ബൈപാസിലെ മാലിന്യം മഴക്കുമു​മ്പേ നീക്കും; ശുചീകരണം 15ന്

കോ​ഴി​ക്കോ​ട്: ദേ​ശീ​യ​പാ​ത ബൈ​പാ​സ് റോ​ഡ​രി​കി​ലെ മാ​ലി​ന്യ​ങ്ങ​ൾ മ​ഴ​ക്കു​മു​മ്പേ നീ​ക്കം​ചെ​യ്യാ​ൻ മേ​യ​ർ ഡോ. ​ബീ​ന ഫി​ലി​പ്പി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗം തീ​രു​മാ​നി​ച്ചു. കോ​ർ​പ​റേ​ഷ​ന്റെ​യും ജി​ല്ല ഭ​ര​ണ​കൂ​ട​ത്തി​ന്റെ​യും നേ​തൃ​ത്വ​ത്തി​ൽ 15ന് ​രാ​വി​ലെ ആ​റു​മു​ത​ൽ ശു​ചീ​ക​ര​ണ തൊ​ഴി​ലാ​ളി​ക​ളും ഹ​രി​ത ക​ർ​മ​സേ​ന പ്ര​വ​ർ​ത്ത​ക​രും ചേ​ർ​ന്നാ​ണ് ശു​ചീ​ക​ര​ണം ന​ട​ത്തു​ക. വാ​ഹ​ന​ങ്ങ​ളി​ലു​ൾ​​പ്പെ​ടെ ​കൊ​ണ്ടു​വ​ന്ന് ത​ള്ളി​യ പ്ലാ​സ്റ്റി​ക് മാ​ലി​ന്യം അ​ട​ക്ക​മു​ള്ള​വ പൂ​ർ​ണ​മാ​യും നീ​ക്കം​ചെ​യ്യും.

വാ​ഹ​ന​ങ്ങ​ളി​ൽ യാ​ത്ര​ചെ​യ്യു​ന്ന​വ​ർ റോ​ഡ​രി​കി​ലേ​ക്ക് വ​ലി​ച്ചെ​റി​യു​ന്ന​താ​ണ് ഇ​ത്ര​യ​ധി​കം മാ​ലി​ന്യം കൂ​ടി​ക്കി​ട​ക്കു​ന്ന​തി​ന് കാ​ര​ണ​മെ​ന്ന് യോ​ഗം വി​ല​യി​രു​ത്തി. ബൈ​പാ​സി​ന്റെ പ്ര​വൃ​ത്തി പൂ​ർ​ത്തി​യാ​വു​ന്ന​തു​വ​രെ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കാ​നാ​വാ​ത്ത​തി​നാ​ൽ കോ​ർ​പ​റേ​ഷ​ൻ കൗ​ൺ​സി​ല​ർ​മാ​രു​ടെ നേ​തൃ​ത്വ​ത്തി​ൽ ജ​ന​കീ​യ ക​മ്മി​റ്റി​ക​ൾ രൂ​പ​വ​ത്ക​രി​ച്ച് നി​രീ​ക്ഷ​ണ​ത്തി​നും തീ​രു​മാ​നി​ച്ചു. റോ​ഡ​രി​കി​ൽ മാ​ലി​ന്യം ത​ള്ളു​ന്ന വാ​ഹ​ന​ങ്ങ​ൾ​ക്കെ​തി​രെ പി​ഴ​ചു​മ​ത്തു​ന്ന​ത് ഉ​ൾ​പ്പെ​ടെ​യു​ള്ള നി​യ​മ ന​ട​പ​ടി​ക​ളും ക​ർ​ശ​ന​മാ​ക്കും. റോ​ഡ​രി​കി​ൽ മാ​ലി​ന്യം വ​ലി​ച്ചെ​റി​യു​ന്ന​തി​ന്റെ ഫോ​ട്ടോ സ​ഹി​തം പൊ​ലീ​സി​ന് cpkkd.pol@kerala.gov.in എ​ന്ന മെ​യി​ലി​ൽ പ​രാ​തി ന​ൽ​കു​ക​യും ചെ​യ്യാം. യോ​ഗ​ത്തി​ൽ ഡെ​പ്യൂ​ട്ടി ക​ല​ക്ട​ർ ഇ. ​അ​നി​ത കു​മാ​രി, പൊ​ലീ​സ്, കോ​ർ​പ​റേ​ഷ​ൻ ഉ​ദ്യോ​ഗ​സ്ഥ​ർ എ​ന്നി​വ​ർ പ​​ങ്കെ​ടു​ത്തു.