നെ​ഞ്ച് പൊ​ട്ടു​ന്നു​ണ്ട്, ഹൃ​ദ​യം നു​റു​ങ്ങു​ന്നു​ണ്ട്, എ​ന്തൊ​രു വി​ധി​യാ​ണി​ത്...

മു​ക്കം: നെ​ഞ്ച് പൊ​ട്ടു​ന്നു​ണ്ട്, ഹൃ​ദ​യം നു​റു​ങ്ങു​ന്നു​ണ്ട്, എ​ന്തൊ​രു വി​ധി​യാ​ണി​ത്...! മു​ങ്ങി​മ​ര​ണ​ങ്ങ​ൾ തു​ട​ർ​ക്ക​ഥ​യാ​യ കോ​ഴി​ക്കോ​ട് കി​ഴ​ക്ക​ൻ മേ​ഖ​ല​യി​ൽ ര​ക്ഷാ​പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കു​ന്ന മു​ക്കം ഫ​യ​ർ ഓ​ഫി​സ​ർ എം.​എ. ഗ​ഫൂ​റി​ന്റെ വാ​ക്കു​ക​ളാ​ണി​ത്. തു​ട​ർ​ച്ച​യാ​യ ര​ണ്ട് ദി​ന​ങ്ങ​ളി​ൽ നെ​ഞ്ചു​പൊ​ട്ടി ത​ക​ർ​ന്നു​വീ​ണ ര​ണ്ട് പി​താ​ക്ക​ന്മാ​രു​ടെ ദ​യ​നീ​യ മു​ഖം ക​ണ്ട് മ​ന​സ്സ് വ​ല്ലാ​തെ മ​ര​വി​ച്ച അ​വ​സ്ഥ​യി​ലാ​ണ്, ഒ​ന്ന് കൊ​ടു​വ​ള്ളി മാ​നി​പു​ര​ത്തെ​ങ്കി​ൽ മ​റ്റൊ​ന്ന് പു​ല്ലൂ​രം​പാ​റ കു​റു​ങ്ക​യ​ത്ത് -ഗ​ഫൂ​ർ ഫേ​സ്ബു​ക്ക്, വാ​ട്സ്ആ​പ് തു​ട​ങ്ങി​യ സ​മൂ​ഹ മാ​ധ്യ​മ​ങ്ങ​ളി​ൽ കു​റി​ക്കു​ന്നു. 18 വ​ർ​ഷം മു​മ്പ് ഫ​യ​ർ സ​ർ​വി​സി​ന്റെ ഭാ​ഗ​മാ​യ എം.​എ. ഗ​ഫൂ​ർ ചൂ​ര​ൽ​മ​ല, ക​വ​ള​പ്പാ​റ​യ​ട​ക്കം നി​ര​വ​ധി ജീ​വ​നു​ക​ൾ പൊ​ലി​ഞ്ഞ ദു​ര​ന്ത​മു​ഖ​ങ്ങ​ളി​ൽ​നി​ന്ന് അ​നേ​കം പേ​രെ ജീ​വി​ത​ത്തി​ലേ​ക്ക് തി​രി​കെ കൊ​ണ്ടു​വ​ന്നി​ട്ടു​ണ്ട്. എ​ന്നാ​ൽ, പ​ല​പ്പോ​ഴും സ്വ​യം വ​രു​ത്തി​വെ​ക്കു​ന്ന അ​പ​ക​ട​ങ്ങ​ൾ കാ​ണു​മ്പോ​ൾ മ​ന​സ്സ് പി​ടി​ച്ചു​നി​ർ​ത്താ​നാ​വു​ന്നി​ല്ലെ​ന്ന് അ​ദ്ദേ​ഹം പ​റ​യു​ന്നു.

‘‘കൈ ​വ​ള​രു​ന്നോ കാ​ൽ വ​ള​രു​ന്നോ എ​ന്ന് നോ​ക്കി ത​ങ്ങ​ളു​ടെ പ്രി​യ​പ്പെ​ട്ട കു​ഞ്ഞു​ങ്ങ​ളെ വ​ള​ർ​ത്തു​ന്ന​തി​നി​ട​യി​ൽ മ​ക്ക​ളെ ന​ഷ്ട​പ്പെ​ട്ട ആ ​ര​ണ്ട് പി​താ​ക്ക​ളു​ടെ നി​യ​ന്ത്ര​ണം ന​ഷ്ട​പ്പെ​ട്ട ക​ര​ച്ചി​ലി​ന് പ​ക​രം​ന​ൽ​കാ​ൻ ചേ​ത​ന​യ​റ്റ അ​വ​രു​ടെ മ​ക്ക​ളു​ടെ മൃ​ത​ദേ​ഹം മാ​ത്ര​മാ​യി അ​വ​രു​ടെ മു​ന്നി​ൽ നി​ൽ​ക്കേ​ണ്ടി വ​രു​ന്നൊ​രു നി​സ്സ​ഹാ​യ​ത അ​നു​ഭ​വി​ക്കു​ന്ന​വ​ർ​ക്കേ മ​ന​സ്സി​ലാ​കൂ. ഏ​റ​ക്കു​റെ ഇ​തേ പ്രാ​യ​മു​ള്ള മ​ക്ക​ളു​ള്ള ഒ​രു പി​താ​വ​ല്ലേ ഞാ​നും. എ​ന്ത് പ​റ​യും ആ ​കു​ഞ്ഞു​ങ്ങ​ളു​ടെ മാ​താ​പി​താ​ക്ക​ളോ​ട്. ജ​ലാ​ശ​യ അ​പ​ക​ട​ങ്ങ​ൾ​ക്ക് അ​റു​തി വ​രു​ത്താ​ൻ നി​ര​ന്ത​രം ഇ​ട​പെ​ടു​ന്നു​ണ്ട്. സ​മൂ​ഹ​ത്തെ ബോ​ധ​വ​ത്ക​രി​ക്കാ​ൻ ല​ഭ്യ​മാ​യ വേ​ദി​ക​ളെ​ല്ലാം ഉ​പ​യോ​ഗ​പ്പെ​ടു​ത്തു​ന്നു​ണ്ട്. സ​മൂ​ഹ മാ​ധ്യ​മ പ്ലാ​റ്റ്ഫോ​മു​ക​ളി​ൽ തു​ട​ർ​ച്ച​യാ​യി ബോ​ധ​വ​ത്ക​ര​ണം ന​ട​ത്തു​ന്നു​ണ്ട്. എ​ന്നി​ട്ടും...’’ -എം.​എ. ഗ​ഫൂ​റി​ന്റെ പോ​സ്റ്റ് തു​ട​രു​ന്നു.

കു​ട്ടി​ക​ളെ നീ​ന്ത​ൽ പ​ഠി​പ്പി​ക്കാ​നും പ​രി​ചി​ത​മ​ല്ലാ​ത്ത ജ​ലാ​ശ​യ​ങ്ങ​ളി​ലും വെ​ള്ള​ച്ചാ​ട്ട​ങ്ങ​ളി​ലും ഒ​ളി​ഞ്ഞു​കി​ട​ക്കു​ന്ന അ​പ​ക​ടം മ​റ​ക്കാ​തി​രി​ക്കാ​നും കു​റി​പ്പ് ഓ​ർ​മ​പ്പെ​ടു​ത്തു​ന്നു. ‘‘ഇ​തൊ​ര​പേ​ക്ഷ​യാ​ണ്, മ​ക്ക​ൾ ന​ഷ്ട​പ്പെ​ട്ട മാ​താ​പി​താ​ക്ക​ളു​ടെ ക​ണ്ണീ​ര് കാ​ണാ​ൻ​പോ​ലും ത്രാ​ണി​യി​ല്ലാ​താ​വു​ന്ന ഒ​രു ര​ക്ഷാ പ്ര​വ​ർ​ത്ത​ക​ന്റെ ദ​യ​നീ​യ​മാ​യ അ​പേ​ക്ഷ’’ എ​ന്ന വ​രി​ക​ളോ​ടെ​യാ​ണ് കു​റി​പ്പ് അ​വ​സാ​നി​ക്കു​ന്ന​ത്.