അരിക്കുളത്തെ മാലിന്യസംഭരണ കേന്ദ്രം; ഗ്രാമസഭ തീരുമാനത്തിന് ഓംബുഡ്സ്മാന്റെ പിന്തുണ

അ​രി​ക്കു​ളം: ഗ്രാ​മ​സ​ഭ തീ​രു​മാ​ന​ത്തെ ത​ള്ളു​ന്ന​ത് ഗ്രാ​മ​വാ​സി​ക​ളെ അ​വ​ഹേ​ളി​ക്കു​ന്ന​തി​നു തു​ല്യ​മാ​ണെ​ന്ന് പ​ഞ്ചാ​യ​ത്ത് ഓം​ബു​ഡ്സ്മാ​ൻ. അ​രി​ക്കു​ളം പ​ഞ്ചാ​യ​ത്തി​ൽ പ​ള്ളി​ക്ക​ൽ ക​നാ​ൽ സൈ​ഫ​ണി​നു സ​മീ​പം മാ​ലി​ന്യ​സം​ഭ​ര​ണ കേ​ന്ദ്രം സ്ഥാ​പി​ക്കു​ന്ന​തി​നെ​തി​രെ ജ​ന​കീ​യ ക​ർ​മ​സ​മി​തി ക​ൺ​വീ​ന​ർ സി. ​രാ​ഘ​വ​ൻ ന​ൽ​കി​യ പ​രാ​തി തീ​ർ​പ്പാ​ക്കി ജ​സ്റ്റി​സ് ഗോ​പി​നാ​ഥ​നാ​ണ് ഇ​ക്കാ​ര്യം പ​രാ​മ​ർ​ശി​ച്ച​ത്.

മൂ​ന്നാം വാ​ർ​ഡി​ൽ പ​ഞ്ചാ​യ​ത്തി​ന്റെ അ​ധീ​ന​ത​യി​ലു​ള്ള 375/A ന​മ്പ​റി​ലു​ള്ള കെ​ട്ടി​ട​ത്തി​ൽ താ​ൽ​ക്കാ​ലി​ക എം.​സി.​എ​ഫ് ഉ​ണ്ടാ​യി​രി​ക്കെ 7.71 ല​ക്ഷം മു​ട​ക്കി വീ​ണ്ടും താ​ൽ​ക്കാ​ലി​ക എം.​സി.​എ​ഫ് നി​ർ​മി​ക്കാ​നു​ള്ള ഭ​ര​ണ​സ​മി​തി നീ​ക്ക​ത്തി​ന് ഇ​ത് തി​രി​ച്ച​ടി​യാ​യി.

കാ​ല​ങ്ങ​ളാ​യി ക​ളി​സ്ഥ​ല​മാ​യും പൊ​തു ഇ​ട​മാ​യും ഉ​പ​യോ​ഗി​ച്ചു​വ​രു​ന്ന​തും അം​ഗ​ൻ​വാ​ടി, എ​ൽ.​പി സ്കൂ​ൾ, ഗ്ര​ന്ഥ​ശാ​ല, ജ​ല​സേ​ച​ന ക​നാ​ൽ എ​ന്നി​വ​ക്ക് സ​മീ​പ​മു​ള്ള​തു​മാ​യ അ​ഞ്ചു സെ​ന്റ് സ്ഥ​ല​ത്താ​ണ് 13 വാ​ർ​ഡു​ക​ളി​ലെ മാ​ലി​ന്യം സം​ഭ​രി​ക്കാ​നു​ള്ള കേ​ന്ദ്രം പ​ണി​യാ​ൻ പ​ഞ്ചാ​യ​ത്ത് തീ​രു​മാ​നി​ച്ച​ത്.

കെ​ട്ടി​ട​ത്തി​നു​ള്ള പ്ലാ​നി​ൽ ശു​ചി​മു​റി ഉ​ൾ​പ്പെ​ടു​ത്തി​യി​ട്ടു​ണ്ടെ​ങ്കി​ലും ജ​ല​ല​ഭ്യ​ത​ക്കു​ള്ള ന​ട​പ​ടി സ്വീ​ക​രി​ച്ചി​ട്ടി​ല്ല. ര​ണ്ടു ത​വ​ണ ക​നാ​ൽ സൈ​ഫ​ൺ പൊ​ട്ടി​യ​തി​നാ​ൽ ഇ​വി​ടെ കു​ഴ​ൽ​ക്കി​ണ​ർ ഉ​ൾ​പ്പെ​ടെ ജ​ല​ല​ഭ്യ​ത ഉ​റ​പ്പു​വ​രു​ത്താ​നു​ള്ള അ​നു​മ​തി​യു​മി​ല്ല.

പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ തീ​രു​മാ​ന​പ്ര​കാ​രം എം.​സി.​എ​ഫ് പ്ര​ശ്നം മാ​ത്രം ച​ർ​ച്ച ചെ​യ്യാ​ൻ പ്ര​ത്യേ​ക ഗ്രാ​മ​സ​ഭ വി​ളി​ക്കു​ക​യും പ​ങ്കെ​ടു​ത്ത 117 പേ​രി​ൽ 116 പേ​രും നി​ർ​ദി​ഷ്ട സ്ഥ​ല​ത്ത് മാ​ലി​ന്യ​സം​ഭ​ര​ണ കേ​ന്ദ്രം സ്ഥാ​പി​ക്കാ​ൻ അ​നു​വ​ദി​ക്കി​ല്ലെ​ന്ന പ്ര​മേ​യ​ത്തെ അ​നു​കൂ​ലി​ക്കു​ക​യും ചെ​യ്തു. തു​ട​ർ​ന്ന് ഗ്രാ​മ​സ​ഭ പ്ര​മേ​യ​ത്തെ ത​ള്ളി​ക്ക​ള​ഞ്ഞ് ഇ​തേ സ്ഥ​ല​ത്തു​ത​ന്നെ കേ​ന്ദ്രം സ്ഥാ​പി​ക്കാ​നാ​യി​രു​ന്നു ഭ​ര​ണ​സ​മി​തി തീ​രു​മാ​നം.

നാ​ലു വ​ർ​ഷ​മാ​യി ജ​ന​കീ​യ ക​ർ​മ​സ​മി​തി സ​മ​ര​രം​ഗ​ത്താ​ണ്. മാ​സ​ങ്ങ​ൾ​ക്കു മു​മ്പു ന​ട​ന്ന രാ​പ്പ​ക​ൽ സ​മ​ര​പ്പ​ന്ത​ലി​ലേ​ക്ക് പൊ​ലീ​സ് ഇ​ര​ച്ചു​ക​യ​റി വ​യോ​ധി​ക​ർ ഉ​ൾ​പ്പെ​ടെ​യു​ള്ള സ​മ​ര​പ്ര​വ​ർ​ത്ത​ക​രെ അ​റ​സ്റ്റ് ചെ​യ്ത് നീ​ക്കി​യി​രു​ന്നു. പൊ​ലീ​സ് കാ​വ​ലി​ലാ​യി​രു​ന്നു നി​ർ​മാ​ണം ആ​രം​ഭി​ച്ച​ത്. നി​ർ​മാ​ണം തു​ട​ങ്ങു​ന്ന​തി​നു​മു​മ്പ് ക​ർ​മ​സ​മി​തി പ​ഞ്ചാ​യ​ത്ത് ഓം​ബു​ഡ്സ്മാ​ന് പ​രാ​തി ന​ൽ​കി​യി​രു​ന്നു.

സ​മീ​പ പ​ഞ്ചാ​യ​ത്തു​ക​ളാ​യ കീ​ഴ​രി​യൂ​ർ, തു​റ​യൂ​ർ എ​ന്നി​വി​ട​ങ്ങ​ളി​ൽ ജ​ന​കീ​യ എ​തി​ർ​പ്പു​കാ​ര​ണം എം.​സി.​എ​ഫ് സ്ഥാ​പി​ച്ചി​ട്ടി​ല്ലെ​ന്ന് പ​രാ​തി​ക്കാ​ര​ൻ വ്യ​ക്ത​മാ​ക്കി​യി​രു​ന്നു. അ​രി​ക്കു​ള​ത്തെ എം.​സി.​എ​ഫ് നി​ർ​മാ​ണ​വു​മാ​യി ബ​ന്ധ​പ്പെ​ട്ട വി​ഷ​യം ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​യ​തി​നാ​ൽ അ​തി​ന്റെ അ​ന്തി​മ തീ​ർ​പ്പു​വ​രെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ക്കാ​നും ഓം​ബു​ഡ്സ്മാ​ൻ ഉ​ത്ത​ര​വി​ട്ടു. പ​രാ​തി​ക്കാ​ര​നു നി​ല​വി​ൽ ഹൈ​കോ​ട​തി​യി​ൽ നി​ല​വി​ലു​ള്ള കേ​സി​ൽ ക​ക്ഷി​ചേ​ർ​ന്ന് വാ​ദ​ങ്ങ​ൾ ഉ​ന്ന​യി​ക്കാ​വു​ന്ന​താ​ണെ​ന്നും ഓം​ബു​ഡ്സ്മാ​ൻ വ്യ​ക്ത​മാ​ക്കി.