അമ്പതിന്റെ നിറവിൽ ആദ്യ വനിത പൊലീസ് സ്റ്റേഷൻ; രക്തദാനത്തോടെ ആഘോഷത്തുടക്കം

കോ​ഴി​ക്കോ​ട്: അ​മ്പ​തി​​ന്റെ നി​റ​വി​ലെ​ത്തി​യ രാ​ജ്യ​ത്തെ ആ​ദ്യ വ​നി​ത പൊ​ലീ​സ് സ്റ്റേ​ഷ​ൻ വ​ർ​ഷം നീ​ളു​ന്ന ആ​ഘോ​ഷം തു​ട​ങ്ങി. പാ​വ​മ​ണി റോ​ഡി​ലെ കോ​ഴി​ക്കോ​ട് വ​നി​ത സ്റ്റേ​ഷ​നാ​ണ് സു​വ​ർ​ണ ജൂ​ബി​ലി നി​റ​വി​ലു​ള്ള​ത്. സി​റ്റി പൊ​ലീ​സി​ലെ അ​മ്പ​ത് വ​നി​ത ​ഉ​ദ്യോ​ഗ​സ്ഥ​ർ കോ​ട്ട​പ്പ​റ​മ്പ് ഗ​വ. ആ​ശു​പ​ത്രി​യി​ലെ​ത്തി ര​ക്തം​ദാ​നം ​ചെ​യ്താ​ണ് അ​മ്പ​താം ആ​ഘോ​ഷ പ​രി​പാ​ടി​ക​ൾ​ക്ക് തു​ട​ക്ക​മി​ട്ട​ത്.

രോ​ഗി​ക​ൾ​ക്കാ​യി മു​ടി ദാ​നം ​ചെ​യ്യ​ൽ, ബോ​ധ​വ​ത്ക​ര​ണ പ​രി​പാ​ടി​ക​ൾ അ​ട​ക്ക​മു​ള്ള​വ വ​രും ദി​വ​സ​ങ്ങ​ളി​ൽ ന​ട​ക്കും. സ്ത്രീ​ക​ൾ​ക്കെ​തി​രാ​യ അ​തി​ക്ര​മ​ങ്ങ​ൾ വ​ർ​ധി​ച്ച​തോ​ടെ വ​നി​ത​ക​ളു​ടെ സം​ര​ക്ഷ​ണ​മ​ട​ക്കം മു​ൻ​നി​ർ​ത്തി​യാ​ണ് വ​നി​ത പൊ​ലീ​സ് സ്റ്റേ​ഷ​ൻ എ​ന്ന ആ​ശ​യം രാ​ജ്യ​ത്ത് ന​ട​പ്പാ​ക്കി​യ​ത്. പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി​യാ​ണ് 1973 ഒ​ക്ടോ​ബ​ർ 27ന് ​രാ​ജ്യ​ത്തെ ആ​ദ്യ വ​നി​ത പൊ​ലീ​സ് സ്റ്റേ​ഷ​ൻ നാ​ടി​ന് സ​മ​ർ​പ്പി​ച്ച​ത്.

അ​ന്ന​ത്തെ മു​ഖ്യ​മ​ന്ത്രി സി. ​അ​ച്യു​ത​മേ​നോ​ൻ, ആ​ഭ്യ​ന്ത​ര മ​ന്ത്രി കെ. ​ക​രു​ണാ​ക​ര​ൻ എ​ന്നി​വ​രു​​ടെ സാ​ന്നി​ധ്യ​ത്തി​ൽ കോ​ഴി​ക്കോ​ട് സി​റ്റി പൊ​ലീ​സ് മേ​ധാ​വി​യു​ടെ ഓ​ഫി​സി​നോ​ട് ചേ​ർ​ന്നു​ള്ള കെ​ട്ടി​ട​ത്തി​ലാ​യി​രു​ന്നു വ​നി​ത സ്റ്റേ​ഷ​ന്റെ തു​ട​ക്കം. 1997 ഏ​പ്രി​ൽ അ​ഞ്ചി​നാ​ണ് ഇ​ന്നു​ള്ള സ്വ​ന്തം കെ​ട്ടി​ട​ത്തി​ലേ​ക്ക് സ്റ്റേ​ഷ​ൻ മാ​റി​യ​ത്. ഈ ​കെ​ട്ടി​ട​ത്തി​ന്റെ ഉ​ദ്ഘാ​ട​നം നി​ർ​വ​ഹി​ച്ച​ത് അ​ന്ന​ത്തെ മു​ഖ്യ​മ​ന്ത്രി ഇ.​കെ. നാ​യ​നാ​രാ​ണ്. തി​രു​വ​ന​ന്ത​പു​ര​ത്തു​കാ​രി പ​ത്മി​നി​യ​മ്മ​യാ​യി​രു​ന്നു വ​നി​ത സ്റ്റേ​ഷ​നി​ലെ ആ​ദ്യ എ​സ്.​ഐ. സി​റ്റി പൊ​ലീ​സി​ന്റെ പ​രി​ധി​യാ​ണ് വ​നി​ത സ്റ്റേ​ഷ​ന്റെ ഭൂ​പ​രി​ധി​യാ​യി നി​ശ്ച​യി​ച്ച​ത് എ​ന്ന​തി​നാ​ൽ ന​ഗ​ര​ത്തി​ലെ​വി​ടെ​യു​ള്ള​യാ​ൾ​ക്കും ഇ​വി​ടെ പ​രാ​തി ന​ൽ​കാം.

ആ​ദ്യ​കാ​ല​ത്ത് പ​രാ​തി​ക്കാ​രും എ​തി​ർ​ക​ക്ഷി​ക​ളു​മെ​ല്ലാം വ​നി​ത​ക​ളാ​യി​രി​ക്ക​ണ​​മെ​ന്ന നി​ബ​ന്ധ​ന​യു​ണ്ടാ​യി​രു​ന്നെ​ങ്കി​ലും ഇ​ന്ന​​തെ​ല്ലാം മാ​റി. വ​നി​ത സ്റ്റേ​ഷ​​നെ മാ​തൃ​ക പൊ​ലീ​സ് സ്റ്റേ​ഷ​നാ​ക്കി മാ​റ്റു​ന്ന​തി​ന് കെ​ട്ടി​ടം ന​വീ​ക​രി​ച്ച് മെ​ച്ച​പ്പെ​ട്ട സൗ​ക​ര്യ​ങ്ങ​ൾ ഒ​രു​ക്ക​ണ​മെ​ന്ന​ട​ക്ക​മു​ള്ള ആ​വ​ശ്യ​ങ്ങ​ൾ ഇ​തി​ന​കം ഉ​യ​ർ​ന്നി​ട്ടു​ണ്ട്. വാ​ർ​ഷി​കാ​ഘോ​ഷ പ​രി​പാ​ടി ​മേ​യ​ർ ഡോ. ​ബീ​ന ഫി​ലി​പ് ഉ​ദ്ഘാ​ട​നം ചെ​യ്തു. ഡി.​സി.​പി കെ.​ഇ. ബൈ​ജു അ​ധ്യ​ക്ഷ​ത വ​ഹി​ച്ചു. അ​സി. ക​മീ​ഷ​ണ​ർ പി. ​ബി​ജു​രാ​ജ്, പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ ജി​ല്ല സെ​ക്ര​ട്ട​റി രാ​ജേ​ന്ദ്ര രാ​ജ, കേ​ര​ള പൊ​ലീ​സ് അ​സോ​സി​യേ​ഷ​ൻ ജി​ല്ല സെ​ക്ര​ട്ട​റി പി.​ആ​ർ. ര​ഗീ​ഷ്, വ​നി​ത സെ​ൽ ഇ​ൻ​സ്പ​ക്ട​ർ പി. ​ഉ​ഷ എ​ന്നി​വ​ർ സം​സാ​രി​ച്ചു.