​സ​ു​രേ​ന്ദ്ര​ൻ പക്ഷത്തിന് പ​രി​ഗ​ണ​നയില്ല; കോ​ഴി​ക്കോ​ട്​ ബി.ജെ.പിയിൽ വീണ്ടും പോര്​ മുറുകി

കോ​ഴി​ക്കോ​ട്​: ജി​ല്ല ക​മ്മി​റ്റി ഓ​ഫി​സാ​യ മാ​രാ​ർ​ജി ഭ​വ​െൻറ ഉ​ദ്​​ഘാ​ട​ന​ത്തി​നു​പി​ന്നാ​ലെ ബി.​ജെ.​പി​യി​ലെ പോ​ര്​ വീ​ണ്ടും മു​റു​കി. പി.​കെ. കൃ​ഷ്​​ണ​ദാ​സ്, വി. ​മു​ര​ളീ​ധ​ര​ൻ പ​ക്ഷ​ങ്ങ​ൾ ത​മ്മി​ൽ നേ​ര​ത്തെ​യു​ള്ള ഇ​ട​ർ​ച്ച ഓ​ഫി​സ്​ ഉ​ദ്​​ഘാ​ട​ന​ത്തോ​ടെ പ​ര​സ്യ​പ്ര​തി​ക​ര​ണ​ങ്ങ​ളി​ലേ​ക്ക്​ നീ​ങ്ങി​യി​രി​ക്ക​യാ​ണ്. കൃ​ഷ്​​ണ​ദാ​സ്​ വി​ഭാ​ഗ​മാ​യ ജി​ല്ല നേ​തൃ​ത്വ​ത്തി​െൻറ സ​ഹ​ക​രി​പ്പി​ക്കാ​ത്ത നി​ല​പാ​ടി​നെ​തി​രെ നി​സ്സ​ഹ​ക​ര​ണ​ത്തി​ലൂ​ടെ തി​രി​ച്ച​ടി ന​ൽ​കു​ക​യെ​ന്ന ത​ന്ത്ര​മാ​ണ്​ മു​ര​ളീ​ധ​ര​ൻ പ​ക്ഷം സ്വീ​ക​രി​ക്കു​ന്ന​ത്. ഇ​തി​െൻറ ഭാ​ഗ​മാ​യി​ ക​ഴി​ഞ്ഞ ദി​വ​സം ചേ​ർ​ന്ന ജി​ല്ല നേ​തൃ​യോ​ഗ​ത്തി​ൽ നി​ന്ന്​ മു​ര​ളീ​ധ​ര​ൻ വി​ഭാ​ഗം പൂ​ർ​ണ​മാ​യും വി​ട്ടു​നി​ന്നു.

ദേ​ശീ​യ പ്ര​സി​ഡ​ൻ​റ്​ ജെ.​പി. ന​ദ്ദ മു​ഖ്യാ​തി​ഥി​യാ​യ ജി​ല്ല ക​മ്മി​റ്റി ഓ​ഫി​സ്​ ഉ​ദ്​​ഘാ​ട​ന ച​ട​ങ്ങി​ൽ മ​തി​യാ​യ പ​രി​ഗ​ണ​ന ല​ഭി​ക്കാ​ത്ത​തോ​ടെ കെ​ട്ടി​ട നി​ർ​മാ​ണ​വു​മാ​യി ബ​ന്ധ​പ്പെ​ട്ട്​ വി​വി​ധ ത​ര​ത്തി​ലു​ള്ള ആ​രോ​പ​ണ​ങ്ങ​ളും മ​റു​പ​ക്ഷം ശ​ക്ത​മാ​ക്കി​. സം​സ്​​ഥാ​ന പ്ര​സി​ഡ​ൻ​റ്​ കെ. ​സ​ു​രേ​ന്ദ്ര​നും അ​നു​കൂ​ലി​ക​ൾ​ക്കും വേ​ണ്ട​ത്ര പ​രി​ഗ​ണ​ന കി​ട്ടാ​ഞ്ഞ​താ​ണ്​ മു​ര​ളീ​ധ​ര​ൻ പ​ക്ഷ​ത്തെ ചൊ​ടി​പ്പി​ച്ച​ത്. ഓ​ഫി​സ്​ നി​ർ​മാ​ണ​ത്തി​നാ​യി ദേ​ശീ​യ നേ​തൃ​ത്വം ര​ണ്ട​ര​ക്കോ​ടി അ​നു​വ​ദി​ച്ചി​ട്ടും പാ​ർ​ട്ടി എ​തി​ർ​ക്കു​ന്ന സ​ഹ​ക​ര​ണ സം​ഘ​ത്തി​ൽ നി​ന്നു​ൾ​പ്പെ​ടെ വ​ൻ​തു​ക പി​രി​ച്ച​ത്​ നീ​തീ​ക​രി​ക്കാ​നാ​വി​ല്ലെ​ന്നാ​ണ്​ ഇ​വ​ർ ആ​വ​ർ​ത്തി​ക്കു​ന്ന​ത്. നി​ഷ്​​പ​ക്ഷ​രാ​യി നി​ന്ന പ​ല​രും പു​തി​യ സാ​ഹ​ച​ര്യ​ത്തി​ൽ ഗ്രൂ​പ്പു​ക​ളു​ടെ ഭാ​ഗ​മാ​യി​ട്ടു​മു​ണ്ട്. പാ​ർ​ട്ടി​യി​ലെ ഗ്രൂ​പ്പു​പോ​ര്​ പ​ര​സ്യ​മാ​യ​തോ​ടെ ആ​ർ.​എ​സ്.​എ​സും അ​തൃ​പ്​​തി​യ​റി​യി​ച്ചി​ട്ടു​ണ്ട്.