മഴകനത്തു; നഷ്ടങ്ങളും

കോ​ഴി​ക്കോ​ട്: ജി​ല്ല​യി​ൽ മ​ഴ അ​തി​ശ​ക്ത​മാ​യ​തോ​ടെ കെ​ടു​തി​ക​ളും തു​ട​ങ്ങി. ഇ​രു​വ​ഴി​ഞ്ഞി പു​ഴ​യി​ലി​റ​ങ്ങി​യ​യാ​ളെ ഒ​ഴു​ക്കി​ൽ​പെ​ട്ട് കാ​ണാ​താ​യി. കൊ​ടി​യ​ത്തൂ​ർ കാ​ര​ക്കു​റ്റി സ്വ​ദേ​ശി സി.​കെ. ഉ​സ്സ​ൻ കു​ട്ടി​യെ​യാ​ണ് (65) കാ​ണാ​താ​യ​ത്. തെ​യ്യ​ത്തും​ക​ട​വി​ൽ ചൊ​വ്വാ​ഴ്ച വൈ​കീ​ട്ട് നാ​ലോ​ടെ​യാ​ണ് സം​ഭ​വം.

മു​ക്കം അ​ഗ്നി​ര​ക്ഷാ സേ​ന​യും പൊ​ലീ​സും മു​ങ്ങ​ൽ വി​ദ​ഗ്ധ​രും തി​ര​ച്ചി​ൽ തു​ട​രു​ക​യാ​ണ്. പേ​മാ​രി​യി​ലും കാ​റ്റി​ലും ര​ണ്ട് വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. നി​ര​വ​ധി വീ​ടു​ക​ൾ​ക്ക് കേ​ടു​പാ​ടു​ണ്ട്. വ​ട​ക​ര സാ​ന്റ് ബാ​ങ്ക്സി​ൽ വ​യ​ൽ വ​ള​പ്പി​ൽ സ​ഫി​യ​യു​ടെ ഓ​ടി​ട്ട വീ​ടി​ന്റെ മേ​ൽ​ക്കൂ​ര ത​ക​ർ​ന്നു. അ​പ​ക​ടം ന​ട​ക്കു​മ്പോ​ൾ സ​ഫി​യ​യു​ടെ മ​ക​ൻ സ​മീ​ർ വീ​ട്ടി​ന​ക​ത്തു​ണ്ടാ​യി​രു​ന്നെ​ങ്കി​ലും ശ​ബ്ദം കേ​ട്ട് പു​റ​ത്തേ​ക്കോ​ടി​യ​തി​നാ​ൽ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു.

മെ​ഡി​ക്ക​ൽ കോ​ള​ജി​നു​സ​മീ​പം മൈ​ലാ​മ്പാ​ടി​യി​ലാ​ണ് മ​റ്റൊ​രു വീ​ട് ത​ക​ർ​ന്ന​ത്. മാ​നാ​ഞ്ചി​റ​യി​ൽ മ​രം​ക​ട​പു​ഴ​കി കാ​റ് ത​ക​ർ​ന്നു. കോം​ട്ര​സ്റ്റി​നോ​ട് ചേ​ർ​ന്ന് നി​ർ​ത്തി​യി​ട്ട കെ.​എ​ൽ -56 ക്യൂ 8062 ​ന​മ്പ​ർ സെ​ലേ​രി​യോ കാ​റി​ന് മു​ക​ളി​ലാ​ണ് ചൊ​വ്വാ​ഴ്ച ഉ​ച്ച​തി​രി​ഞ്ഞ് മ​രം ക​ട​പു​ഴ​കി​യ​ത്. കാ​റി​നു​ള്ളി​ൽ ആ​ളി​ല്ലാ​ത്ത​തി​നാ​ൽ വ​ൻ അ​പ​ക​ടം ഒ​ഴി​വാ​യി. ചാ​ലി​യം ബൈ​ത്താ​നി ഭാ​ഗ​ത്ത് ക​ട​ൽ ഭി​ത്തി​ക്ക് മു​ക​ളി​ലൂ​​ടെ തി​ര​മാ​ല അ​ടി​ച്ചു​ക​യ​റി​യ​ത് അ​മ്പ​തോ​ളം വീ​ടു​ക​ൾ​ക്ക് ഭീ​ഷ​ണി​യാ​യി.

ആ​രും വീ​ടൊ​ഴി​ഞ്ഞു​പോ​യി​ട്ടി​ല്ല. ക​പ്പ​ല​ങ്ങാ​ടി, വാ​ക്ക​ട​വി​ന്റെ തെ​ക്കു​ഭാ​ഗം എ​ന്നി​വി​ട​ങ്ങ​ളി​ലും ക​ട​ൽ പ്ര​ക്ഷു​ബ്ധ​മാ​ണ്. ഫ​റോ​ക്ക് ഗ​വ. എ​ൽ.​പി സ്കൂ​ൾ കെ​ട്ടി​ട​ത്തി​ന് മു​ക​ളി​ലേ​ക്ക് മ​രം ക​ട​പു​ഴ​കി. സ​മീ​പ​ത്തെ പ്ലാ​വാ​ണ് വീ​ണ​ത്. ആ​ർ​ക്കും പ​രി​ക്കി​ല്ല. റ​ഹ്മാ​ൻ ബ​സാ​ർ മീ​ൻ​പൊ​യി​ൽ ഭാ​ഗ​ത്ത് കാ​ട്ടു​ങ്ങ​ൽ മു​സ്ത​ഫ​യു​ടെ വീ​ടി​ന്റെ സ​ൺ​ഷൈ​ഡ് ത​ക​ർ​ന്നു.

ചാ​ലി​യം കു​ന്നു​മ്മ​ൽ ഒ​സാ​വ​ട്ട​ത്ത് മു​ഹ​മ്മ​ദ് അ​ൻ​വ​റി​ന്റെ വീ​ടി​നു മു​ക​ളി​ലേ​ക്ക് തേ​ക്ക് ക​ട​പു​ഴ​കി വീ​ടി​ന് ഭാ​ഗി​ക​മാ​യ കേ​ടു​പാ​ടു​ണ്ടാ​യി. കോ​ഴി​ക്കോ​ട്-​ഊ​ട്ടി ഹ്ര​സ്വ​ദൂ​ര പാ​ത​യു​ടെ ഭാ​ഗ​മാ​യ മാ​വൂ​ർ-​കൂ​ളി​മാ​ട് റോ​ഡ് താ​ത്തൂ​ർ പൊ​യി​ലി​ൽ വ​യ​ലി​ലേ​ക്ക് ഇ​ടി​ഞ്ഞു. റോ​ഡ് ഇ​ടി​ഞ്ഞ​തോ​ടെ ഈ ​ഭാ​ഗ​ത്തെ വാ​ഹ​ന ഗ​താ​ഗ​തം അ​പ​ക​ടാ​വ​സ്ഥ​യി​ലാ​യി.

കു​ന്ദ​മം​ഗ​ലം ചാ​ത്ത​ൻ​കാ​വി​ൽ ന​ടു​ക​ണ്ടി​യി​ൽ കോ​യ​യു​ടെ വീ​ടി​ന്റെ മ​തി​ൽ തൊ​ട്ട​ടു​ത്ത വീ​ടി​ന്റെ അ​രി​ക് വ​ശ​ത്തേ​ക്ക് ഇ​ടി​ഞ്ഞു വീ​ണു. പു​ല്ലാ​ളൂ​ർ പാ​ട്ടോ​ത്ത് പു​റാ​യി​ൽ ഹൈ​റു​ന്നി​സ​യു​ടെ വീ​ടി​ന്റെ മ​തി​ലും ത​ക​ർ​ന്നു. തോ​രാ​തെ മ​ഴ പെ​യ്ത​തോ​ടെ ജി​ല്ല​യി​ലെ താ​ഴ്ന്ന ഭാ​ഗ​ങ്ങ​ൾ പ​ല​തും വെ​ള്ള​ത്തി​ന​ടി​യി​ലാ​ണ്.

ന​ഗ​ര​ത്തി​ൽ മാ​നാ​ഞ്ചി​റ, സ്റ്റേ​ഡി​യം ജ​ങ്ഷ​ൻ, മാ​വൂ​ർ റോ​ഡ് ഉ​ൾ​പ്പെ​ടെ പ്ര​ധാ​ന പാ​ത​ക​ളെ​ല്ലാം വെ​ള്ള​ത്തി​ൽ മു​ങ്ങി. പ​ല​യി​ട​ത്തും ഏ​റെ​നേ​രം ഗ​താ​ഗ​ത​ക്കു​രു​ക്കു​മു​ണ്ടാ​യി. ക​ല്ലു​ത്താ​ൻ ക​ട​വ് ഭാ​ഗ​ത്ത് തെ​ങ്ങ് വൈ​ദ്യു​തി ക​മ്പി​യി​ലേ​ക്ക് ക​ട​പു​ഴ​കി. റോ​ഡി​ലൂ​ടെ പോ​യ ബൈ​ക്ക് യാ​ത്രി​ക​നും പ​രി​ക്കേ​റ്റു. കു​തി​ര​വ​ട്ടം മാ​ന​സി​കാ​രോ​ഗ്യ കേ​ന്ദ്രം വ​ള​പ്പി​ലെ മ​രം റോ​ഡി​ലേ​ക്ക് ക​ട​പു​ഴ​കി.

കോ​ർ​ട്ട്റോ​ഡി​ൽ മ​ര​ക്കൊ​മ്പ് പൊ​ട്ടി​വീ​ണു. പ​റ​യ​ഞ്ചേ​രി​യി​ൽ കു​റ്റ​ൻ ബോ​ർ​ഡി​ലെ ഫ്ല​ക്സ് റോ​ഡി​നു കു​റു​കെ​യു​ള്ള കേ​ബി​ളി​ലേ​ക്ക് പ​റ​ന്നു​വീ​ണ​തും ഭീ​തി പ​ര​ത്തി. ബീ​ച്ച് അ​ഗ്നി​ര​ക്ഷാ സേ​ന​യാ​ണ് ഇ​ത് നീ​ക്കി​യ​ത്. മ​ഴ​ക്കെ​ടു​തി​ക​ൾ നേ​രി​ടാ​ൻ ദു​ര​ന്ത നി​വാ​ര​ണ വ​കു​പ്പും സ​ജ്ജ​മാ​ണ്.

വെ​ള്ളം ക​യ​റു​ന്ന സ്ഥ​ല​ങ്ങ​ളി​ൽ​നി​ന്നും ഉ​രു​ൾ​പൊ​ട്ട​ൽ മു​ന്ന​റി​യി​പ്പ് നി​ല​നി​ൽ​ക്കു​ന്ന പ്ര​ദേ​ശ​ങ്ങ​ളി​ൽ​നി​ന്നും ആ​ളു​ക​ളെ സു​ര​ക്ഷി​ത​സ്ഥാ​ന​ത്തേ​ക്ക് മാ​റ്റാ​ൻ വേ​ണ്ട മു​ന്നൊ​രു​ക്ക​ങ്ങ​ൾ ന​ട​ത്താ​ൻ ജി​ല്ല ക​ല​ക്ട​ർ എ. ​ഗീ​ത ത​ഹ​സി​ൽ​ദാ​ർ​മാ​ർ​ക്ക് ക​ഴി​ഞ്ഞ ദി​വ​സം ത​ന്നെ നി​ർ​ദേ​ശം ന​ൽ​കി​യി​രു​ന്നു.