തെരുവുനായുടെ ആക്രമണം; നാലുപേർക്ക് പരിക്ക്

ഫറോക്ക്: വിദ്യാർഥിനിയെയും യുവതിയെയുമടക്കം നാലുപേരെ തെരുവുനായ് കടിച്ചു. ബന്ധുവീട്ടിൽനിന്ന് മടങ്ങുകയായിരുന്ന ഫറോക്ക് നല്ലൂർ സ്വദേശിനി അമൃത (33), വിദ്യാർഥിനി ഒളവണ്ണ സ്വദേശിനി അർച്ചന (15), മണക്കടവ് സ്വദേശി എൻജിനീയർ മോഹൻ (60), രജികുമാർ (45) എന്നിവരെയാണ് തെരുവുനായ് ആക്രമിച്ചത്. പരിക്കേറ്റവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ച് പ്രതിരോധ കുത്തിവെപ്പ് നടത്തി.