തളിക്കുളത്തിൽ മീനുകൾ ചത്തുപൊങ്ങി

കോ​ഴി​ക്കോ​ട്: ത​ളി​യി​ലെ കു​ള​ത്തി​ൽ മ​ത്സ്യ​ങ്ങ​ൾ വ്യാ​പ​ക​മാ​യി ച​ത്തു​പൊ​ങ്ങി. കു​ള​ത്തി​ൽ വാ​യു​വി​ന്റെ അ​ള​വ് കു​റ​ഞ്ഞ​താ​വാം കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം. കോ​ർ​പ​റേ​ഷ​ൻ ആ​രോ​ഗ്യ വി​ഭാ​ഗ​വും ക​സ​ബ പൊ​ലീ​സും ഫി​ഷ​റീ​സ് വ​കു​പ്പു​ദ്യോ​ഗ​സ്ഥ​രും സ്ഥ​ല​ത്തെ​ത്തി. കോ​ർ​പ​റേ​ഷ​ൻ ആ​രോ​ഗ്യ വി​ഭാ​ഗം കു​ള​ത്തി​ലെ വെ​ള്ളം ശേ​ഖ​രി​ച്ച് ജ​ല​വി​ഭ​വ വി​ക​സ​ന വി​നി​യോ​ഗ കേ​ന്ദ്ര​ത്തി​ൽ (സി.​ഡ​ബ്ല്യൂ.​ആ​ർ.​ഡി.​എം) പ​രി​ശോ​ധ​ന​ക്ക​യ​ച്ചു. കു​ള​ത്തി​ന്റെ നാ​ലു ഭാ​ഗ​ത്തു​നി​ന്നും ശേ​ഖ​രി​ച്ച വെ​ള്ള​മാ​ണ് പ​രി​ശോ​ധ​ന​ക്ക​യ​ച്ച​ത്.

ച​ത്ത മ​ത്സ്യ​ങ്ങ​ളു​ടെ സാ​മ്പി​ൾ ശേ​ഖ​രി​ച്ച് കേ​ന്ദ്ര സ​മു​ദ്ര​മ​ത്സ്യ ഗ​വേ​ഷ​ണ കേ​ന്ദ്ര​ത്തി​ൽ ന​ൽ​കാ​നാ​യി ഫ്രീ​സ​റി​ലേ​ക്ക് മാ​റ്റി. മ​ത്സ്യ​ങ്ങ​ളെ തി​ങ്ക​ളാ​ഴ്ച പ​രി​ശോ​ധി​ക്കും. ര​ണ്ടു പ​രി​ശോ​ധ​ന​ക​ളു​ടെ​യും ഫ​ലം തി​ങ്ക​ളാ​ഴ്ച ല​ഭി​ക്കു​മെ​ന്ന് ക​രു​തു​ന്നു. വെ​ള്ള​ത്തി​ൽ പി.​എ​ച്ച് മൂ​ല്യ​ത്തി​ൽ വ​ന്ന വ്യ​തി​യാ​ന​വും പ്രാ​ണ​വാ​യു കു​റ​ഞ്ഞ​തു​മാ​ണ് കാ​ര​ണ​മെ​ന്നാ​ണ് ഫി​ഷ​റീ​സ് വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ പ്രാ​ഥ​മി​ക​മാ​യി ക​ണ്ടെ​ത്തി​യ​ത്. ഞാ​യ​റാ​ഴ്ച രാ​വി​ലെ​യാ​ണ് മീ​നു​ക​ൾ വ​ൻ തോ​തി​ൽ ച​ത്ത​ത് ക​ണ്ടെ​ത്തി​യ​ത്.

കു​ള​ത്തി​ലെ സെ​ക്യൂ​രി​റ്റി ജീ​വ​ന​ക്കാ​ര​ൻ വി​വ​രം പൊ​ലീ​സി​ൽ അ​റി​യി​ക്കു​ക​യാ​യി​രു​ന്നു. വ​ലി​യ തി​ലോ​പ്പി​യ ഇ​ന​ത്തി​ൽ​പെ​ട്ട മീ​നു​ക​ളാ​ണ് അ​ധി​ക​വും ച​ത്ത​ത്. കു​ള​ത്തി​ന്റെ എ​ല്ലാ ഭാ​ഗ​ത്തും മീ​നു​ക​ൾ പൊ​ന്തി​യി​ട്ടു​ണ്ട്. എ​ങ്കി​ലും ചെ​റി​യ​വ​യ​ട​ക്കം ചി​ല​യി​നം മീ​നു​ക​ൾ ഇ​പ്പോ​ഴും കു​ള​ത്തി​ൽ നീ​ന്തു​ന്നു​മു​ണ്ട്. പ്ര​​ത്യേ​ക​യി​നം മീ​നു​ക​ൾ​ക്ക് ഫം​ഗ​സോ മ​റ്റു​ള്ള അ​സു​ഖ​ങ്ങ​ളോ ബാ​ധി​ച്ച​താ​കാ​മെ​ന്ന സം​ശ​യ​ങ്ങ​ൾ പ്ര​ക​ടി​പ്പി​ക്കു​ന്ന​വ​രു​ണ്ട്. വി​ഷം ക​ല​ക്കി​യ​താ​ണെ​ന്ന് പ്ര​ചാ​ര​ണ​മു​ണ്ടാ​യെ​ങ്കി​ലും പ്രാ​ഥ​മി​ക പ​രി​ശോ​ധ​ന​യി​ൽ സൂ​ച​ന​യൊ​ന്നും കി​ട്ടി​യി​ട്ടി​ല്ല. മേ​യ​ർ ഡോ. ​ബീ​ന ഫി​ലി​പ് സ്ഥ​ല​ത്തെ​ത്തി. ച​ത്ത മീ​നു​ക​ളെ കു​ള​ത്തി​ൽ​നി​ന്ന് നീ​ക്കാ​ൻ ന​ട​പ​ടി​യെ​ടു​ക്കു​മെ​ന്ന് കോ​ർ​പ​റേ​ഷ​ൻ അ​ധി​കൃ​ത​ർ അ​റി​യി​ച്ചു. മു​മ്പ് മാ​നാ​ഞ്ചി​റ​യി​ലും ക​നോ​ലി ക​നാ​ലി​ലും മീ​നു​ക​ൾ ച​ത്തു​പൊ​ന്തി​യി​രു​ന്നു.