ഹ​ർ​ഷി​ന​ക്ക് ബ​ലി​പെ​രു​ന്നാ​ൾ വീ​ട്ടി​ൽ ആ​ഘോ​ഷി​ക്കാ​ൻ മു​ഖ്യ​മ​ന്ത്രി അ​വ​സ​ര​മൊ​രു​ക്ക​ണം -മു​ല്ല​പ്പ​ള്ളി രാ​മ​ച​ന്ദ്ര​ൻ

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പ്ര​സ​വ​ശ​സ്ത്ര​ക്രി​യ​ക്കി​ടെ വ​യ​റ്റി​ൽ ക​ത്രി​ക കു​ടു​ങ്ങി ദു​രി​തം അ​നു​ഭ​വി​ക്കേ​ണ്ടി​വ​ന്ന ഹ​ർ​ഷി​ന​ക്ക് ഇ​ത്ത​വ​ണ​ത്തെ ബ​ലി​പെ​രു​ന്നാ​ൾ കു​ടും​ബ​ത്തി​നും കു​ട്ടി​ക​ൾ​ക്കു​മൊ​പ്പം വീ​ട്ടി​ൽ ആ​ഘോ​ഷി​ക്കാ​ൻ മു​ഖ്യ​മ​ന്ത്രി അ​വ​സ​ര​മൊ​രു​ക്ക​ണ​മെ​ന്ന് കെ.​പി.​സി.​സി മു​ൻ പ്ര​സി​ഡ​ന്റ് മു​ല്ല​പ്പ​ള്ളി രാ​മ​ച​ന്ദ്ര​ൻ.

സ​ത്യ​ഗ്ര​ഹ സ​മ​രം 30 ദി​വ​സം പി​ന്നി​ട്ട​തി​ന്റെ ഭാ​ഗ​മാ​യി സ​മ​ര​സ​മി​തി ന​ട​ത്തി​യ അ​ഗ്നി​ജ്വാ​ല പ്ര​തി​ഷേ​ധം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. ഹ​ർ​ഷി​ന അ​ഞ്ചു വ​ർ​ഷ​മാ​യി അ​നു​ഭ​വി​ക്കു​ന്ന പ്ര​യാ​സ​ങ്ങ​ൾ ക​ണ്ടി​ല്ലെ​ന്നു ന​ടി​ക്കു​ന്ന സ​ർ​ക്കാ​ർ നി​ല​പാ​ട് ജ​നാ​ധി​പ​ത്യ​വി​രു​ദ്ധ​മാ​ണ്. ഡോ​ക്ട​ർ​മാ​രു​ടെ ക്രൂ​ര​മാ​യ അ​നാ​സ്ഥ കാ​ര​ണ​മു​ള്ള ഇ​ത്ത​ര​മൊ​രു ദു​ര​വ​സ്ഥ ഒ​രു സ്ത്രീ​ക്കും ഇ​നി ഉ​ണ്ടാ​ക​രു​ത്.

സ​മ​രം എ​ത്ര ദി​വ​സം നീ​ണ്ടാ​ലും പി​ന്തി​രി​യി​ല്ല. കേ​ര​ള സ​മൂ​ഹ​ത്തി​ന്റെ പി​ന്തു​ണ​യാ​ണ് സ​മ​ര​ത്തി​ന്റെ പി​ൻ​ബ​ലം. മു​ഖ്യ​മ​ന്ത്രി മെ​ഡി​ക്ക​ൽ കോ​ള​ജി​ൽ ഉ​ദ്ഘാ​ട​ന​ത്തി​നു വ​രു​മ്പോ​ൾ സ​മ​രം ഇ​ല്ലാ​തി​രി​ക്കു​ന്ന​തി​നു​ള്ള നാ​ട​ക​മാ​യി​രു​ന്നോ മ​ന്ത്രി വീ​ണ ജോ​ർ​ജ് മു​മ്പ് ന​ട​ത്തി​യ​തെ​ന്നും അ​ദ്ദേ​ഹം ചോ​ദി​ച്ചു. ഹ​ർ​ഷി​ന​ക്ക് ഒ​രു കോ​ടി രൂ​പ ന​ഷ്ട​പ​രി​ഹാ​രം ന​ൽ​ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ഡി.​സി.​സി പ്ര​സി​ഡ​ന്റ് അ​ഡ്വ. കെ. ​പ്ര​വീ​ൺ​കു​മാ​ർ, ഐ.​എ​ൻ.​ടി.​യു.​സി ദേ​ശീ​യ ക​മ്മി​റ്റി അം​ഗം എം.​കെ. ബീ​രാ​ൻ തു​ട​ങ്ങി​യ​വ​ർ ഒ​പ്പ​മു​ണ്ടാ​യി​രു​ന്നു. സ​മ​ര​സ​മി​തി ചെ​യ​ർ​മാ​ൻ ദി​നേ​ശ് പെ​രു​മ​ണ്ണ അ​ധ്യ​ക്ഷ​ത വ​ഹി​ച്ചു. ക​ൺ​വീ​ന​ർ മു​സ്ത​ഫ പാ​ലാ​ഴി, സ​മ​ര​സ​മി​തി നേ​താ​ക്ക​ളാ​യ എം.​ടി. സേ​തു​മാ​ധ​വ​ൻ, എം.​വി. അ​ബ്ദു​ല്ല​ത്തീ​ഫ്, പി.​എം. ദി​ലീ​പ്കു​മാ​ർ, പി.​കെ. സു​ഭാ​ഷ് ച​ന്ദ്ര​ൻ, ബാ​ബു കു​നി​യി​ൽ, പി.​ടി. സ​ന്തോ​ഷ് കു​മാ​ർ, സു​ബൈ​ദ ക​ക്കോ​ടി, ഫൗ​സി​യ അ​സീ​സ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.