കനത്ത മഴ: 42 വീ​ടു​ക​ൾ ത​ക​ർ​ന്നു, 35 കു​ടും​ബ​ങ്ങ​ളെ മാ​റ്റി​പ്പാർ​പ്പി​ച്ചു

വ​ട​ക​ര: പെ​രു​മ​ഴ​യി​ൽ ദു​രി​ത​ത്തി​ന​റു​തി​യി​ല്ല. താ​ലൂ​ക്കി​ൽ 42 ഓ​ളം വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. ചൊ​വ്വാ​ഴ്ച പ​ക​ൽ മ​ഴ​ക്ക് താ​ൽ​ക്കാ​ലി​ക​മാ​യ ശ​മ​ന​മു​ണ്ടാ​യെ​ങ്കി​ലും പു​ല​ർ​ച്ച​യും തി​ങ്ക​ളാ​ഴ്ച രാ​ത്രി​യി​ലു​മാ​യി ആ​ഞ്ഞു വീ​ശി​യ കാ​റ്റി​ലാ​ണ് വീ​ടു​ക​ൾ ത​ക​ർ​ന്ന​ത്. 35 കു​ടും​ബ​ങ്ങ​ളി​ലെ 109 പേ​രെ വി​ല​ങ്ങാ​ട് ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി. തീ​ര​ദേ​ശ മേ​ഖ​ല​യി​ൽ ക​ട​ലാ​ക്ര​മ​ണം രൂ​ക്ഷ​മാ​യി.

ക​ട​ലാ​ക്ര​മ​ണ ഭീ​ഷ​ണി നേ​രി​ടു​ന്ന അ​ഴി​യൂ​രി​ൽ മൂ​ന്ന് കു​ടും​ബ​ങ്ങ​ളെ ബ​ന്ധു വീ​ടു​ക​ളി​ലേ​ക്ക് മാ​റ്റി. വ​ട​ക​ര ക​സ്റ്റം​സ് റോ​ഡ് ഭാ​ഗ​ത്ത് ചെ​റി​യ​വ​ള​പ്പി​ൽ ചെ​റി​യ​ത്ത് കു​ഞ്ഞാ​മി, ചെ​റി​യ​വ​ള​പ്പി​ൽ ജു​ബി​ല, ആ​ഷി​ർ സി​വി ചെ​റി​യ​വ​ള​പ്പി​ൽ, വ​ള​പ്പി​ൽ സ​ലാം, ജു​ബി​ല ചെ​റി​യ​വ​ള​പ്പി​ൽ എ​ന്നി​വ​രു​ടെ വീ​ടു​ക​ളി​ൽ തി​ര​മാ​ല അ​ടി​ച്ച് വെ​ള്ളം ക​യ​റി​യ​തി​നാ​ൽ സൈ​ക്ലോ​ൺ ഷെ​ൽ​ട്ട​റി​ലേ​ക്ക് മാ​റ്റിത്താ​മ​സി​പ്പി​ച്ചു. ന​ട​ക്കു​താ​ഴ ക​ട​ത്ത​നാ​ട് വീ​വേ​ഴ്‌​സ് കോ​ഓ​പ​റേ​റ്റി​വ് സൊ​സൈ​റ്റി ഓ​ടി​ട്ട കെ​ട്ടി​ട​ത്തി​നു മു​ക​ളി​ൽ തെ​ങ്ങ് ക​ട​പു​ഴ​കി കെ​ട്ടി​ടം ത​ക​ർ​ന്നു.

പു​ത്തൂ​ർ വ​ള്ളു​പ​റ​മ്പ​ത്ത് മ​നോ​ഹ​ര​ന്റെ വീ​ടി​നു മു​ക​ളി​ൽ മ​രം വീ​ണ് വീ​ട് ത​ക​ർ​ന്നു.

അ​ര​യാ​ക്കു​ൽ താ​ഴ​യി​ലെ അ​ബ്ബാ​ഞ്ചേ​രി യൂ​സ​ഫി​ന്‍റെ വീ​ടി​ന്‍റെ ഓ​ട് കാ​റ്റി​ൽ പാ​റി​പ്പോ​യി. അ​ബ്ബാ​ഞ്ചേ​രി ബൈ​ജു​വി​ന്‍റെ വീ​ടി​ന്‍റെ മേ​ൽ​ക്കൂ​ര​യു​ടെ ഷീ​റ്റ് കാ​റ്റി​ൽ നി​ലം​പൊ​ത്തി. വ​ട്ട​ക്ക​ണ്ടി ഹ​മീ​ദ്, കു​റു​ക്കാ​ട്ട് പീ​ടി​ക​യി​ൽ ദി​നേ​ശ​ൻ, ക​ള​രി​യു​ള്ള​തി​ൽ ച​ന്ദ്രി എ​ന്നി​വ​രു​ടെ വീ​ടി​നു മു​ക​ളി​ൽ മ​രം വീ​ണ് കേ​ടു​പാ​ടു​ക​ൾ സം​ഭ​വി​ച്ചു. ത​ച്ചോ​ളി പൊ​യി​ൽ ഉ​ല്ലാ​സി​ന്‍റെ വീ​ട്ടി​ലെ മൂ​ന്ന് തെ​ങ്ങ് മു​റി​ഞ്ഞു വീ​ണു. വീ​ട്ടു​കാ​ർ അ​പ​ക​ട​ത്തി​ൽ​നി​ന്ന് ര​ക്ഷ​പ്പെ​ട്ടു. കൂ​ടാ​തെ, നി​ര​വ​ധി വീ​ടു​ക​ളി​ൽ വാ​ഴ, ക​വു​ങ്ങ് തു​ട​ങ്ങി​യ​വ നി​ലം​പ​തി​ച്ചു.

വൈ​ദ്യു​തി ലൈ​നി​ൽ മ​ര​ങ്ങ​ൾ വീ​ണ് പ​ല​യി​ട​ങ്ങ​ളി​ലും നാ​ശ​ന​ഷ്ട​ങ്ങ​ളു​ണ്ടാ​യി. വൈ​ദ്യു​തി ബോ​ർ​ഡി​ന് ല​ക്ഷ​ങ്ങ​ളു​ടെ നാ​ശ ന​ഷ്ട​മാ​ണു​ണ്ടാ​യ​ത്. പ​ല​യി​ട​ങ്ങ​ളി​ലും പ്ര​ദേ​ശ​ങ്ങ​ളി​ലും വൈ​ദ്യു​തി ബ​ന്ധം പാ​ടെ നി​ല​ച്ചി​രി​ക്കു​ക​യാ​ണ്. താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി റോ​ഡു​ക​ൾ ത​ക​ർ​ന്ന് വാ​ഹ​ന യാ​ത്ര​യും കാ​ൽ​ന​ട യാ​ത്ര​യും ഏ​റെ ദു​ഷ്ക​ര​മാ​ണ്.