പരസ്യമുക്തമായി പ്രഖ്യാപിച്ച മാനാഞ്ചിറയിൽ കൊടിതോരണങ്ങൾ

കോ​ഴി​ക്കോ​ട്​: പ​ര​സ്യ​നി​രോ​ധ​ന മേ​ഖ​ല​യാ​യി ന​ഗ​ര​സ​ഭ പ്ര​ഖ്യാ​പി​ച്ച മാ​നാ​ഞ്ചി​റ സ്ക്വ​യ​റി​നു​ ചു​റ്റും നി​റ​യെ കൊ​ടി​തോ​ര​ണ​ങ്ങ​ൾ. സി.​പി.​എം ജി​ല്ല സ​മ്മേ​ള​ന ഭാ​ഗ​മാ​യു​ള്ള കൊ​ടി​തോ​ര​ണ​ങ്ങ​ളാ​ണ്​ മാ​നാ​ഞ്ചി​റ​ക്കു​ ചു​റ്റും നി​റ​ഞ്ഞ​ത്.

നേ​ര​ത്തേ നി​റ​യെ പ​ര​സ്യ​ത്തി​ൽ മു​ങ്ങാ​റു​ള്ള മാ​നാ​ഞ്ചി​റ​യും പ​രി​സ​ര​വും ഏ​റെ പ​ണി​പ്പെ​ട്ടാ​ണ്​ പ​ര​സ്യ​മു​ക്ത​മാ​ക്കി​യ​ത്. പ​ഴ​യ അ​ൻ​സാ​രി പാ​ർ​ക്കും ടാ​ഗോ​ർ പാ​ർ​ക്കും മൈ​താ​ന​വും ചി​റ​യു​മെ​ല്ലാം ഒ​ന്നി​പ്പി​ച്ച്​​ സ്ക്വ​യ​ർ നി​ർ​മി​ച്ച​പ്പോ​ൾ പ​ര​സ്യ​വി​മു​ക്ത മേ​ഖ​ല​യാ​യി പ്ര​ഖ്യാ​പി​ക്കു​ക​യാ​യി​രു​ന്നു.

അ​ന്നു​മു​ത​ൽ പ​ര​സ്യ​ങ്ങ​ൾ കാ​ര്യ​മാ​യി കാ​ണാ​റി​ല്ലാ​ത്ത സ്ക്വ​യ​റി​ൽ ഇ​ട​ക്ക്​ വീ​ണ്ടും പ​ര​സ്യം നി​റ​ഞ്ഞി​രു​ന്നെ​ങ്കി​ലും സ്ക്വ​യ​ർ ന​വീ​ക​ര​ണ കാ​ല​ത്താ​യി​രു​ന്നു അ​ത്.

അ​തി​നു​ശേ​ഷം വീ​ണ്ടും നി​രോ​ധ​നം ന​ട​പ്പാ​ക്കി ന​ഗ​ര​സ​ഭ ആ​രോ​ഗ്യ വി​ഭാ​ഗം പി​ഴ ചു​മ​ത്തി വ​രു​ക​യാ​യി​രു​ന്നു. ഭ​ര​ണ​ക​ക്ഷി​ത​ന്നെ ഇ​പ്പോ​ൾ നി​യ​മം കാ​റ്റി​ൽ​പ​റ​ത്തി​യ​തോ​ടെ മ​റ്റു സം​ഘ​ട​ന​ക​ളു​ടെ പ​ര​സ്യ​ങ്ങ​ളും വ​രും​ദി​വ​സ​ങ്ങ​ളി​ൽ നി​റ​യു​മെ​ന്ന ആ​ധി​യി​ലാ​ണ്​ ന​ഗ​ര​വാ​സി​ക​ൾ.