കൊടുവള്ളിയിൽ 18.66 ലക്ഷത്തി​െൻറ കുഴൽപണവുമായി രണ്ടുപേർ പിടിയിൽ

കൊടുവള്ളി: കൊടുവള്ളിയിൽ 18.66 ലക്ഷത്തി​െൻറ കുഴൽപണവുമായി രണ്ടുപേരെ കൊടുവള്ളി പൊലീസ് പിടികൂടി. കൊടുവള്ളി ഞെള്ളോറമ്മൽ സക്കരിയ്യ (44), കൊടുവള്ളി പുഴങ്കര മുഹമ്മദ് ബഷീർ (55) എന്നിവരാണ് പിടിയിലായത്. തിങ്കളാഴ്ച രാത്രി ഏഴോടെ പൊലീസിന് ലഭിച്ച രഹസ്യവിവരത്തെ തുടർന്ന് കൊടുവള്ളി മാർക്കറ്റ് റോഡിൽ കൊടുവള്ളി എസ്.ഐ എ. സായൂജ്കുമാർ, സീനിയർ സി.പി.ഒമാരായ സുനിൽകുമാർ, അജിത്ത്, ദിൽഷാദ് എന്നിവർ ചേർന്ന് നടത്തിയ പരിശോധനയിലാണ് ഇവർ പിടിയിലായത്. 500​െൻറയും 2000ത്തി​െൻറയും കെട്ടുകളടങ്ങിയ പണം ബാഗിൽ സൂക്ഷിച്ച നിലയിലായിരുന്നു.