Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightFerokechevron_rightഫറോക്ക്​ നഗരസഭയിൽ...

ഫറോക്ക്​ നഗരസഭയിൽ കള്ളവോട്ടുകൾ ചേർക്കുന്നതായി യു.ഡി.എഫ്

text_fields
bookmark_border
ഫറോക്ക്​ നഗരസഭയിൽ കള്ളവോട്ടുകൾ ചേർക്കുന്നതായി യു.ഡി.എഫ്
cancel

ഫറോക്ക്: ഫറോക്ക്​ നഗരസഭയിൽ വ്യാപക കള്ളവോട്ടിന്​ എൽ.ഡി.എഫ് നീക്കമെന്ന് യു.ഡി.എഫ് ആരോപിച്ചു. ചെയർപേഴ്സൺ കെ. കമറുലൈലയുടെ കുടുംബാംഗങ്ങളുടെ പേരുകൾ ഒരു വാർഡിൽ നിലനിൽക്കെ വ്യത്യസ്ത വാർഡുകളിൽ ചേർത്തത് ഇതിന്​ തെളിവാണ്​. ചെയർപേഴ്സ​​െൻറ വാർഡായ ഡിവിഷൻ 21ലെ ഭർത്താവി​െൻറയും മക​െൻറയും വോട്ട്​ 22ലും 23ലും ചേർക്കുകയും മറ്റ് കുടുംബാംഗങ്ങളുടെ വോട്ടുകൾ 21, 22, 23, ഡിവിഷനുകളിലുമാണ്​ ചേർത്തത്​.

വോട്ടർ പട്ടികയിൽ വോട്ട് ഉൾപ്പെടുത്തുന്നതിനും ഒഴിവാക്കുന്നതിനും നടത്തിയ പ്രവർത്തനത്തിലാണ് വ്യാപകമായ ക്രമക്കേടുകൾ നടത്തിയത്. പല വാർഡുകളിലും സ്ഥലത്ത് ഇല്ലാത്ത ആളുകൾക്ക്​ അനധികൃതമായി വോട്ട് ചേർക്കുകയും അർഹതപ്പെട്ട കുടുംബങ്ങളുടെ വോട്ട് തള്ളിക്കുകയും ഒരേ ആളുകൾക്ക്​ തന്നെ പല വാർഡുകളിലും വോട്ട് ചേർക്കുകയുമാണ് എൽ.ഡി.എഫ് ചെയ്യുന്നതെന്നും യു.ഡി.എഫ് നേതാക്കൾ വാർത്താകുറിപ്പിൽ അറിയിച്ചു.

രണ്ടര വർഷം യു.ഡി.എഫ് ഭരിച്ചിരുന്ന മുനിസിപ്പാലിറ്റിയിൽ എൽ.ഡി.എഫ് ഇപ്പോഴത്തെ ചെയർപേഴ്സൻ അടക്കം രണ്ട് കൗൺസിലർമാരെ ഉപയോഗിച്ച് കാലുമാറ്റം നടത്തിയാണ്​ ഭരണം അട്ടിമറിച്ചത്. രണ്ടര വർഷം ജനങ്ങളുടെ മേൽ അമിത നികുതി ചുമത്തിയും മാലിന്യ സംസ്കരണ പദ്ധതി അവതാളത്തിലാക്കിയും വികസന പ്രവർത്തങ്ങൾ മുരടിപ്പിച്ചും ഭരണസ്തംഭനത്തിലേക്കാണ്​ കാര്യങ്ങൾ കൊണ്ടെത്തിച്ചത്. ഇത്​ തിരിച്ചടിയാവുമെന്ന ഭയപ്പാടിലാണ് കള്ളവോട്ട്​ ചേർക്കുന്നതെന്ന്​ ഫറോക്ക് മുനിസിപ്പൽ യു.ഡി.എഫ് ചെയർമാൻ മുഹമ്മദ്‌ കക്കാട്, കൺവീനർ കെ.എ. വിജയൻ എന്നിവർ ആരോപിച്ചു.

Show Full Article
TAGS:UDF fraudulent votes Farook municipality 
Next Story