ഇന്ധന വിലവർധന: വറചട്ടിയിൽനിന്ന്​ എരിതീയിൽ

കോ​ഴി​ക്കോ​ട്​: പാ​ച​ക​വാ​ത​ക​ത്തി​നും പെ​ട്രോ​ളി​നും ഡീ​സ​ലി​നും വീ​ണ്ടും വി​ല​കൂ​ടാ​ൻ തു​ട​ങ്ങി​യ​തോ​ടെ ജ​നം വ​റ​ച​ട്ടി​യി​ൽ​നി​ന്ന്​ എ​രി​തീ​യി​ലെ​ത്തി​യ അ​വ​സ്ഥ​യി​ൽ.

കോ​വി​ഡ്​ പ്ര​തി​സ​ന്ധി​യി​ൽ​നി​ന്ന്​ ക​ര​ക​യ​റാ​നാ​വാ​തെ നെ​ട്ടോ​ട്ട​മോ​ടു​ന്ന സാ​ധാ​ര​ണ​ക്കാ​ര​ന്‍റെ ജീ​വി​തം സ​മാ​ന​ത​ക​ളി​ല്ലാ​ത്ത ​പ്ര​തി​സ​ന്ധി​യി​ലേ​ക്കാ​ണ്​ നീ​ങ്ങു​ന്ന​ത്. നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​വ​ർ​ധ​ന​ നി​ല​വി​ൽ ​പ്ര​തി​സ​ന്ധി സൃ​ഷ്ടി​ക്കു​ന്നു​ണ്ട്. വി​ല​ക്ക​യ​റ്റം ഇ​നി​യും രൂ​ക്ഷ​മാ​കു​ന്ന അ​വ​സ്ഥ​യാ​ണ്​ മു​ന്നി​ൽ. കോ​വി​ഡി​ന്​ ശേ​ഷം സ്വ​കാ​ര്യ​വാ​ഹ​ന ഉ​പ​യോ​ഗം വ​ർ​ധി​ച്ച​തി​നാ​ൽ പെ​​ട്രോ​ൾ വി​ല​വ​ർ​ധ​ന ഭൂ​രി​ഭാ​ഗം ആ​ളു​ക​ളെ​യും നേ​രി​ട്ട്​​ ബാ​ധി​ക്കു​ന്നു. പാ​ച​ക​വാ​ത​ക വി​ല​വ​ർ​ധ​ന അ​ടു​ക്ക​ള​ക​ളെ​യും പ്ര​തി​സ​ന്ധി​യി​ലാ​ക്കി. ഹോ​ട്ട​ൽ ഭ​ക്ഷ​ണ​ത്തി​നും വി​ല കൂ​ട്ടി​ത്തു​ട​ങ്ങി. ആ​റ്​ മാ​സം മു​മ്പ്​ 1300 രൂ​പ​ക്ക്​ ല​ഭി​ച്ച വാ​ണി​ജ്യ സി​ലി​ണ്ട​റി​ന്​ ബു​ധ​നാ​ഴ്ച​ത്തെ വി​ല 1900 രൂ​പ​യാ​ണ്. ഇ​തി​ന്‍റെ പേ​രി​ൽ ചാ​യ​ക്ക​ട​ക്കം വി​ല കൂ​ട്ടി​യി​ട്ടു​ണ്ട്​ ചി​ല ഹോ​ട്ട​ലു​ക​ളി​ൽ. മൈ​ദ, റ​വ, ആ​ട്ട എ​ന്നി​വ​ക്ക്​ 30 കി​ലോ ചാ​ക്കി​ന് 70 രൂ​പ വീ​തം ഈ​യാ​ഴ്ച കൂ​ടി. പാ​മോ​യി​ലി​നും സ​ൺ​ഫ്ല​വ​ർ ഓ​യി​ലി​നും യു​ക്രെ​യ്ൻ യു​ദ്ധ​ത്തി​ന്‍റെ പേ​രി​ൽ കൂ​ടി​യ വി​ല കു​റ​ഞ്ഞി​ട്ടി​ല്ല.

പാ​മോ​യി​ലി​ന്​ 40 രൂ​പ​യും സ​ൺ​ഫ്ല​വ​ർ ഓ​യി​ലി​ന്​ 50-60 രൂ​പ​യു​മാ​ണ്​ കൂ​ടി​യ​ത്. കോ​ഴി​ക്ക്​ കി​ലോ​ക്ക്​ 240 -250 ആ​ണ്​ ചി​ല്ല​റ​വി​ല. മീ​നി​നും വി​ല​ക്ക​യ​റ്റ​മു​ണ്ട്. റ​മ​ദാ​നും വി​ഷു, ഈ​സ്റ്റ​ർ ആ​ഘോ​ഷ​ങ്ങ​ളും പ​ടി​വാ​തി​ലി​ൽ നി​ൽ​ക്കെ വി​ല​ക്ക​യ​റ്റം ഇ​ര​ട്ടി പ്ര​ഹ​ര​മാ​ണു​ണ്ടാ​ക്കു​ക. വി​വാ​ഹം, വീ​ട്ടു​കൂ​ട​ൽ സീ​സ​ൺ കൂ​ടി​യാ​ണ്​ വേ​ന​ൽ​ക്കാ​ലം. എ​ല്ലാ​റ്റി​നും ക​രി​നി​ഴ​ലാ​വു​ക​യാ​ണ്​ വി​ല​ക്ക​യ​റ്റം.

സാ​ധാ​ര​ണ​ക്കാ​ർ​ക്ക്​ കൂ​ലി​വ​ർ​ധ​ന​വി​ല്ലെ​ന്ന്​ മാ​ത്ര​മ​ല്ല, കോ​വി​ഡി​ന്​ മു​മ്പ്​ ല​ഭി​ച്ച കൂ​ലി സ്വ​കാ​ര്യ​മേ​ഖ​ല​യി​ൽ വെ​ട്ടി​ക്കു​റ​ച്ചു.

ആ​നു​കൂ​ല്യ​ങ്ങ​ളു​മി​ല്ല, ജോ​ലി​യും കു​റ​ഞ്ഞു. സ്വ​കാ​ര്യ​സ്ഥാ​പ​ന​ങ്ങ​ളി​ൽ ജീ​വ​ന​ക്കാ​രു​ടെ എ​ണ്ണം വെ​ട്ടി​ക്കു​റ​ച്ചു. പാ​സ​ഞ്ച​ർ ട്രെ​യി​ൻ പൂ​ർ​ണ​തോ​തി​ൽ പു​നഃ​സ്ഥാ​പി​ക്കാ​ത്ത​തി​നാ​ൽ ആ​യി​ര​ക്ക​ണ​ക്കി​ന്​ സാ​ധാ​ര​ണ തൊ​ഴി​ലാ​ളി​ക​ൾ​ക്ക്​ ജോ​ലി​ക്ക്​ പോ​കാ​നാ​വു​ന്നി​ല്ല. മ​റ്റ്​ ഗ​താ​ഗ​തം ആ​ശ്ര​യി​ച്ചാ​ൽ കൂ​ലി യാ​ത്ര​ച്ചെ​ല​വി​​നേ ഉ​ണ്ടാ​വൂ. ഇ​ത്ര​യും ദു​ഷ്​​ക​ര​മാ​യ സാ​ഹ​ച​ര്യ​ത്തി​ലാ​ണ്​ ഇ​ന്ധ​ന​ത്തി​നും പാ​ച​ക​വാ​ത​ക​ത്തി​നും പ്ര​തി​ദി​ന വ​ർ​ധ​ന​ വ​രു​ന്ന​ത്.

ഹോ​ട്ട​ലു​ക​ൾ​ക്ക്​ വി​ല കൂ​ട്ടാ​തെ പി​ടി​ച്ചു​നി​ൽ​ക്കാ​നാ​വി​ല്ല

ഹോ​ട്ട​ൽ ഭ​ക്ഷ​ണ​ത്തി​ന്​ വി​ല കൂ​ട്ടാ​തെ പി​ടി​ച്ചു​നി​ൽ​ക്കാ​നാ​വി​ല്ലെ​ന്ന്​ സ്​​റ്റേ​ഡി​യ​ത്തി​ന​ടു​ത്തു​ള്ള നി​മി​ഷ ഹോ​ട്ട​ൽ മാ​നേ​ജ​ർ എ​ൻ. ദി​ലീ​പ്​ പ​റ​യു​ന്നു. പാ​ച​ക​വാ​ത​ക​ത്തി​ന്​ മാ​ത്രം ആ​റ്​ മാ​സം ​കൊ​ണ്ട്​ 600 രൂ​പ​യു​ടെ വ​ർ​ധ​ന​വാ​ണ്​ ഉ​ണ്ടാ​യ​ത്. മ​റ്റ്​ അ​വ​ശ്യ​വ​സ്തു​ക്ക​ൾ​ക്കും വി​ല​ക്ക​യ​റ്റ​മു​ണ്ട്. ലാ​ഭം ഇ​ല്ലാ​തെ ക​ച്ച​വ​ടം ന​ട​ത്തേ​ണ്ട അ​വ​സ്ഥ​യാ​ണ്.

എ​ൻ. ദി​ലീ​പ്​ (നി​മി​ഷ ഹോ​ട്ട​ൽ)

ഒ​ടു​വി​ൽ എ​ല്ലാം ന​മ്മു​ടെ ത​ല​യി​ൽ

എ​ല്ലാ മേ​ഖ​ല​യി​ലെ​യും വി​ല​ക്ക​യ​റ്റം അ​വ​സാ​നം വ​ന്നു​പ​തി​ക്കു​ന്ന​ത്​ ന​മ്മു​ടെ ത​ല​യി​ലാ​ണെ​ന്ന്​ ചു​മ​ട്ടു​തൊ​ഴി​ലാ​ളി റ​ഫീ​ഖ് കൊ​മ്മേ​രി. ​പാ​ച​ക​വാ​ത​ക, നി​ത്യോ​പ​യോ​ഗ​സാ​ധ​ന വി​ല​വ​ർ​ധ​ന​വി​ന്‍റെ പേ​രി​ൽ ഹോ​ട്ട​ലു​കാ​ർ​ക്ക്​ വി​ല കൂ​ട്ടി വി​ൽ​ക്കാം. എ​ന്നാ​ൽ, കൂ​ലി ഇ​തി​ന്‍റെ പേ​രി​ലൊ​ന്നും കൂ​ടു​ന്നി​ല്ല.

റ​ഫീ​ഖ്​ കൊ​മ്മേ​രി (ചു​മ​ട്ടു​തൊ​ഴി​ലാ​ളി)

ഞ​ങ്ങ​ളു​ടെ ക​ഷ്ട​പ്പാ​ട്​ സ​ർ​ക്കാ​റി​ന്​ മ​ന​സ്സി​ലാ​യി​ട്ടി​ല്ല

വി​ക​സ​ന​ത്തി​ന്‍റെ പേ​രി​ലും മ​റ്റും ന​ട​ത്തു​ന്ന ധൂ​ർ​ത്ത്​ ഒ​ഴി​വാ​ക്കി ഞ​ങ്ങ​ളൊ​ക്കെ എ​ങ്ങ​നെ​യാ​ണ്​ ജീ​വി​ക്കു​ന്ന​തെ​ന്ന്​ അ​ന്വേ​ഷി​ക്കാ​നും പ​ഠി​ക്കാ​നും സ​ർ​ക്കാ​ർ ത​യാ​റാ​വ​ണ​മെ​ന്ന്​ ലോ​ട്ട​റി വി​ൽ​പ​ന​ക്കാ​രി​യാ​യ പു​ഷ്പ. താ​ഴേ​ക്കി​ട​യി​ലു​ള്ള​വ​രു​ടെ ജീ​വി​തം ഓ​രോ​ദി​വ​സം പി​ന്നി​ടു​മ്പോ​ഴും ദു​രി​ത​പൂ​ർ​ണ​മാ​വു​ക​യാ​ണ്.

പു​ഷ്പ (ലോ​ട്ട​റി വി​ൽ​പ​ന​ക്കാ​രി)

ജ​നം ആ​ത്മ​ഹ​ത്യ ചെ​യ്യ​ണോ?

വി​ല​ക്ക​യ​റ്റം പേ​ടി​ച്ച്​ ജ​നം ആ​ത്​​മ​ഹ​ത്യ​ചെ​യ്യേ​ണ്ട അ​വ​സ്ഥ​യാ​ണെ​ന്ന്​ സെ​ക്യൂ​രി​റ്റി ജീ​വ​ന​ക്കാ​ര​നാ​യ മ​മ്മ​ത്​ കോ​യ കാ​പ്പാ​ട്. സാ​ധാ​ര​ണ തൊ​ഴി​ലെ​ടു​ക്കു​ന്ന​വ​ർ​ക്ക്​ ശ​മ്പ​ളം കൂ​ടു​ന്നി​ല്ല. ​ഇ​ന്ധ​ന​ത്തി​നും പാ​ച​ക​വാ​ത​ക​ത്തി​നും നി​ത്യ​വും വി​ല​കൂ​ടു​ന്ന​ത്​ എ​ല്ലാ ചെ​ല​വും വ​ർ​ധി​ക്കാ​ൻ കാ​ര​ണ​മാ​വു​ന്നു. സ​ബ്​​സി​ഡി​ക​ളൊ​ന്നു​മി​ല്ല. പ​ട്ടി​ണി​കി​ട​ക്കാ​നും ചെ​ല​വു​ണ്ട്. ആ​രോ​ട്​ ചോ​ദി​ക്കും. ത​ട്ടി​മു​ട്ടി ഒ​പ്പി​ച്ചു ജീ​വി​ച്ചു​പോ​വാ​ൻ​പോ​ലും പ​റ്റാ​ത്ത അ​വ​സ്ഥ​യാ​ണ്​ സാ​ധാ​ര​ണ​ക്കാ​ർ​ക്ക്. പൊ​തു​മേ​ഖ​ലാ​സ്ഥാ​പ​ന​ങ്ങ​ളും എ​ണ്ണ​ക്ക​മ്പ​നി​ക​ളും സ​ർ​ക്കാ​ർ വി​റ്റു​തു​ല​ച്ച​തി​ന്‍റെ ദു​ര​ന്ത​ഫ​ലം ഞ​ങ്ങ​ൾ അ​നു​ഭ​വി​ക്കു​ക​യാ​ണ്.

ജി. ​മ​മ്മ​ദ്​ കോ​യ കാ​പ്പാ​ട്​ (സെ​ക്യൂ​രി​റ്റി ജീ​വ​ന​ക്കാ​ര​ൻ)

ജ​നം സ​ഹ​ക​രി​ക്കു​ന്ന​തു​കൊ​ണ്ട്​ വ​ണ്ടി ഓ​ടി​ക്കു​ന്നു

ഓട്ടോ-ടാക്​സി നിരക്ക്​ സർക്കാർ കൂട്ടുന്നതിന്​ മുമ്പ്​ തന്നെ ജനം സഹകരിക്കുന്നതുകൊണ്ടാണ്​ വണ്ടി ഓടിക്കാൻ സാധിക്കുന്നതെന്ന്​ ഓ​ട്ടോഡ്രൈവർ അഫ്​സൽ. മിനിമം ചാർജിലധികം തരാൻ യാത്രക്കാർ തയാറാവുന്നു. വിലക്കയറ്റം അവരെയും ബാധിക്കുന്നതിനാൽ ഞങ്ങളോട്​ സഹകരിക്കാൻ അവർക്കും കഴിയില്ല. ഇന്ധനവില വീണ്ടും വർധിക്കാൻ തുടങ്ങിയത്​ ആയിരക്കണക്കിന്​ ഓ​ട്ടോ തൊഴിലാളികളുടെ ജീവിതം കട്ടപ്പുറത്താക്കും. നികുതി കുറക്കാനും വിലവർധന പിടിച്ചുനിർത്താനും സർക്കാർ തയാറാവണം.

അ​ഫ്​​സ​ൽ (ഓ​​ട്ടോ ഡ്രൈ​വ​ർ)