​ന്ദ്ര​നെ കാ​ണാ​താ​വു​ക​യാ​യി​രു​ന്നു. 2024 ഏ​പ്രി​ൽ ഒ​ന്നി​ന് ഭാ​ര്യ മെ​ഡി. കോ​ള​ജ് പൊ​ലീ​സി​ൽ പ​രാ​തി ന​ൽ​കി.

തു​ട​ർ​ന്നു​ള്ള അ​ന്വേ​ഷ​ണ​ത്തി​ലാ​ണ് ഹേ​മ​ച​ന്ദ്ര​നെ കൊ​ല​പ്പെ​ടു​ത്തി​യ​താ​ണെ​ന്ന് ക​ണ്ടെ​ത്തി​യ​ത്. സം​ഭ​വ​ത്തി​ൽ സു​ൽ​ത്താ​ൻ ബ​ത്തേ​രി സ്വ​ദേ​ശി നൗ​ഷാ​ദ്, ജ്യോ​തി​ഷ് കു​മാ​ർ, അ​ജേ​ഷ്, വൈ​ശാ​ഖ് എ​ന്നി​വ​രാ​ണ് അ​റ​സ്റ്റി​ലാ​യ​ത്. വി​ദേ​ശ​ത്ത് ജോ​ലി​യു​ള്ള ക​ണ്ണൂ​ർ സ്വ​ദേ​ശി​യാ​യ യു​വ​തി​ക്കും കേ​സി​ൽ പ​ങ്കു​ണ്ടെ​ന്നാ​ണ് ക​ണ്ടെ​ത്ത​ൽ.