gggggg

യാത്രക്കാരനെ അപമാനിച്ച കണ്ടക്ടറെ താക്കീത്​ ചെയ്തു കോഴിക്കോട്​: യാത്രക്കാരനോട്​ മോശമായി പെരുമാറിയ സ്വകാര്യ ബസ്​ കണ്ടക്ടറെ റീജനൽ ​ട്രാൻസ്​പോർട്ട്​ ഓഫിസർ വിളിച്ചുവരുത്തി താക്കീത്​ ചെയ്തു. കഴിഞ്ഞ മാർച്ച്​ എട്ടിന്​ കണ്ണൂർ-കോഴിക്കോട്​ റൂട്ടിൽ ഓടുന്ന കെ.എൽ 56 ക്യു 8334 നമ്പർ ​ശ്രീമുരുകൻ ബസിൽ യാത്രചെയ്ത എരഞ്ഞിക്കൽ ബാപ്പയിൽ കിരൺ ബാബു നൽകിയ പരാതിയിലാണ്​ നടപടി. കൊയിലാണ്ടിക്ക്​ പാവങ്ങാട്ടുനിന്ന്​ കയറിയ യാത്രക്കാരൻ വണ്ടിയിൽ അനുവദനീയമായതിലുമധികം ആളെ കുത്തിനിറച്ചതിനെപ്പറ്റി​ പറഞ്ഞപ്പോൾ 'താൻ കാറ്​ വിളിച്ച്​ പോയിക്കോളൂ'വെന്ന്​ പറഞ്ഞ്​ കൊടുത്ത പണം ബലമായി പോക്കറ്റിലിട്ട്​ വണ്ടിയിൽനിന്ന്​ പിടിച്ചിറക്കാൻ ശ്രമിച്ച്​ അപമാനിച്ചുവെന്നാണ്​ പരാതി.