Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightഇൗ മത്സ്യം...

ഇൗ മത്സ്യം വിഴുങ്ങിയത്​ 21 അലങ്കാരക്കല്ലുകൾ

text_fields
bookmark_border
ഇൗ മത്സ്യം വിഴുങ്ങിയത്​ 21 അലങ്കാരക്കല്ലുകൾ
cancel

കോഴിക്കോട്​: കല്ല്​ വിഴുങ്ങുന്ന മീൻ എന്ന്​ കേട്ടിട്ടുണ്ടോ? അങ്ങനെ ഒരു മീനുണ്ട്​ സിൽവർ ഹിൽസ്​ ഹയർ ​െസക്കൻഡറി സ്​കൂളിലെ അക്വേറിയത്തിൽ. അക്വേറിയത്തിൽ ഭംഗിക്കായി നിക്ഷേപിച്ച​ കല്ലുകളിൽ 21 എണ്ണമാണ്​ ഇൗ മീൻ വിഴുങ്ങിയത്​​. അക്വേറിയത്തിൽ വളർത്തുന്ന അറോണ എന്ന മത്സ്യമാണ്​ അലങ്കാരക്കല്ലുകൾ വിഴുങ്ങിയത്​. എട്ടു വയസ്സുള്ള മത്സ്യത്തിന്​ വയറുവീർത്ത്​ ചലിക്കാൻപോലുമാകാതെയായപ്പോൾ സ്​കൂൾ അധികൃതർ ഡോക്​ടറുടെ സഹായം തേടുകയായിരുന്നു. ഫോ​ട്ടോ കണ്ടപ്പോൾ ആദ്യം ട്യ​ൂമറാണ്​ എന്നു കരുതിയെന്ന്​ പെരുവണ്ണാമൂഴി ഐ.സി.എ.ആർ കൃഷി വിജ്​ഞാൻ കേന്ദ്രയിലെ ഫിഷറീസ്​ സബ്​ജക്​റ്റ്​ മാറ്റർ സ്​പെഷലിസ്​റ്റ് ​ഡോ. ബി. പ്രദീപ്​ പറഞ്ഞു.

പിന്നീട്​ മത്സ്യത്തെ നേരിട്ട്​ കണ്ടപ്പോഴാണ്​ ട്യൂമറല്ലെന്ന്​ വ്യക്തമായത്​. വയറിൽനിന്ന്​ കല്ലുകളുടെ കിലുക്കം അറിയാൻ സാധിച്ചതോ​െട കല്ലുകൾ വിഴുങ്ങിയതാണെന്ന്​ മനസ്സിലായി. പിന്നീട്​ അവ പുറത്തെടുക്കാനുള്ള ശ്രമമായിരുന്നു. മത്സ്യത്തെ മയക്കി വായിലൂടെ ഓരോ കല്ലുകളായി പുറത്തെടുക്കുകയായിരുന്നു. കൂടുതൽ സമയം വെള്ളത്തിന്​ പുറത്ത്​ എടുത്തിടാൻ കഴിയാത്തതിനാൽ ഇടക്കിടെ വെള്ളത്തിലിട്ടും പിന്നീട്​ പുറത്തെടുത്തുമാണ്​ കല്ലുകളെല്ലാം ഒഴിവാക്കിയത്​.

ഗോൾഡൻ ഫിഷിനെയാണ്​ ഈ മത്സ്യത്തിന്​ ഭക്ഷണമായി നൽകിയിരുന്നത്​. അറോണയിൽനിന്ന്​ രക്ഷപ്പെടാനായി ഗോൾഡൻ ഫിഷ്​ കല്ലുകൾക്കിടയിൽ ഒളിക്കുകയും കല്ലുകളോടു​ കൂടി ഇവയെ വിഴുങ്ങുകയും ചെയ്​തതായിരിക്കാം എന്നാണ്​ ഡോക്​ടറുടെ നിഗമനം. ​ഇത്തരം വസ്​തുക്കൾ ഇവ തുപ്പിക്കളയേണ്ടതാണ്​. എന്നാൽ, മിനുസമേറിയ പ്രതലങ്ങളുള്ള കല്ലായതിനാൽ അവ വിഴുങ്ങിപ്പോയതാകാമെന്നും ഡോക്​ടർ പറയുന്നു.

കല്ലുകൾ വയറിനുള്ളിലായിരുന്നപ്പോൾ അക്വേറിയത്തിനു മുക​ളിലേക്ക്​ വരാൻ കഴിയാതെ അടിയിൽതന്നെ കഴിയുകയായിരുന്നു. നവംബർ 21നാണ്​ കല്ലുക​െളല്ലാം പുറത്തെടുത്തത്​. പരീക്ഷണം എന്ന നിലയിലാണ്​ ഇത്​ ചെയ്​തത്​. നിലവിൽ മത്സ്യത്തിന്​ പ്രശ്​നങ്ങളില്ല. വയർ ചെറുതായി ചുരുങ്ങുന്നുണ്ട്​. അക്വേറിയത്തി​െൻറ മുകളിലേക്ക്​ വരാനും തുടങ്ങി. എന്നാലും ഭക്ഷണം കഴിക്കാൻ തുടങ്ങിയിട്ടില്ലെന്ന്​ സ്​കൂൾ പ്രിൻസിപ്പൽ ഫാ. ബിജു പറഞ്ഞു.

Show Full Article
TAGS:fish fish swallowed stones 
Web Title - fish swallowed 21 ornamental stones
Next Story