Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightFerokechevron_right16 വർഷമായി സൗദി ജയിലിൽ ...

16 വർഷമായി സൗദി ജയിലിൽ കഴിയുന്ന ഫറോക്ക് സ്വദേശിയുടെ മോചനം കാത്ത് കുടുംബം

text_fields
bookmark_border
16 വർഷമായി സൗദി ജയിലിൽ കഴിയുന്ന ഫറോക്ക് സ്വദേശിയുടെ മോചനം കാത്ത് കുടുംബം
cancel

ഫ​റോ​ക്ക്: ​16 വ​ര്‍ഷ​മാ​യി സൗ​ദി റി​യാ​ദി​ലെ ഹ​യ​ർ ജ​യി​ലി​ല്‍ ത​ട​വി​ൽ ക​ഴി​യു​ന്ന ഫ​റോ​ക്ക് സ്വ​ദേ​ശി​യു​ടെ മോ​ച​ന​ത്തി​ന് കോ​ട​തി​ക​ൾ ക​യ​റി​യി​റ​ങ്ങി കാ​ത്തി​രി​പ്പാ​ണ് വൃ​ദ്ധ​യാ​യ മാ​താ​വും സ​ഹോ​ദ​ര​ങ്ങ​ളും. രാ​മ​നാ​ട്ടു​ക​ര ന​ഗ​ര​സ​ഭ​യി​ലെ കോ​ട​മ്പു​ഴ സ്വ​ദേ​ശി 39കാ​ര​ൻ മ​ച്ചി​ല​ക​ത്ത് പീ​ടി​യേ​ക്ക​ൽ അ​ബ്​​ദു​റ​ഹീ​മി​ന്‍റെ മോ​ച​ന​ത്തി​നാ​യി കോ​ട​തി ന​ട​പ​ടി​ക​ൾ​ക്ക് പു​റ​മെ കേ​ന്ദ്ര -സം​സ്ഥാ​ന സ​ർ​ക്കാ​റു​ക​ൾ​ക്കും ഇ​ന്ത്യ​ൻ എം​ബ​സി​ക്കും അ​പേ​ക്ഷ ന​ല്‍കി കാ​ത്തി​രി​പ്പി​ലാ​ണ് കു​ടും​ബം.

16 വ​ര്‍ഷം മു​മ്പ് റി​യാ​ദി​ൽ സൗ​ദി പൗ​ര​ൻ അ​ന​സ് ബി​ൻ ഫാ​യി​സ് അ​ബ്​​ദു​ല്ല അ​ൽ ഷി​ഹാ​രി​യു​ടെ സ്പോ​ൺ​സ​ർ​ഷി​പ്പി​ൽ സൗ​ദി​യി​ലേ​ക്ക് ഡ്രൈ​വ​ർ കം ​വീ​ട് സ​ഹാ​യി​യാ​യി 2006 ന​വം​ബ​ർ 18നാ​ണ് അ​ബ്​​ദു​റ​ഹീം ജോ​ലി​യി​ലെ​ത്തി​യ​ത്. ഇ​വി​ടെ​യെ​ത്തി​യ ശേ​ഷ​മാ​ണ് ഇ​രി​ക്കാ​നോ ന​ട​ക്കാ​നോ പ​റ്റാ​ത്ത അ​വ​സ്ഥ​യി​ൽ പാ​തി​ത​ള​ർ​ന്ന് ക​ഴി​യു​ന്ന സൗ​ദി പൗ​ര​നെ​യാ​ണ് പ​രി​ച​രി​ക്കേ​ണ്ട​തെ​ന്ന് അ​റി​യു​ന്ന​ത്. വി​ദേ​ശ​ത്ത് എ​ത്തി​യ റ​ഹീ​മി​ന് ഇ​ക്കാ​മ​യോ ഡ്രൈ​വി​ങ്​ ലൈ​സ​ൻ​സോ കി​ട്ടി​യി​രു​ന്നി​ല്ല.

എ​ന്നാ​ൽ, സൗ​ദി​യി​ലെ​ത്തി 35ാം ദി​വ​സം പാ​തി ത​ള​ർ​ന്ന സൗ​ദി പൗ​ര​നു​മാ​യി യാ​ത്ര ചെ​യ്യേ​ണ്ടി​വ​ന്ന റ​ഹീ​മി​ന് ഓ​ടി​ക്കൊ​ണ്ടി​രി​ക്കു​ന്ന കാ​ർ ചു​വ​ന്ന സി​ഗ്ന​ൽ ക​ണ്ട്​ നി​ർ​ത്തി​യ​പ്പോ​ൾ സൗ​ദി ബാ​ല​ൻ സി​ഗ്ന​ൽ ക്രോ​സ് ചെ​യ്യാ​ൻ ആ​വ​ശ്യ​പ്പെ​ടു​ക​യും റ​ഹീ​മി​ന് നേ​രെ ഒ​ച്ച വെ​ക്കു​ക​യും തു​പ്പു​ക​യും ചെ​യ്തു. റ​ഹീം വ​ല​തു​കൈ കൊ​ണ്ട് ഇ​ത് ത​ട​യാ​ൻ ശ്ര​മി​ച്ചു. ഇ​തി​നി​ടെ സൗ​ദി പൗ​ര​ൻ ത​ല​തി​രി​ച്ച​പ്പോ​ൾ നി​ർ​ഭാ​ഗ്യ​വ​ശാ​ൽ ഭ​ക്ഷ​ണ​ത്തി​നും ശ്വ​സ​ന​ത്തി​നു​മാ​യി ക​ഴു​ത്തി​ൽ പി​ടി​പ്പി​ച്ചി​രു​ന്ന യ​ന്ത്ര​ത്തി​ൽ റ​ഹീ​മി​ന്‍റെ കൈ ​അ​റി​യാ​തെ ത​ട്ടി​യ​ത്​ ഇ​യാ​ളു​ടെ മ​ര​ണ​ത്തി​ന്​ കാ​ര​ണ​മാ​യി. തു​ട​ർ​ന്ന്​ മ​രി​ച്ച സൗ​ദി പൗ​ര​ന്‍റെ കു​ടും​ബം കേ​സ് കൊ​ടു​ക്കു​ക​യും കൊ​ല​ക്കു​റ്റം ചു​മ​ത്തി​യ​തി​നാ​ൽ കോ​ട​തി വ​ധ​ശി​ക്ഷ വി​ധി​ക്കു​ക​യും ചെ​യ്യു​ക​യാ​യി​രു​ന്നു. ഇ​തി​നെ​തി​രെ റി​യാ​ദ് എം​ബ​സി​വ​ഴി ക​ഴി​ഞ്ഞ 16 വ​ർ​ഷ​മാ​യി കേ​സ് ന​ട​ത്തി​ക്കൊ​ണ്ടി​രി​ക്കു​ക​യാ​ണ്. റി​യാ​ദ് കേ​ന്ദ്ര​മാ​യി കെ.​എം.​സി.​സി​യു​ടെ നേ​തൃ​ത്വ​ത്തി​ൽ റ​ഹീ​മി​ന്‍റെ മോ​ച​ന​ത്തി​നാ​യി അ​ന്ന് മു​ത​ൽ ശ്ര​മം തു​ട​രു​ക​യാ​ണ്. കെ.​എം.​സി.​സി​യു​ടെ നേ​തൃ​ത്വ​ത്തി​ൽ ഇ​പ്പോ​ൾ റി​യാ​ദി​ൽ നി​ര​വ​ധി മ​ല​യാ​ളി​ക​ൾ ഉ​ൾ​പ്പെ​ടു​ന്ന സം​ഘ​ട​ന​ക​ളു​ടെ ഒ​രു കൂ​ട്ടാ​യ്മ രൂ​പം​കൊ​ണ്ട് 'നി​യ​മ​സ​ഹാ​യ സ​മി​തി' രൂ​പ​വ​ത്​​ക​രി​ച്ച് പ്ര​വ​ർ​ത്തി​ക്കു​ന്നു​ണ്ട്. പ്ര​വ​ർ​ത്ത​ന​ത്തി​ന് താ​ങ്ങാ​യി നാ​ട്ടി​ൽ ബേ​പ്പൂ​ർ നി​യോ​ജ​ക മ​ണ്ഡ​ല​ത്തി​ൽ സ​ർ​വ​ക​ക്ഷി സ​മി​തി രൂ​പ​വ​ത്​​ക​രി​ച്ചു.

മോ​ച​ന​ത്തി​ന് ഇ​ട​പെ​ട​ണ​മെ​ന്ന് അ​ഭ്യ​ർ​ഥി​ച്ച് കെ.​എം.​സി.​സി​യു​ടെ​യും സാ​മൂ​ഹി​ക പ്ര​വ​ര്‍ത്ത​ക​രു​ടെ​യും നി​യ​മ​സ​ഹാ​യ സ​മി​തി​ക​ളു​ടെ​യും സ​ഹാ​യ​ത്തോ​ടെ എം​ബ​സി​ക്കും സ​ര്‍ക്കാ​റു​ക​ൾ​ക്കും മാ​താ​വും കു​ടും​ബ​വും ക​ത്ത് ന​ല്‍കി​യി​ട്ടു​ണ്ട്. നി​യ​മ​സ​ഹാ​യ സ​മി​തി രൂ​പ​വ​ത്​​ക​ര​ണ​ത്തി​നാ​യി ബേ​പ്പൂ​ർ മ​ണ്ഡ​ല​ത്തി​ലെ രാ​ഷ്ട്രീ​യ​പാ​ർ​ട്ടി​ക​ൾ സം​യു​ക്ത​മാ​യി വി​ളി​ച്ച സ​ർ​വ​ക​ക്ഷി​യോ​ഗ​ത്തി​ൽ ജി​ല്ല ലീ​ഗ് പ്ര​സി​ഡ​ന്‍റ്​ ഉ​മ്മ​ർ പാ​ണ്ടി​ക​ശാ​ല അ​ധ്യ​ക്ഷ​ത വ​ഹി​ച്ചു. കെ.​കെ. ആ​ലി​ക്കു​ട്ടി കേ​സ് സം​ബ​ന്ധ​മാ​യ കാ​ര്യ​ങ്ങ​ൾ വി​ശ​ദീ​ക​രി​ച്ചു. വി​വി​ധ ക​ക്ഷി​നേ​താ​ക്ക​ൾ സം​ബ​ന്ധി​ച്ചു.

Show Full Article
TAGS:Saudi arabia 
News Summary - The family is awaiting the release of a Farouk national who has been in a Saudi prison for 16 years
Next Story