തീവ്രലൈറ്റ് ഉപയോഗിച്ച് മീനൂറ്റ് വ്യാപകം

കോ​ഴി​ക്കോ​ട്: ബോ​ട്ടു​ക​ളി​ൽ തീ​വ്ര ലൈ​റ്റ് ഉ​പ​യോ​ഗി​ച്ച് മ​ത്സ്യ​ങ്ങ​ളെ കൂ​ട്ട​ത്തോ​ടെ ആ​ക​ര്‍ഷി​ച്ച് ഊ​റ്റി​ക്കൊ​ണ്ടു​പോ​കു​ന്ന​ത് മ​ത്സ്യ​ല​ഭ്യ​ത കു​റ​യാ​നി​ട​യാ​ക്കു​ന്ന​താ​യി പ​രാ​തി. ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളി​ൽ​നി​ന്നു​ള്ള ബോ​ട്ടു​ക​ളാ​ണ് ക​ട​ലി​ൽ​നി​ന്ന് ഇ​ത്ത​ര​ത്തി​ൽ നി​യ​മ​വി​രു​ദ്ധ​മാ​യി മീ​ൻ ഊ​റ്റി​ക്കൊ​ണ്ടു​പോ​വു​ന്ന​തെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ പ​റ​ഞ്ഞു. ഇ​ത് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളെ പ്ര​തി​സ​ന്ധി​യി​ലാ​ക്കു​ന്നു. ക​ട​ലി​ല്‍ കൃ​ത്രി​മ​മാ​യി അ​മി​ത​വെ​ളി​ച്ച​മു​ണ്ടാ​ക്കി മ​ത്സ്യ​ക്കൂ​ട്ട​ങ്ങ​ളെ ആ​ക​ര്‍ഷി​ച്ച് ഒ​ന്നി​ച്ച് കോ​രി​യെ​ടു​ക്കു​ന്ന​ത് കേ​ന്ദ്ര-​സം​സ്ഥാ​ന സ​ര്‍ക്കാ​റു​ക​ള്‍ നി​രോ​ധി​ച്ച മ​ത്സ്യ​ബ​ന്ധ​ന രീ​തി​യാ​ണ്.

ക​ട​ലി​ൽ 12 വാ​ട്സി​ൽ താ​ഴെ വെ​ളി​ച്ച സം​വി​ധാ​നം ഉ​പ​യോ​ഗി​ക്കാ​നാ​ണ് അ​നു​മ​തി​യു​ള്ള​ത്. ഇ​തി​ന്‍റെ പ​തി​ന്മ​ട​ങ്ങ് തീ​വ്ര​ത​യു​ള്ള ലൈ​റ്റ് ഉ​പ​യോ​ഗി​ച്ചാ​ണ് ബോ​ട്ടു​ക​ൾ മീ​ൻ ഊ​റ്റു​ന്ന​ത്. ഹൈ​വോ​ള്‍ട്ടേ​ജ് എ​ൽ.​ഇ.​ഡി ലൈ​റ്റു​ക​ള്‍, ഹൈ​മാ​സ്റ്റ് ലൈ​റ്റു​ക​ള്‍, ട്യൂ​ബ് ലൈ​റ്റു​ക​ള്‍ എ​ന്നി​വ ഉ​പ​യോ​ഗി​ച്ചാ​ണ് മ​ത്സ്യ​ബ​ന്ധ​നം. 100, 200 വാ​ട്ട് എ​ൽ.​ഇ.​ഡി ലൈ​റ്റു​ക​ളു​ടെ 20-30 എ​ണ്ണ​മ​ട​ങ്ങു​ന്ന സെ​റ്റ് വെ​ള്ള​ത്തി​ൽ ഇ​റ​ക്കി​യാ​ണ് മീ​ൻ​പി​ടി​ത്തം.

പി.​വി.​സി പൈ​പ്പി​ൽ കോ​ൺ​ക്രീ​റ്റ് ഇ​റ​ക്കി ചു​റ്റും എ​ൽ.​ഇ.​ഡി പാ​ന​ൽ ഘ​ടി​പ്പി​ച്ച് കൃ​ത്രി​മ ലൈ​റ്റ് ക​ട​ലി​ലേ​ക്ക് ഇ​റ​ക്കി​യും മ​ത്സ്യ​ബ​ന്ധ​നം ന​ട​ത്തു​ന്നു. ഹാ​ർ​ബ​റു​ക​ളി​ൽ​നി​ന്ന് മ​ത്സ്യ​ബ​ന്ധ​ന​ത്തി​ന് പു​റ​പ്പെ​ടു​മ്പോ​ൾ ലൈ​റ്റ് ഘ​ടി​പ്പി​ക്കാ​തെ മ​റ്റു ഭാ​ഗ​ങ്ങ​ളി​ലൂ​ടെ ചെ​റു​ബോ​ട്ടു​ക​ളി​ലും വ​ള്ള​ങ്ങ​ളി​ലും ലൈ​റ്റ് ക​ട​ലി​ൽ എ​ത്തി​ച്ച് ബോ​ട്ടു​ക​ളി​ൽ ഘ​ടി​പ്പി​ക്കു​ന്ന​തും പ​തി​വാ​ണ്. ലൈ​റ്റ് ഘ​ടി​പ്പി​ച്ച ബോ​ട്ടു​ക​ൾ ഉ​ൾ​ക്ക​ട​ലി​ൽ​ത​ന്നെ ന​ങ്കൂ​ര​മി​ട്ട് ചെ​റി​യ ബോ​ട്ടു​ക​ളി​ലോ വ​ള്ള​ങ്ങ​ളി​ലോ മ​ത്സ്യം ക​ര​യി​ലെ​ത്തി​ക്കു​ന്ന രീ​തി​യും ഇ​ത്ത​രം ബോ​ട്ടു​ക​ൾ അ​നു​വ​ർ​ത്തി​ക്കു​ന്നു. 12 നോ​ട്ടി​ക്ക​ൽ മൈ​ൽ പ​രി​ധി​ൽ പ​രി​ശോ​ധ​ന ന​ട​ത്തു​ന്ന ഫി​ഷ​റീ​സ് ഉ​ദ്യോ​ഗ​സ്ഥ​ർ​ക്ക് ഇ​ത്ത​രം മ​ത്സ്യ​ബ​ന്ധ​ന ബോ​ട്ടു​ക​ളെ പി​ടി​കൂ​ടാ​നും ക​ഴി​യു​ന്നി​ല്ല. ഇ​തു​സം​ബ​ന്ധി​ച്ച് ത​ങ്ങ​ൾ ന​ര​വ​ധി ത​വ​ണ പ​രാ​തി​പ്പെ​ട്ടി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ പ​റ​ഞ്ഞു.