വനിത കണ്ടക്​ടർക്കെതിരെ അതിക്രമം: യുവാവ്​ പിടിയിൽ

കോഴിക്കോട്​: കെ.എസ്​.ആർ.ടി.സി ബസിൽവെച്ച്​ വനിത കണ്ടക്​ടർക്കെതിരെ ലൈംഗിക അതിക്രമം നടത്തിയ യുവാവ്​ പിടിയിൽ. കാസർകോട്​ ചിറ്റാരിക്കൽ സ്വദേശി ഷൈജു ജോസഫ്​ (28) ആണ്​ നടക്കാവ്​ പൊലീസി​‍െൻറ പിടിയിലായത്​.

ചൊവ്വാ​ഴ​്​ച വൈകീട്ട്​ മൂന്നു മണിയോടെ കണ്ണൂരിൽ നിന്ന്​ കോഴിക്കോ​ട്ടേക്ക്​ വരുകയായിരുന്ന ബസിലെ വനിത കണ്ടക്​ടറോടാണ്​ ​ ​ൈഷജ​ു ജോസഫ്​ അതിക്രമം കാട്ടിയത്​. സ്വകാര്യ ബസിലെ കണ്ടക്​ടറായ ഷൈജു കണ്ണൂരിൽ നിന്നാണ്​ കെ.എസ്​.ആർ.ടി.സി ബസിൽ കയറിയത്​.

സംഭവമുണ്ടായ ഉടൻ സഹയാത്രക്കാർ പ്രതിയെ തടഞ്ഞു​െവച്ചു. കണ്ടക്​ടറും കെ.എസ്​.ആർ.ടി.സി അധികാരികളും നടക്കാവ്​ പൊലീസിൽ അറിയിക്കുകയായിരുന്നു. മാവൂർറോഡ്​ ബസ്​ ടെർമിനലിൽ വെച്ചാണ്​ ​െപാലീസ്​ പ്രതിയെ കസ്​റ്റഡിയിലെടുത്തത്​. പീഡനശ്രമം, കൃത്യനിർവഹണം തടസ്സപ്പെടുത്തൽ എന്നീ വകുപ്പുകൾ പ്രകാരമാണ്​ കേസെടുത്തത്​.