മൊ​ഫ്യൂ​സി​ല്‍ ബ​സ് സ്റ്റാ​ന്‍ഡ് കെ​ട്ടി​ട​ത്തി​ലെ തീപിടിത്തം; കെ​ട്ടി​ട​ത്തി​ല്‍ മാ​റ്റം വ​രു​ത്തി​യോ​യെ​ന്ന് പ​രി​ശോ​ധി​ക്ക​ണം -ക​ല​ക്ട​ർ

കോ​ഴി​ക്കോ​ട്: തീ​പി​ടി​ത്ത​മു​ണ്ടാ​യ കോ​ഴി​ക്കോ​ട് മൊ​ഫ്യൂ​സി​ല്‍ ബ​സ് സ്റ്റാ​ന്‍ഡ് കെ​ട്ടി​ട​ത്തി​ല്‍ അ​നു​മ​തി​യി​ല്ലാ​തെ മാ​റ്റം വ​രു​ത്തി​യി​ട്ടു​ണ്ടോ​യെ​ന്ന കാ​ര്യം പ​രി​ശോ​ധി​ക്കാ​ൻ ജി​ല്ല ക​ല​ക്ട​ർ സ്‌​നേ​ഹി​ല്‍ കു​മാ​ര്‍ സി​ങ് അ​ന്വേ​ഷ​ണ സം​ഘ​ത്തി​ന് നി​ർ​ദേ​ശം ന​ൽ​കി. ക​ല​ക്ട​റു​ടെ അ​ധ്യ​ക്ഷ​ത​യി​ൽ ക​ല​ക്ട​റേ​റ്റി​ല്‍ ചേ​ർ​ന്ന അ​വ​ലോ​ക​ന യോ​ഗ​ത്തി​ലാ​ണ് തീ​രു​മാ​നം.

യോ​ഗ​ത്തി​ൽ അ​ഗ്നി​ര​ക്ഷാ സേ​ന, ഇ​ല​ക്ട്രി​ക്ക​ല്‍ ഇ​ന്‍സ്‌​പെ​ക്ട​റേ​റ്റ്, ഡ്ര​ഗ്‌​സ് ക​ണ്‍ട്രോ​ള്‍, പൊ​ലീ​സ്, കോ​ര്‍പ​റേ​ഷ​ൻ എ​ന്നീ വി​ഭാ​ഗ​ങ്ങ​ൾ ക​ല​ക്ട​ർ​ക്ക് പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട് ന​ൽ​കി. ഇ​തി​ന്റെ അ​ടി​സ്ഥാ​ന​ത്തി​ല്‍ ക​ട​യി​ലെ വൈ​ദ്യു​തി സം​ബ​ന്ധി​ച്ച വി​വ​ര​ങ്ങ​ള്‍ ജി​ല്ല ക​ല​ക്ട​ര്‍ ഡെ​പ്യൂ​ട്ടി ഇ​ല​ക്ട്രി​ക്ക​ല്‍ ഇ​ന്‍സ്‌​പെ​ക്ട​റി​ല്‍ നി​ന്ന് ചോ​ദി​ച്ച​റി​ഞ്ഞു. വൈ​ദ്യു​തി വി​ത​ര​ണം സം​ബ​ന്ധി​ച്ച വി​വ​ര​ങ്ങ​ള്‍ വൈ​ദ്യു​തി ബോ​ര്‍ഡി​ല്‍ നി​ന്ന് തേ​ടി​യി​ട്ടു​ണ്ടെ​ന്ന് ഇ​ന്‍സ്‌​പെ​ക്ട​ര്‍ അ​റി​യി​ച്ചു. ഇ​ത് ല​ഭി​ച്ച​തി​ന് ശേ​ഷം മാ​ത്ര​മേ തീ​പി​ടി​ത്ത​ത്തി​ന്‍റെ കാ​ര​ണ​മെ​ന്തെ​ന്ന് സ്ഥി​രീ​ക​രി​ക്കാ​നാ​വൂ.

കെ​ട്ടി​ട​ത്തി​ന്‍റെ ര​ണ്ടാം നി​ല​യി​ൽ കാ​ലി​ക്ക​റ്റ് ടെ​ക്സ്റ്റൈ​ൽ​സി​ന്‍റെ ഗോ​ഡൗ​ണി​ൽ നി​ന്നാ​ണ് തീ​പി​ടി​ത്ത​മു​ണ്ടാ​യ​തെ​ന്നാ​ണ് ഇ​ല​ക്ട്രി​ക്ക​ൽ ഇ​ൻ​സ്പെ​ക്ട​റേ​റ്റി​ന്‍റെ റി​പ്പോ​ർ​ട്ട്. അ​ഗ്നി​ബാ​ധ​യേ​റ്റ മ​രു​ന്നു​ക​ട​യി​ലെ മ​രു​ന്നു​ക​ളു​ടെ ഉ​പ​യോ​ഗ​യോ​ഗ്യ​ത സം​ബ​ന്ധി​ച്ച പ​രി​ശോ​ധ​ന​ക​ള്‍ ന​ട​ന്നു​വ​രു​ക​യാ​ണെ​ന്ന് അ​സി. ഡ്ര​ഗ്‌​സ് ക​ണ്‍ട്രോ​ള​ര്‍ യോ​ഗ​ത്തി​ല്‍ അ​റി​യി​ച്ചു. വ​കു​പ്പു​ത​ല ഉ​ദ്യോ​ഗ​സ്ഥ​ര്‍ ന​ല്‍കു​ന്ന റി​പ്പോ​ര്‍ട്ടി​ന്റെ അ​ടി​സ്ഥാ​ന​ത്തി​ല്‍ ജി​ല്ല ക​ല​ക്ട​ര്‍ ചീ​ഫ് സെ​ക്ര​ട്ട​റി​ക്ക് അ​ടു​ത്ത ദി​വ​സം റി​പ്പോ​ര്‍ട്ട് ന​ല്‍കും. യോ​ഗ​ത്തി​ല്‍ ഡി.​സി.​പി അ​രു​ണ്‍ കെ. ​പ​വി​ത്ര​ന്‍, ഡി.​എം. ഡെ​പ്യൂ​ട്ടി ക​ല​ക്ട​ര്‍ ഇ. ​അ​നി​ത​കു​മാ​രി പ​ങ്കെ​ടു​ത്തു.

അ​തേ​സ​മ​യം തീ​പി​ടി​ത്ത​ത്തി​ന്റെ കാ​ര​ണം ഷോ​ർ​ട്ട് സ​ർ​ക്യൂ​ട്ടാ​ണോ എ​ന്ന കാ​ര്യ​ത്തി​ൽ അ​ന്വേ​ഷ​ണ സം​ഘം ഇ​തു​വ​രെ അ​ന്തി​മ നി​ഗ​മ​ന​ത്തി​ൽ എ​ത്തി​യി​ട്ടി​ല്ല. ദു​രൂ​ഹ​താ സാ​ധ്യ​ത അ​ഗ്നി​ര​ക്ഷ​സേ​ന ത​ള്ളു​മ്പോ​ൾ ഷോ​ർ​ട്ട് സ​ർ​ക്യൂ​ട്ട് സാ​ധ്യ​ത ഇ​ല​ക്ട്രി​സി​റ്റി വി​ഭാ​ഗം സ്ഥി​രീ​ക​രി​ക്കു​ന്നി​ല്ല. ഷോ​ർ​ട്ട് സ​ർ​ക്യൂ​ട്ടാ​ണെ​ങ്കി​ൽ മീ​റ്റ​ർ ബോ​ർ​ഡു​ക​ൾ​ക്ക് കേ​ടു​പാ​ട് സം​ഭ​വി​ക്കും. എ​ന്നാ​ൽ, അ​തു​ണ്ടാ​യി​ട്ടി​ല്ലെ​ന്നും ഇ​ല​ക്ട്രി​സി​റ്റി വി​ഭാ​ഗം പ​റ​യു​ന്നു. അ​തേ​സ​മ​യം, കാ​ലി​ക്ക​റ്റ് ടെ​ക്സ്റ്റൈ​ൽ​സ് ഉ​ട​മ​യും മു​ൻ പാ​ർ​ട്ണ​റും ത​മ്മി​ലു​ള്ള ത​ർ​ക്ക​വു​മാ​യി ബ​ന്ധ​പ്പെ​ട്ട് നി​ല​നി​ൽ​ക്കു​ന്ന കേ​സി​ന് സം​ഭ​വു​മാ​യി ബ​ന്ധ​മു​ണ്ടോ എ​ന്നും പൊ​ലീ​സ് പ​രി​ശോ​ധി​ക്കു​ന്നു​ണ്ട്.

വൈ​ദ്യു​തി പു​നഃ​സ്ഥാ​പ​നം: ഇ​ന്ന് സം​യു​ക്ത പ​രി​ശോ​ധ​ന

തീ​പി​ടി​ത്ത​മു​ണ്ടാ​യ​തി​നെ​ത്തു​ട​ർ​ന്ന് വൈ​ദ്യു​തി​ബ​ന്ധം പൂ​ർ​ണ​മാ​യും വി​ച്ഛേ​ദി​ച്ച കോ​ഴി​ക്കോ​ട് മൊ​ഫ്യൂ​സി​ല്‍ ബ​സ് സ്റ്റാ​ന്‍ഡ് കെ​ട്ടി​ട​ത്തി​ല്‍ അ​ഗ്നി​ബാ​ധ​യേ​ൽ​ക്കാ​ത്ത നി​ല​ക​ളി​ൽ വൈ​ദ്യു​തി ബ​ന്ധം പു​നഃ​സ്ഥാ​പി​ക്കു​ന്ന​തി​ന് ഇ​ല​ക്ട്രി​സി​റ്റി എ​ൻ​ജി​നീ​യ​ർ​മാ​രും കോ​ർ​പ​റേ​ഷ​ൻ ഇ​ല​ക്ട്രി​സി​റ്റി വി​ഭാ​ഗ​വും ബു​ധ​നാ​ഴ്ച സം​യു​ക്ത പ​രി​ശോ​ധ​ന ന​ട​ത്തും.

തീ​പി​ടി​ത്ത​മു​ണ്ടാ​യ ക​ട്ടി​ട​ത്തി​ൽ മീ​റ്റ​ർ ബോ​ർ​ഡു​ക​ളൊ​ന്നും ക​ത്തി​യി​ട്ടി​ല്ലെ​ന്ന് കെ.​എ​സ്.​ഇ.​ബി അ​സി. എ​ൻ​ജി​നീ​യ​ർ അ​റി​യി​ച്ചു. വി​ശ​ദ​മാ​യ പ​രി​ശോ​ധ​ന ന​ട​ത്തി സു​ര​ക്ഷ ഉ​റ​പ്പാ​ക്കി​യ​തി​ന് ശേ​ഷ​മേ വൈ​ദ്യു​തി ബ​ന്ധം പു​നഃ​സ്ഥാ​പി​ക്കു​ക​യു​ള്ളൂ. തീ​പി​ടി​ത്ത​മു​ണ്ടാ​യ പ​ടി​ഞ്ഞാ​റ് ഭാ​ഗ​ത്തെ ക​ട​ക​ളെ​ല്ലാം പൊ​ലീ​സ് സീ​ൽ ചെ​യ്തി​രി​ക്കു​ക​യാ​ണ്. മ​റ്റ് ഭാ​ഗ​ങ്ങ​ളി​ലെ ക​ട​ക​ൾ തു​റ​ന്നെ​ങ്കി​ലും ഇ​വി​ടെ വൈ​ദ്യു​തി​യി​ല്ല. ചി​ല ക​ട​ക​ൾ ജ​ന​റേ​റ്റ​ർ പ്ര​വ​ർ​ത്തി​പ്പി​ച്ചാ​ണ് ചൊ​വ്വാ​ഴ്ച തു​റ​ന്ന​ത്.

പഴയ കെട്ടിടങ്ങളിലും ഫയർ ഓഡിറ്റിങ് നടത്തണം -മുഖ്യമന്ത്രി

കോ​ഴി​ക്കോ​ട്: പ​ഴ​യ കെ​ട്ടി​ട​ങ്ങ​ളി​ലും ഫ​യ​ർ ഓ​ഡി​റ്റി​ങ് ന​ട​ത്ത​ണ​മെ​ന്ന് മു​ഖ്യ​മ​ന്ത്രി. പ​ഴ​യ കെ​ട്ടി​ട​ങ്ങ​ൾ​ക്ക് ഫ​യ​ർ ഓ​ഡി​റ്റി​ങ് ന​ട​ക്കു​ന്നി​ല്ല. ഇ​വ​യി​ൽ പ​രി​ശോ​ധ​ന ആ​വ​ശ്യ​മാ​ണ്. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ ന​ട​പ​ടി വേ​ണം. ക​ല​ക്ട​റു​ടെ അ​ന്വേ​ഷ​ണ റി​പ്പോ​ർ​ട്ട് ല​ഭി​ച്ചാ​ൽ ഉ​ട​ൻ ന​ട​പ​ടി എ​ടു​ക്കു​മെ​ന്നും അ​ദ്ദേ​ഹം പ​റ​ഞ്ഞു. വാ​ർ​ത്ത​സ​മ്മേ​ള​ന​ത്തി​നി​​ടെ ബ​സ് സ്റ്റാ​ൻ​ഡ് തീ​പി​ടി​ത്ത​വു​മാ​യി ബ​ന്ധ​പ്പെ​ട്ട് പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം.