സമരം അമ്പതു ദിവസം നീണ്ടു; നീതി കിട്ടാതെ ഹര്‍ഷിന

കോ​ഴി​ക്കോ​ട്: ആ​രോ​ഗ്യ മേ​ഖ​ല​യി​ലെ വീ​ഴ്ച​യു​ടെ ഇ​ര​യാ​ണ് ഹ​ര്‍ഷി​ന​യെ​ന്ന​ത് കേ​ര​ള​ത്തി​ലെ മൊ​ത്തം ജ​ന​ങ്ങ​ള്‍ക്കും സു​വ്യ​ക്ത​മാ​യി​ട്ടും നീ​തി ല​ഭ്യ​മാ​വു​ന്നി​ല്ലെ​ന്ന​ത് അ​ങ്ങേ​യ​റ്റം ക​ഷ്ട​മാ​ണെ​ന്ന് സാ​ഹി​ത്യ​കാ​ര​ൻ ക​ല്‍പ​റ്റ നാ​രാ​യ​ണ​ന്‍. ന്യാ​യ​മാ​യ ആ​വ​ശ്യ​ത്തി​നു​വേ​ണ്ടി തു​ട​രു​ന്ന ഒ​രു സ​മ​രം അ​മ്പ​തു ദി​വ​സം പി​ന്നി​ട്ടി​ട്ടും അ​വ​സാ​നി​ച്ചി​ട്ടി​ല്ല എ​ന്ന​ത് സാം​സ്‍കാ​രി​ക കേ​ര​ള​ത്തി​നാ​കെ അ​പ​മാ​ന​ക​ര​മാ​ണ്. മ​റ്റേ​തെ​ങ്കി​ലും നാ​ട്ടി​ലാ​യി​രു​ന്നെ​ങ്കി​ല്‍ ഭ​ര​ണ​സം​വി​ധാ​ന​ത്തി​ന്റെ വീ​ഴ്ച​ക്ക് മാ​ന്യ​മാ​യ ക്ഷ​മാ​പ​ണ​വും കു​റ്റ​ക്കാ​ര്‍ക്കെ​തി​രെ മാ​തൃ​കാ​പ​ര​മാ​യ ശി​ക്ഷാ​ന​ട​പ​ടി​ക​ളും കോ​ടി​ക​ള്‍ ന​ഷ്ട​പ​രി​ഹാ​ര​വും ന​ല്‍കേ​ണ്ടി​വ​രു​മാ​യി​രു​ന്നു.

എ​ന്നാ​ൽ, ഹ​ര്‍‌​ഷി​ന​ക്ക് കേ​വ​ലം ര​ണ്ടും ല​ക്ഷം രൂ​പ മാ​ത്രം ന​ഷ്ട​പ​രി​ഹാ​രം ന​ല്‍കി പ​രി​ഹ​സി​ച്ച് ഒ​തു​ക്കി​ത്തീ​ര്‍ക്കാ​ന്‍ നോ​ക്കി​യെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

മെ​ഡി​ക്ക​ല്‍ കോ​ള​ജി​ന് മു​ന്നി​ല്‍ ന​ട​ക്കു​ന്ന അ​നി​ശ്ചി​ത​കാ​ല സ​ത്യ​ഗ്ര​ഹ സ​മ​ര​ത്തി​ന്റെ അ​മ്പ​താം ദി​വ​സം സ​മ​ര​പ​ന്ത​ലി​ൽ സ​മ​ര സ​മി​തി​യു​ടെ നേ​തൃ​ത്വ​ത്തി​ൽ സം​ഘ​ടി​പ്പി​ച്ച പ്ര​തി​ഷേ​ധ സം​ഗ​മം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. സ​മ​ര​സ​മി​തി ചെ​യ​ർ​മാ​ൻ ദി​നേ​ശ് പെ​രു​മ​ണ്ണ അ​ധ്യ​ക്ഷ​ത വ​ഹി​ച്ചു. എം.​ടി. സേ​തു​മാ​ധ​വ​ൻ, എം.​വി. അ​ബ്ദു​ല്ല​ത്തീ​ഫ്, അ​ൻ​ഷാ​ദ് മ​ണ​ക്ക​ട​വ്, ബാ​ബു കു​നി​യി​ൽ, ആ​സി​ഫ് മ​ണ​ക്ക​ട​വ് തു​ട​ങ്ങി​യ​വ​ർ സം​സാ​രി​ച്ചു.

സ​മ​ര​ത്തി​ന്റെ 51ാം ദി​വ​സ​മാ​യ ചൊ​വ്വാ​ഴ്ച രാ​വി​ലെ പ​ത്തു​മു​ത​ൽ ക​ല​ക്ട​റേ​റ്റു പ​ടി​ക്ക​ൽ സ​മ​ര​സ​മി​തി സം​ഘ​ടി​പ്പി​ക്കു​ന്ന ഉ​പ​വാ​സ സ​മ​രം അ​ഡ്വ. ഷാ​നി​മോ​ൾ ഉ​സ്മാ​ൻ ഉ​ദ്ഘാ​ട​നം ചെ​യ്യും.