വാതകക്കുറ്റികളുമായി പോയ മിനിലോറി അപകടത്തിൽ പെട്ടു വാതകം ചോർന്നു; രണ്ടു പേർക്ക് പരിക്ക്

കോ​ഴി​ക്കോ​ട്​ : സി.​എ​ൻ.​ജി ഗ്യാ​സ് കു​റ്റി​ക​ളു​മാ​യി പോ​കു​ക​യാ​യി​രു​ന്ന മി​നി​ലോ​റി അ​പ​ക​ട​ത്തി​ൽ പെ​ട്ട് വാ​ത​കം ചോ​ർ​ന്ന​ത് മ​ണി​ക്കൂ​റു​ക​ൾ ആ​ശ​ങ്ക പ​ര​ത്തി. അ​പ​ക​ട​ത്തി​ൽ ര​ണ്ടു​പേ​ർ​ക്ക് പ​രി​ക്കേ​റ്റു. ശ​നി​യാ​ഴ്ച രാ​വി​ലെ ഒ​മ്പ​തേ​കാ​ലോ​ടെ മ​ലാ​പ്പ​റ​മ്പ് -പൂ​ളാ​ടി​ക്കു​ന്ന് ബൈ​പാ​സ്​ റോ​ഡി​ൽ എ​ര​ഞ്ഞി​ക്ക​ൽ പെ​ട്രോ​ൾ പ​മ്പി​ന് സ​മീ​പ​മാ​ണ് അ​പ​ക​ടം. ട​യ​ർ പൊ​ട്ടി റോ​ഡ​രി​കി​ൽ നി​ർ​ത്തി​യി​ട്ട മി​നി​ലോ​റി​ക്ക്​ പി​ന്നി​ൽ സി.​എ​ൻ. ജി ​ഗ്യാ​സ് സി​ലി​ണ്ട​റു​മാ​യി എ​റ​ണാ​കു​ള​ത്തു​നി​ന്ന്​ വ​രു​ക​യാ​യി​രു​ന്ന കെ.​എ​ൽ 76 ബി 1410 ​മി​നി​ലോ​റി ഇ​ടി​ക്കു​ക​യാ​യി​രു​ന്നു.

ചേ​മ​ഞ്ചേ​രി, കൊ​യി​ലാ​ണ്ടി ഭാ​ഗ​ത്തെ പ​മ്പു​ക​ളി​ലേ​ക്കു​ള്ള​താ​യി​രു​ന്നു സി​ലി​ണ്ട​ർ. കോ​ഴി​ക്കോ​ടു​നി​ന്ന് ഇ​രു​മ്പ് ഷീ​റ്റു​മാ​യി ത​ല​ശ്ശേ​രി​ക്ക് പോ​കു​ക​യാ​യി​രു​ന്ന കെ.​എ​ൽ 11 എ.​സി 1184 മി​നി​ലോ​റി​യി​ലാ​ണ്​ ഗ്യാ​സ്​ ലോ​റി ഇ​ടി​ച്ച​ത്. ഇ​ടി​യെ തു​ട​ർ​ന്ന് സി​ലി​ണ്ട​റു​മാ​യി ബ​ന്ധി​പ്പി​ച്ച പൈ​പ്പ് പൊ​ട്ടി വാ​ത​കം ചോ​ർ​ന്നു. ഗ്യാ​സ് ലോ​റി​യു​ടെ മു​ൻ​ഭാ​ഗം ത​ക​രു​ക​യും അ​തി​ലു​ണ്ടാ​യി​രു​ന്ന ഡ്രൈ​വ​ർ ന​വീ​ഷ് , ശോ​ഭാ​ന​ന്ദ് എ​ന്നി​വ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. കാ​ലി​നും ത​ല​ക്കും പ​രി​ക്കേ​റ്റ ഇ​വ​രെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

മു​ന്നി​ലു​ണ്ടാ​യി​രു​ന്ന ലോ​റി കോ​ൺ​ക്രീ​റ്റ് സു​ര​ക്ഷാ കു​റ്റി​ക​ൾ ത​ക​ർ​ത്ത് താ​ഴെ ച​തു​പ്പി​ലേ​ക്ക് തൂ​ങ്ങി നി​ന്നു. ഡ്രൈ​വ​ർ താ​ഹി​ർ ചാ​ടി ര​ക്ഷ​പ്പെ​ട്ടു. വാ​ത​കം ചോ​ർ​ന്ന് തീ​പി​ടി​ക്കാ​നു​ള്ള സാ​ധ്യ​ത​യെ തു​ട​ർ​ന്ന് പൊ​ലീ​സും അ​ഗ്​​നി​ശ​മ​ന സേ​ന​യും പൂ​ളാ​ടി​ക്കു​ന്നി​ലും കു​ണ്ടു​പ​റ​മ്പി​ലും വാ​ഹ​ന​ങ്ങ​ൾ ത​ട​ഞ്ഞ് വ​ഴി തി​രി​ച്ചു​വി​ട്ടു. വെ​ള്ളി​മാ​ടു​കു​ന്ന് യൂ​നി​റ്റി​ലെ അ​ഗ്​​നി​ശ​മ​ന സേ​ന സ്ഥ​ല​ത്തെ​ത്തി സു​ര​ക്ഷ ന​ട​പ​ടി​ക​ൾ സ്വീ​ക​രി​ച്ചു. വാ​ത​ക ക​മ്പ​നി സേ​ഫ്റ്റി ഓ​ഫി​സ​ർ നി​തി​ൻ ന​സ​റു​ദ്ദീ​െൻറ നേ​തൃ​ത്വ​ത്തി​ലെ​ത്തി​യ സാ​ങ്കേ​തി​ക വി​ദ​ഗ്ധ​ർ വാ​ത​ക ചോ​ർ​ച്ച അ​ട​ച്ചു. ക്രെ​യി​ൻ ഉ​പ​യോ​ഗി​ച്ച് കീ​ഴ്ഭാ​ഗ​ത്തേ​ക്ക് തെ​ന്നി​നീ​ങ്ങി​യ ലോ​റി​ക​ൾ 11.30 ഓ​ടെ ഉ​യ​ർ​ത്തി.

ഇ​തി​നി​ടെ ച​ര​ക്കു​ലോ​റി​യു​ടെ ടാ​ങ്ക് ത​ക​ർ​ന്ന് ഡീ​സ​ൽ ചോ​ർ​ന്ന​ത് ആ​ശ​ങ്ക പ​ര​ത്തി​യെ​ങ്കി​ലും അ​ഗ്​​നി​ശ​മ​ന സേ​ന മു​ൻ​ക​രു​ത​ൽ സ്വീ​ക​രി​ച്ചു. ഒ​ഴി​ഞ്ഞ സ്ഥ​ല​ത്തേ​ക്ക് ഗ്യാ​സ് ലോ​റി മാ​റ്റി. അ​ന്ത​രീ​ക്ഷ​ത്തി​ലേ​ക്ക് വാ​ത​കം തു​റ​ന്നു വി​ടാ​നാ​യി​രു​ന്നു ആ​ദ്യ തീ​രു​മാ​നം. ഇ​തി​നാ​യി ഫ​യ​ർ യൂ​നി​റ്റ് വാ​ഹ​ന​ത്തി​ലേ​ക്ക് വെ​ള്ളം ചീ​റ്റാ​ൻ തു​ട​ങ്ങി​യെ​ങ്കി​ലും ര​ണ്ടു മ​ണി​ക്കൂ​റോ​ളം വാ​ത​കം ഒ​ഴി​വാ​ക്കാ​ൻ സ​മ​യ​മെ​ടു​ക്കു​മെ​ന്ന​തി​നാ​ലും അ​പ​ക​ട​മി​ല്ലാ​തെ വാ​ഹ​നം വി​ത​ര​ണ കേ​ന്ദ്ര​ത്തി​ൽ എ​ത്തി​ക്കാ​മെ​ന്ന നി​ർ​ദേ​ശ​ത്തി​ലും ശ്ര​മം അ​വ​സാ​നി​പ്പി​ച്ചു. തു​ട​ർ​ന്ന്​ റി​ക്ക​വ​റി വാ​ൻ കൊ​ണ്ടു​വ​ന്ന് ലോ​റി കെ​ട്ടി​വ​ലി​ച്ചു​കൊ​ണ്ടു​പോ​യി.

ഇ​തു വ​ഴി മ​ണി​ക്കൂ​റു​ക​ൾ നീ​ണ്ട ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​നും ക​ഴി​ഞ്ഞു. അ​സി. പൊ​ലീ​സ് ക​മീ​ഷ​ണ​ർ രാ​ജു , വെ​ള്ളി​മാ​ടു​കു​ന്ന് ഫ​യ​ർ യൂ​നി​റ്റി​ലെ എ.​എ​സ്.​ടി.​ഒ ബാ​ബു​രാ​ജ്, എ​ല​ത്തൂ​ർ പൊ​ലീ​സ് ഇ​ൻ​സ്പെ​ക്ട​ർ എ. ​സാ​യു​ജ് കു​മാ​ർ , എ​സ്.​ഐ കെ.​ആ​ർ. രാ​ജേ​ഷ് എ​ന്നി​വ​രു​ടെ നേ​തൃ​ത്വ​ത്തി​ൽ ര​ക്ഷാ​സേ​ന രം​ഗ​ത്തു​ണ്ടാ​യി​രു​ന്നു.