അതിരുകടന്ന് ഓണാഘോഷം: ഹൈകോടതി സ്വമേധയാ കേസെടുത്തു

ഫ​റോ​ക്ക്: ഓ​ണാ​ഘോ​ഷ​വു​മാ​യി ബ​ന്ധ​പ്പെ​ട്ട് ഫാ​റൂ​ഖ് കോ​ള​ജ് വി​ദ്യാ​ർ​ഥി​ക​ൾ റോ​ഡ് ഷോ ​ന​ട​ത്തി​യ സം​ഭ​വ​ത്തി​ൽ സ്വ​മേ​ധ​യാ കേ​സെ​ടു​ത്ത് ഹൈ​കോ​ട​തി. ആ​ഘോ​ഷ​ങ്ങ​ൾ അ​തി​രു​ക​ട​ക്ക​രു​തെ​ന്ന കോ​ട​തി​വി​ധി നി​ല​നി​ൽ​ക്കേ പൊ​തു​ഗ​താ​ഗ​തം സ്തം​ഭി​പ്പി​ച്ചു വി​ദ്യാ​ർ​ഥി​ക​ൾ ആ​ഡം​ബ​ര കാ​റു​ക​ളി​ൽ ന​ട​ത്തി​യ പ​രി​പാ​ടി​ക​ൾ ച​ട്ട ലം​ഘ​ന​മാ​യി​രു​ന്നു​വെ​ന്ന ദൃ​ശ്യ, പ​ത്ര മാ​ധ്യ​മ​ങ്ങ​ൾ വ​ഴി ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​യി​രു​ന്നു ഹൈ​കേ​ട​തി​യു​ടെ ഇ​ട​പെ​ട​ൽ.

സം​ഭ​വ​ത്തി​ൽ 11 വി​ദ്യാ​ർ​ഥി​ക​ളു​ടെ പേ​രി​ൽ ഫ​റോ​ക്ക് പൊ​ലീ​സ് കേ​സെ​ടു​ത്തു. വി​ദ്യാ​ർ​ഥി​ക​ൾ ഓ​ടി​ച്ചി​രു​ന്ന വാ​ഹ​ന​ങ്ങ​ളും പൊ​ലീ​സ് ക​സ്റ്റ​ഡി​യി​ലെ​ടു​ത്തു. ഗ​താ​ഗ​ത ത​ട​സ്സം സൃ​ഷ്ടി​ച്ച് കാ​റു​ക​ളു​ടെ ബോ​ണ​റ്റി​ലും ഡോ​റി​നു പു​റ​ത്തേ​ക്കും ഇ​രു​ന്ന് അ​പ​ക​ട​കരമാ​യ രീ​തി​യി​ൽ യാ​ത്ര​ചെ​യ്ത ആ​ഡം​ബ​ര കാ​റു​ക​ളാ​ണ് പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ക​ഴി​ഞ്ഞ ദി​വ​സം മോ​ട്ടോ​ർ വാ​ഹ​ന വ​കു​പ്പ് അ​ഞ്ചു വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​ക​യും 47,500 രൂ​പ പി​ഴ​യും ചു​മ​ത്തി​യി​രു​ന്നു. ഇ​തേ തു​ട​ർ​ന്നു​ള്ള സം​ഭ​വം ദൃ​ശ്യ, പ​ത്ര മാ​ധ്യ​മ​ങ്ങ​ളി​ൽ പ്ര​ച​രി​ച്ച​തോ​ടെ​ വെ​ള്ളി​യാ​ഴ്ച ഹൈ​കോ​ട​തി സ്വ​മേ​ധ​യാ കേ​സെ​ടു​ക്കു​ക​യാ​യി​രു​ന്നു. തു​ട​ർ​ന്നാ​ണ് വാ​ഹ​ന​ങ്ങ​ൾ​ക്കെ​തി​രെ​യും ഓ​ടി​ച്ച വി​ദ്യാ​ർ​ഥി​ക​ൾ​ക്കെ​തി​രെ​യും ഫ​റോ​ക്ക് പൊ​ലീ​സ് ഇ​ൻ​സ്പെ​ക്ട​ർ ശ്രീ​ജി​ത്ത്, എ​സ്.​ഐ ആ​ർ.​എ​സ്. വി​ന​യ​ൻ എ​ന്നി​വ​ർ ചേ​ർ​ന്ന് കേ​സെ​ടു​ത്ത​ത്.