പ്ലംബിങ്​ കടകളിലെ മോഷണ പരമ്പര: പ്രതികൾ പിടിയിൽ

വെള്ളിമാടുകുന്ന്​: വിവിധ ഹാർഡ് വെയർ കടകളിൽ അടിക്കടി മോഷണം നടത്തി െപാലീസിന് തലവേദന തീർത്ത കേസുകളിലെ പ്രതികൾ മോഷണ വസ്തുക്കളുമായി പിടിയിൽ. പ്ലംബിങ്, ഇലക്​ട്രിക്കൽ​ കടകളിൽ മോഷണം നടത്തിയ കേസുകളിൽ പൊലീസ് തിരയുന്ന യുവാവും യുവതിയുമാണ്​ കഴിഞ്ഞ ദിവസം രാത്രിയിൽ ചേവരമ്പലത്തുവെച്ച് ചേവായൂർ പൊലീസ് പിടിയിലായത്. ഫറോക്കിൽ താമസമാക്കിയ താനുർ കുന്നുംപുറം തയ്യിൽപറമ്പിൽ മീനൂട്ടി എന്ന മീനുവാണ് (27, ഒപ്പം താമസിക്കുന്ന കണ്ണൻ എന്നിവരാണ്​ അറസ്​റ്റിലായത്​. ഇവരുടെ മൂന്നു കൂട്ടാളികൾ കൂടി ​പൊലീസ്​ പിടിയിലായി.

ചാക്കിൽ കെട്ടിയ മോഷണ വസ്തുക്കളുമായി യുവാവിനൊപ്പം ബൈക്കിൽ സഞ്ചരിക്കവെ പൊലീസ് പിടികൂടുകയായിരുന്നു. കണ്ണൻ ബൈക്ക്​ ഉപേക്ഷിച്ച്​ ഓടിരക്ഷപ്പെ​ട്ടെങ്കിലും പിന്നീട്​ പിടിയിലായി. ഹാർഡ് വെയർ കടകൾ കുത്തിത്തുറന്ന് പിച്ചളയിലും ചെമ്പിലും നിർമിച്ച ഫിറ്റിങ്ങുകളാണ്​ എല്ലായിടത്തുനിന്നും സംഘം മോഷ്​ടിച്ചത്. വിവിധ സ്​റ്റേഷനുകളിലായി പതിനഞ്ചോളം സമാന കേസുകൾ നിലവിലുണ്ട്. തിരൂരങ്ങാടി പടിക്കലിലെ കടയിൽനിന്ന് മോഷ്​ടിച്ച വസ്തുക്കളുമായി വരവെയാണ് പിടിയിലായത്.

പന്തീരാങ്കാവിൽ പെരുമണ്ണ റോഡിലെ ഐ.ആർ.എസ്​ ആർക്കേഡിലെ 'ലെ ഗാമ' എന്ന കടയിൽ കഴിഞ്ഞ ആഴ്ച മോഷണം നടന്നിരുന്നു. ബൈക്കിലെത്തിയ സംഘത്തി​െൻറ ചിത്രം സമീപത്തെ അയ്യപ്പഭജനമഠത്തിലെ സി.സി.ടി.വി കാമറയിൽ പതിഞ്ഞിരുന്നു. കടകളിലെ സി.സി.ടി.വി കേടുവരുത്തി, സെർവറുകൾ മോഷ്​ടിച്ചു കൊണ്ടുപോയി തെളിവു നശിപ്പിക്കുന്നത് സംഘത്തി​െൻറ രീതിയായിരുന്നു. വേങ്ങേരി, കോട്ടൂളി, മേത്തോട്ടുതാഴം, ഫറോക്ക്​, കുന്ദമംഗലം, മലാപ്പറമ്പ്​, ​കോവൂർ, മാത്തറ, എലത്തൂർ എന്നിവിടങ്ങളിലെ കടകളിലും മോഷണം നടന്നിരുന്നു. ​ മാതാവും പിതാവും തമിഴരായ യുവതി ഫറോക്കിലെത്തിയത്. പ്രതികളെ പിടികൂടുന്നതിനു വേണ്ടി വിവിധ സ്ക്വാഡുകൾ രൂപവത്കരിച്ചിരുന്നു.

ഇവർ സഞ്ചരിച്ച ബൈക്കും മോഷ്​ടിച്ചതാണ്. മോഷണത്തിനു ശേഷം വസ്തുക്കൾ ചാക്കുകളിലാക്കി കടകളിൽ നിന്ന് മാറിയുള്ള കുറ്റിക്കാടുകളിൽ രാത്രി തന്നെ ഒളിപ്പിച്ചുവെക്കും. ബൈക്കിൽ കടത്താവുന്നവയുമായി കടന്നുകളയുകയും ചെയ്യും. പിന്നീട് സൗകര്യം പോലെ എടുത്തു കൊണ്ടുപോകുകയാണ് പതിവ്. ഫറോക്കിൽ ആക്രി കട നടത്തുന്ന ഇവർ താമസിക്കുന്നതും കടയോട് ചേർന്ന മുറിയിലാണ്.