20 രൂപ നാണയം ആദ്യമേ കൈക്കലാക്കി എം.കെ. ലത്തീഫ്​

കോഴിക്കോട്​: റിസർവ്​ ബാങ്ക്​ പുറത്തിയ 20 രൂപ നാണയം ആദ്യമേ സ്വന്തമാക്കി നടക്കാവ്​ സ്വദേശി എം.കെ. ലത്തീഫ്​. മൂന്നുദിവസം മുമ്പാണ്​ ബാങ്ക്​ ഇൗ നാണയം പുറത്തിറക്കിയത്​. ​പുതിയ നോട്ടുകളും നാണയങ്ങളും ഇറങ്ങു​േമ്പാൾ വിമാനമാർഗം നേരിട്ട്​ ഡൽഹിയിൽ പോയി വാങ്ങുകയായിരുന്നു ലത്തീഫി​െൻറ രീതി. ഇത്തവണയും ഇത്തരമൊരു യാത്ര ആസൂത്രണം ചെയ്​തെങ്കിലും കോവിഡ്​കാല യാത്രാനിയന്ത്രണങ്ങളാൽ ഡൽഹിയിൽ പോവാനായില്ല. തുടർന്ന്​ റിസർവ്​ ബാങ്കിലെ ജീവനക്കാരനായ സുഹൃത്താണ്​​ 20 രൂപ നാണയത്തി​െൻറ നൂറെണ്ണമുള്ള പാക്കറ്റ്​ എത്തിച്ചുനൽകിയത്​.

നാണയ, കറൻസി ശേഖരം വിനോദമാക്കിയ ലത്തീഫിന്​ പുതുതായി പുറത്തിറക്കുന്നവ ആദ്യം തന്നെ ലഭിക്കാറുണ്ട്​. വർഷങ്ങളുടെ കാത്തിരിപ്പിനുശേഷമാണിപ്പോൾ 20 രൂപ നാണയം വിപണിയിലെത്തുന്നത്​​.

ഇതുവരെ പുറത്തിറക്കിയ നാണയങ്ങളിൽ ഏറ്റവും മൂല്യമുള്ളതാണിത്​ എന്നതാണ്​ പ്രത്യേകത. ​മനോഹരമായ നാണയത്തി​െൻറ വശത്ത്​ 12 കട്ടിങ്ങാണുള്ളത്​. കോപ്പർ​ നിൽവർ നിറമാണ്​. 8.54 ഗ്രാം ഭാരവും ഒരുഭാഗത്ത്​ അശോക ചക്രവും മറുഭാഗത്ത്​ 20 രൂപ എന്നുമാണുള്ളത്​. നാണയം നാട്ടിലെ ബാങ്കുകളിലെത്താൻ മാസങ്ങളെടുത്തേക്കുമെന്നാണ്​ പറയപ്പെടുന്നത്​. പ്രശസ്​തരുടെ ജനനത്തീയതിയുള്ള നോട്ടുകളും വിവിധ രാജ്യങ്ങളുടെ കറൻസികളും ശേഖരിച്ച്​ ലത്തീഫ്​ നിരവധി സ്​ഥലങ്ങളിൽ പ്രദർശനം നടത്തിയിട്ടുണ്ട്​.

കോഴിക്കോ​െട്ട ന്യൂമിസ്​മാറ്റിക്​ സൊസൈറ്റി എക്​സിക്യൂട്ടീവ്​ അംഗവും ആർക്കിയോളജി ആൻഡ്​ ഹെറിറ്റേജ്​ അസോസിയേഷൻ പ്രസിഡൻറുമായ ലത്തീഫ്​ കോവിഡ്​ കാലത്ത്​ സാമൂഹിക പ്രവർത്തനങ്ങളിലും സജീവമാണ്​.