മ​ഴ ക​ന​ത്തു; ജാ​ഗ്ര​ത​യോ​ടെ ജി​ല്ല

കോ​ഴി​ക്കോ​ട്: ര​ണ്ടു ദി​വ​സ​മാ​യു​ള്ള ക​ന​ത്ത മ​ഴ​യെ​ത്തു​ട​ർ​ന്ന് ജി​ല്ല​യി​ൽ ഒ​രു മ​ര​ണം. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ വെ​ള്ള​ക്കെ​ട്ടും വ്യാ​പ​ക നാ​ശ​വു​മു​ണ്ടാ​യി. താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ന​ടി​യി​ലാ​യി. കാ​റ്റി​ൽ മ​ര​ങ്ങ​ൾ പ​തി​ച്ച് വൈ​ദ്യു​തി​ക്ക​മ്പി​ക​ൾ പൊ​ട്ടി​വീ​ണ​തി​നാ​ൽ പ​ല​യി​ട​ങ്ങ​ളി​ലും വൈ​ദ്യു​തി നി​ല​ച്ചു.

റോ​ഡി​ൽ വെ​ള്ള​ക്കെ​ട്ടു​മൂ​ലം വ​ൻ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ടു. ദീ​ർ​ഘ​ദൂ​ര ബ​സു​ക​ൾ ഉ​ൾ​പ്പെ​ടെ വാ​ഹ​ന​ങ്ങ​ൾ മൂ​ന്നും നാ​ലും മ​ണി​ക്കൂ​റു​ക​ൾ വൈ​കി​യാ​ണ് ല​ക്ഷ്യ​സ്ഥാ​ന​ങ്ങ​ളി​ലെ​ത്തി​യ​ത്. ഇ​തേ​ത്തു​ട​ർ​ന്ന് യാ​ത്ര​ക്കാ​ർ മ​ണി​ക്കൂ​റു​ക​ളോ​ളം വ​ഴി​യി​ൽ​കി​ട​ന്ന് വ​ല​ഞ്ഞു. ക​ന​ത്ത മ​ഴ​യി​ൽ വ്യാ​പ​ക കൃ​ഷി​നാ​ശ​വും ഉ​ണ്ടാ​യി.

മ​ഴ​യി​ലും കാ​റ്റി​ലും നൂ​റു​ക​ണ​ക്കി​നു വാ​ഴ​ക​ൾ നി​ലം​പൊ​ത്തി. കൃ​ഷി വ​കു​പ്പ് അ​ധി​കൃ​ത​ർ നാ​ശ​ന​ഷ്ട​ങ്ങ​ൾ ക​ണ​ക്കാ​ക്കി വ​രു​ന്നു. വീ​ടു​ക​ൾ​ക്കും നാ​ശം സം​ഭ​വി​ച്ച​താ​യി റി​പ്പോ​ർ​ട്ടു​ണ്ട്. മ​ഴ​നാ​ശം വി​ത​ച്ച വി​വി​ധ മേ​ഖ​ല​ക​ളി​ല്‍ അ​ടി​യ​ന്ത​ര ന​ട​പ​ടി​ക​ൾ ജി​ല്ല ഭ​ര​ണ​കൂ​ടം കൈ​ക്കൊ​ണ്ടു. റ​വ​ന്യൂ, ദു​ര​ന്ത നി​വാ​ര​ണ വ​കു​പ്പു​ക​ളു​ടെ നേ​തൃ​ത്വ​ത്തി​ല്‍ യു​ദ്ധ​കാ​ലാ​ടി​സ്ഥാ​ന​ത്തി​ൽ ഏ​കോ​പി​പ്പി​ച്ചു​ള്ള പ്ര​വ​ര്‍ത്ത​ന​ങ്ങ​ൾ​ക്കാ​ണ് സ​ജ്ജ​മാ​യ​ത്.

മ​ല​യോ​ര മേ​ഖ​ല​ക​ളി​ലാ​ണ് കൂ​ടു​ത​ലും കൃ​ഷി​നാ​ശ​മു​ണ്ടാ​യ​ത്. ക​പ്പ, വാ​ഴ, പ​ച്ച​ക്ക​റി കൃ​ഷി​ക​ള്‍ എ​ന്നി​വ​ക്കാ​ണ് തു​ട​ര്‍ച്ച​യാ​യ മ​ഴ​യി​ല്‍ നാ​ശം നേ​രി​ട്ട​ത്. കൃ​ഷി​നാ​ശ​ത്തി​ന്റെ ക​ണ​ക്കു​ക​ള്‍ തി​ട്ട​പ്പെ​ടു​ത്തി​യ​ശേ​ഷം ന​ഷ്ട​പ​രി​ഹാ​രം ല​ഭ്യ​മാ​ക്കു​ന്ന​തി​നു​ള്ള ന​ട​പ​ടി​ക​ള്‍ സ്വീ​ക​രി​ക്കും. ഉ​രു​ള്‍പൊ​ട്ട​ല്‍, വെ​ള്ള​പ്പൊ​ക്കം, മ​ണ്ണി​ടി​ച്ചി​ല്‍ സാ​ധ്യ​ത​യു​ള്ള സ്ഥ​ല​ങ്ങ​ളി​ല്‍ ക​ന​ത്ത ജാ​ഗ്ര​ത പാ​ലി​ക്കാ​ന്‍ എ​ല്ലാ വ​കു​പ്പു​ക​ള്‍ക്കും നി​ര്‍ദേ​ശം ന​ല്‍കി​യി​ട്ടു​ണ്ട്. ചി​ല തീ​ര​ദേ​ശ മേ​ഖ​ല​ക​ളി​ൽ ക​ട​ൽ​ക്ഷോ​ഭം രൂ​ക്ഷ​മാ​ണ്. മ​ത്സ്യ​ബ​ന്ധ​ന​ തൊ​ഴി​ലാ​ളി​ക​ൾ​ക്ക് ജാ​ഗ്ര​ത നി​ർ​ദേ​ശം ന​ൽ​കി.

ബീ​ച്ച് ആ​ശു​പ​ത്രി​യി​ൽ ഒ​ടി​ട്ട മേ​ൽ​ക്കൂ​ര ത​ക​ർ​ന്ന് ചോ​ർ​ച്ച അ​നു​ഭ​വ​പ്പെ​ട്ടു. തു​ട​ർ​ന്ന് ലേ​ബ​ർ റൂ​മി​നോ​ട​നു​ബ​ന്ധി​ച്ച് പോ​സ്റ്റ് ഓ​പ​റേ​റ്റി​വ് വാ​ർ​ഡി​ൽ വെ​ള്ളം ത​ളം കെ​ട്ടി​നി​ന്നു. ഇ​ത് രോ​ഗി​ക​ളെ​യും കൂ​ട്ടി​രി​പ്പു​കാ​രെ​യും ദു​രി​ത​ത്തി​ലാ​ക്കി.

അ​ടി​യ​ന്ത​ര യോ​ഗം ചേ​ര്‍ന്നു

ജി​ല്ല​യി​ല്‍ വ​രും മ​ണി​ക്കൂ​റു​ക​ളി​ല്‍ ശ​ക്ത​മാ​യ മ​ഴ പെ​യ്യു​മെ​ന്ന കാ​ലാ​വ​സ്ഥ പ്ര​വ​ച​ന​ത്തി​ന്റെ അ​ടി​സ്ഥാ​ന​ത്തി​ല്‍ ജി​ല്ല ക​ല​ക്ട​ര്‍ സ്‌​നേ​ഹി​ല്‍ കു​മാ​ര്‍ സി​ങ്ങി​ന്റെ നേ​തൃ​ത്വ​ത്തി​ല്‍ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി ശ​നി​യാ​ഴ്ച രാ​വി​ലെ അ​ടി​യ​ന്ത​ര യോ​ഗം ചേ​ര്‍ന്ന് സ്ഥി​തി​ഗ​തി​ക​ള്‍ വി​ല​യി​രു​ത്തി.

ജി​ല്ല​യി​ല്‍ മ​ഴ​ക്കെ​ടു​തി​ക​ള്‍ നേ​രി​ടു​ന്ന​തി​ന് എ​ല്ലാ​വി​ധ സ​ന്നാ​ഹ​ങ്ങ​ളും സ​ജ്ജ​മാ​ണെ​ന്ന് ഉ​റ​പ്പു​വ​രു​ത്താ​ന്‍ ഡി.​ഡി.​എം.​എ ചെ​യ​ര്‍മാ​ന്‍കൂ​ടി​യാ​യ ജി​ല്ല ക​ല​ക്ട​ര്‍ ബ​ന്ധ​പ്പെ​ട്ട​വ​ര്‍ക്ക് നി​ർ​ദേ​ശം ന​ല്‍കി. ജി​ല്ല​യി​ലെ മ​ണ്ണി​ടി​ച്ചി​ല്‍ സാ​ധ്യ​ത പ്ര​ദേ​ശ​ങ്ങ​ളി​ല്‍ നി​രീ​ക്ഷ​ണം ശ​ക്ത​മാ​ക്ക​ണം. അ​ടി​യ​ന്ത​ര ഘ​ട്ട​ങ്ങ​ളി​ല്‍ പ്ര​ദേ​ശ​വാ​സി​ക​ളെ മാ​റ്റി​പ്പാ​ര്‍പ്പി​ക്കു​ന്ന​തി​നു​ള്ള ക്യാ​മ്പു​ക​ള്‍, വാ​ഹ​ന​ങ്ങ​ള്‍, അ​വ​ശ്യ​വ​സ്തു​ക്ക​ള്‍ ഉ​ള്‍പ്പെ​ടെ​യു​ള്ള​വ സ​ജ്ജ​മാ​ക്ക​ണം. കോ​ഴി​ക്കോ​ട് റൂ​റ​ല്‍ എ​സ്.​പി കെ.​ഇ. ബൈ​ജു, ഡി.​സി.​പി അ​രു​ണ്‍ കെ. ​പ​വി​ത്ര​ന്‍, ഡി.​എം ഡെ​പ്യൂ​ട്ടി ക​ല​ക്ട​ര്‍ ഇ. ​അ​നി​ത കു​മാ​രി, ജി​ല്ല​ത​ല ഉ​ദ്യോ​ഗ​സ്ഥ​ര്‍, ത​ദ്ദേ​ശ സ്ഥാ​പ​ന സെ​ക്ര​ട്ട​റി​മാ​ര്‍ തു​ട​ങ്ങി​യ​വ​ര്‍ സം​ബ​ന്ധി​ച്ചു.

ജ​ല​നി​ര​പ്പ് നി​രീ​ക്ഷി​ക്കാ​ൻ നി​ർ​ദേ​ശം

ജി​ല്ല​യി​ലെ ജ​ല​സം​ഭ​ര​ണി​ക​ള്‍, പു​ഴ​ക​ള്‍ ഉ​ള്‍പ്പെ​ടെ​യു​ള്ള ജ​ല​സ്രോ​ത​സ്സു​ക​ള്‍ എ​ന്നി​വ​യി​ലെ ജ​ല​നി​ര​പ്പ് കൃ​ത്യ​മാ​യി നി​രീ​ക്ഷി​ക്കാ​നും അ​വ ത​ത്സ​മ​യം ജി​ല്ല​ത​ല ക​ണ്‍ട്രോ​ള്‍ റൂ​മി​ലേ​ക്ക് അ​റി​യി​ക്കാ​നും ജി​ല്ല ക​ല​ക്ട​ര്‍ ഇ​റി​ഗേ​ഷ​ന്‍ വ​കു​പ്പി​ന് നി​ർ​ദേ​ശം ന​ല്‍കി. പു​ഴ​ക്ക​ര​ക​ളി​ലും മ​റ്റും താ​മ​സി​ക്കു​ന്ന​വ​ര്‍ പ്ര​ത്യേ​ക ജാ​ഗ്ര​ത പാ​ലി​ക്ക​ണം. വീ​ടു​ക​ളി​ല്‍ വെ​ള്ളം ക​യ​റാ​ന്‍ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ല്‍ താ​മ​സി​ക്കു​ന്ന​വ​ര്‍ അ​ടി​യ​ന്ത​ര ഘ​ട്ട​ങ്ങ​ളി​ല്‍ പെ​ട്ടെ​ന്ന് മാ​റി​ത്താ​മ​സി​ക്കു​ന്ന​തി​നു​ള്ള ത​യാ​റെ​ടു​പ്പു​ക​ള്‍ ന​ട​ത്ത​ണം.

അ​ധി​കൃ​ത​രെ ചു​മ​ത​ല​​പ്പെ​ടു​ത്തി

അ​ടി​യ​ന്ത​ര സാ​ഹ​ച​ര്യ​ങ്ങ​ളെ നേ​രി​ടു​ന്ന​തി​നു​ള്ള യ​ന്ത്ര​സാ​മ​ഗ്രി​ക​ള്‍, ഭ​ക്ഷ​ണ​സാ​ധ​ന​ങ്ങ​ള്‍, മെ​ഡി​ക്ക​ല്‍ ഉ​പ​ക​ര​ണ​ങ്ങ​ള്‍, വാ​ഹ​ന​ങ്ങ​ള്‍ എ​ന്നി​വ സ​ജ്ജ​മാ​ക്കാ​ന്‍ ത​ഹ​സി​ല്‍ദാ​ര്‍മാ​ര്‍, പൊ​ലീ​സ്, ഫ​യ​ര്‍ഫോ​ഴ്‌​സ്, ഡി.​എം.​ഒ, ആ​ര്‍.​ടി.​ഒ, ത​ദ്ദേ​ശ സ്ഥാ​പ​ന​ങ്ങ​ള്‍ തു​ട​ങ്ങി​യ​വ​ര്‍ക്ക് നി​ർ​ദേ​ശം ന​ല്‍കി. അ​പ​ക​ട​സാ​ധ്യ​ത​യു​ള്ള മ​ര​ങ്ങ​ളും കൊ​മ്പു​ക​ളും മു​റി​ച്ചു​മാ​റ്റാ​ന്‍ ന​ട​പ​ടി സ്വീ​ക​രി​ക്ക​ണം. ദേ​ശീ​യ​പാ​ത​യി​ലെ വെ​ള്ള​ക്കെ​ട്ടു​ക​ള്‍ പ​രി​ഹ​രി​ക്കാ​ന്‍ ആ​വ​ശ്യ​മാ​യ പ​മ്പു​ക​ളും ടാ​ങ്ക​റു​ക​ളും സ​ജ്ജ​മാ​ക്കാ​ന്‍ ദേ​ശീ​യ​പാ​ത അ​തോ​റി​റ്റി ഉ​ദ്യോ​ഗ​സ്ഥ​ര്‍ക്ക് ജി​ല്ല ക​ല​ക്ട​ര്‍ നി​ർ​ദേ​ശം ന​ല്‍കി.

വി​ല​ങ്ങാ​ട് മു​ന്‍ക​രു​ത​ൽ

ക​ഴി​ഞ്ഞ വ​ര്‍ഷം ഉ​രു​ള്‍പ്പൊ​ട്ട​ലു​ണ്ടാ​യ വാ​ണി​മേ​ല്‍ പ​ഞ്ചാ​യ​ത്തി​ലെ വി​ല​ങ്ങാ​ട് പ്ര​ദേ​ശ​ത്ത് അ​ടി​യ​ന്ത​ര സാ​ഹ​ച​ര്യ​ങ്ങ​ള്‍ നേ​രി​ടു​ന്ന​തി​ന് മു​ന്‍ക​രു​ത​ലു​മാ​യി ജി​ല്ല ഭ​ര​ണ​കൂ​ടം. ക്യാ​മ്പു​ക​ള്‍ സ​ജ്ജീ​ക​രി​ച്ച് താ​ക്കോ​ൽ വാ​ങ്ങി സൂ​ക്ഷി​ക്കാ​ൻ ക​ല​ക്ട​ര്‍ ആ​വ​ശ്യ​പ്പെ​ട്ടു. പാ​രി​ഷ് ഹാ​ളി​ലും സെ​ന്റ് ജോ​ര്‍ജ് ഹൈ​സ്‌​കൂ​ളി​ലു​മാ​യി ര​ണ്ട് ക്യാ​മ്പു​ക​ള്‍ ഒ​രു​ക്കു​ന്ന​താ​യും 200ഓ​ളം പേ​രെ താ​മ​സി​പ്പി​ക്കാ​നു​ള്ള സൗ​ക​ര്യം ഇ​വി​ടെ​യു​ണ്ടെ​ന്നും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ അ​റി​യി​ച്ചു.

ഉ​ന്ന​തി​ക​ളി​ല്‍ മു​ന്ന​റി​യി​പ്പു​ക​ള്‍ ന​ല്‍ക​ണ​മെ​ന്നും അ​പാ​യ സൈ​റ​ണ്‍ ഉ​ള്‍പ്പെ​ടെ സ്ഥാ​പി​ക്കു​ന്ന​തി​ന്റെ സാ​ധ്യ​ത പ​രി​ശോ​ധി​ക്ക​ണ​മെ​ന്നും ക​ല​ക്ട​ര്‍ ആ​വ​ശ്യ​പ്പെ​ട്ടു. റേ​ഷ​ന്‍ ക​ട​ക​ളി​ല്‍ മ​തി​യാ​യ സ്റ്റോ​ക്ക് ഉ​റ​പ്പു​വ​രു​ത്താ​നും മ​ണ്ണു​മാ​ന്തി, ക്രെ​യി​ന്‍, ലോ​റി എ​ന്നി​വ സ​ജ്ജ​മാ​ക്കാ​നും നി​ര്‍ദേ​ശം ന​ല്‍കി.

വേണം, ക​ട​ലി​ലും ജാ​ഗ്ര​ത

കോ​ഴി​ക്കോ​ട്: ചോ​മ്പാ​ല ഹാ​ർ​ബ​ർ മു​ത​ൽ രാ​മ​നാ​ട്ടു​ക​ര വ​രെ 25ന് ​രാ​ത്രി 11.30 മു​ത​ൽ ക​ള്ള​ക്ക​ട​ൽ പ്ര​തി​ഭാ​സം അ​നു​ഭ​വ​പ്പെ​ടാ​ൻ സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥ നി​രീ​ക്ഷ​ണ വ​കു​പ്പ് അ​റി​യി​ച്ചു. ക​ട​ൽ​ക്ഷോ​ഭം രൂ​ക്ഷ​മാ​കാ​ൻ സാ​ധ്യ​ത​യു​ള്ള​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ളും തീ​ര​ദേ​ശ​വാ​സി​ക​ളും ജാ​ഗ്ര​ത പാ​ലി​ക്ക​ണം.

നി​യ​ന്ത്ര​ണ​ങ്ങ​ൾ

ജി​ല്ല​യി​ലെ വെ​ള്ള​ച്ചാ​ട്ട​ങ്ങ​ള്‍, ക​ട​ല്‍ത്തീ​ര​ങ്ങ​ള്‍, പു​ഴ​യോ​ര​ങ്ങ​ള്‍ എ​ന്നി​വ​യു​മാ​യി ബ​ന്ധ​പ്പെ​ട്ട വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ല്‍ സ​ഞ്ചാ​രി​ക​ള്‍ക്ക് നി​യ​ന്ത്ര​ണം ഏ​ര്‍പ്പെ​ടു​ത്തി. ഇ​ത്ത​രം സ്ഥ​ല​ങ്ങ​ള്‍ സ​ന്ദ​ര്‍ശി​ക്കു​ക​യോ പു​ഴ​ക​ളി​ലും വെ​ള്ള​ച്ചാ​ട്ട​ങ്ങ​ളി​ലും ഇ​റ​ങ്ങു​ക​യോ ചെ​യ്യ​രു​തെ​ന്നും ജി​ല്ല ക​ല​ക്ട​ര്‍ നി​ർ​ദേ​ശി​ച്ചു.

ക്വാ​റി​ക​ളി​ലെ ഖ​ന​ന​പ്ര​വൃ​ത്തി​ക​ള്‍ നി​ർ​ത്തി​വെ​ക്ക​ണം. മ​ല​യോ​ര മേ​ഖ​ല​യി​ലേ​ക്കു​ള്ള അ​ത്യാ​വ​ശ്യ​മ​ല്ലാ​ത്ത യാ​ത്ര​ക​ള്‍ ഒ​ഴി​വാ​ക്ക​ണം. ചു​രം റോ​ഡു​ക​ൾ, ഉ​രു​ൾ​പൊ​ട്ട​ലി​ന് സാ​ധ്യ​ത​യു​ള്ള പ്ര​ദേ​ശ​ങ്ങ​ൾ എ​ന്നി​വി​ട​ങ്ങ​ളി​ലൂ​ടെ വൈ​കീ​ട്ട് ഏ​ഴു മു​ത​ൽ രാ​വി​ലെ ഏ​ഴു​വ​രെ അ​ടി​യ​ന്ത​ര​മ​ല്ലാ​ത്ത യാ​ത്ര​ക​ൾ ഒ​ഴി​വാ​ക്ക​ണം.

ഇവ ശ്രദ്ധിക്കാം

• അ​പ​ക​ട മേ​ഖ​ല​ക​ളി​ൽ​നി​ന്ന് മാ​റി​ത്താ​മ​സി​ക്ക​ണം.
• ചെ​റി​യ വ​ള്ള​ങ്ങ​ളും ബോ​ട്ടു​ക​ളും ക​ട​ലി​ൽ ഇ​റ​ക്ക​രു​ത്.
• തി​ര​മാ​ല ശ​ക്തി​പ്പെ​ടു​ന്ന ഘ​ട്ട​ത്തി​ൽ ക​ട​ലി​ലേ​ക്ക് ബോ​ട്ടു​ക​ൾ ഇ​റ​ക്കു​ന്ന​തും ക​ര​ക്ക​ടു​പ്പി​ക്കു​ന്ന​തും ഒ​ഴി​വാ​ക്ക​ണം.
• മു​ന്ന​റി​യി​പ്പ് പി​ൻ​വ​ലി​ക്കു​ന്ന​ത് വ​രെ ബീ​ച്ചു​ക​ൾ കേ​ന്ദ്രീ​ക​രി​ച്ചു​ള്ള വി​നോ​ദ​സ​ഞ്ചാ​ര​മു​ൾ​പ്പെ​ടെ​യു​ള്ള എ​ല്ലാ പ്ര​വ​ർ​ത്ത​ന​ങ്ങ​ളും പൂ​ർ​ണ​മാ​യി ഒ​ഴി​വാ​ക്ക​ണം.
• മ​ത്സ്യ​ബ​ന്ധ​ന യാ​ന​ങ്ങ​ൾ ഹാ​ർ​ബ​റി​ൽ സു​ര​ക്ഷി​ത​മാ​യി കെ​ട്ടി​യി​ട്ട് സൂ​ക്ഷി​ക്ക​ണം.
• ബീ​ച്ചി​ലേ​ക്കു​ള്ള യാ​ത്ര​ക​ളും ക​ട​ലി​ൽ ഇ​റ​ങ്ങി​യു​ള്ള വി​നോ​ദ​ങ്ങ​ളും ഒ​ഴി​വാ​ക്ക​ണം.
• തീ​ര​ശോ​ഷ​ണ​ത്തി​നു സാ​ധ്യ​ത​യു​ള്ള​തി​നാ​ൽ പ്ര​ത്യേ​കം ജാ​ഗ്ര​ത പു​ല​ർ​ത്ത​ണം.