റഹീമിന് വീടും ബിസിനസും വാഗ്ദാനം; ഇനി വേണ്ടത് ജീവിതസഖി

ഫ​റോ​ക്ക്: സൗ​ദി​യി​ൽ​നി​ന്ന് ജ​യി​ൽ മോ​ചി​ത​നാ​യി തി​രി​ച്ചെ​ത്തു​ന്ന അ​ബ്ദു​ൽ റ​ഹീ​മി​നു​വേ​ണ്ടി വീ​ടും ബി​സി​ന​സും ഒ​രു​ക്കാ​ൻ ര​ണ്ടു വ്യ​വ​സാ​യി​ക​ൾ മു​ന്നോ​ട്ടു​വ​ന്ന​തോ​ടെ അ​വ​ന് ഒ​രു ജീ​വി​ത​സ​ഖി വേ​ണ​മെ​ന്ന ഉ​മ്മ ഫാ​ത്തി​മ​യു​ടെ ആ​ഗ്ര​ഹം സ​ഫ​ല​മാ​കു​മെ​ന്നു​റ​പ്പി​ക്കാം.

നാ​ട്ടി​ൽ ഡ്രൈ​വ​റാ​യി​രി​ക്കെ 26ാം വ​യ​സ്സി​ൽ സൗ​ദി​യി​ലെ​ത്തി മ​നഃ​പൂ​ർ​വ​മ​ല്ലാ​ത്ത കേ​സി​ൽ​പെ​ട്ട് 18 വ​ർ​ഷം ജ​യി​ൽ ശി​ക്ഷ അ​നു​ഭ​വി​ക്കു​ന്ന​തി​നി​ട​യി​ൽ ഇ​ങ്ങ​ക​ലെ കോ​ട​മ്പു​ഴ​യി​ലെ കൊ​ച്ചു വീ​ട്ടി​ലി​രു​ന്ന് മ​ക​ന്‍റെ ഭാ​വി കാ​ര്യ​ങ്ങ​ളോ​ർ​ത്ത് വ്യാ​കു​ല​പ്പെ​ടു​ക​യാ​യി​രു​ന്നു റഹിമിന്‍റെ ഉമ്മ.

ഓ​രോ മ​ക്ക​ളു​ടെ​യും ഭാ​വി​യെ​ക്കു​റി​ച്ച് മാ​താ​പി​താ​ക്ക​ൾ ക​ണ​ക്കു​കൂ​ട്ടു​ന്ന പോ​ലെ റ​ഹീ​മി​നെ​ക്കു​റി​ച്ച് ഉമ്മ ഓ​രോ ദി​ന​ങ്ങ​ളി​ലും സ്വ​പ്നം ക​ണ്ടു​കൊ​ണ്ടേ​യി​രു​ന്നു. അ​പ്പീ​ലു​ക​ളി​ൽ കോ​ട​തി​ക​ൾ വ​ധ​ശി​ക്ഷ​യി​ൽ ഉ​റ​ച്ചു​നി​ൽ​ക്കു​ക​യും കാ​ലാ​വ​ധി 18 വ​ർ​ഷ​മാ​വു​ക​യും ഒ​ടു​വി​ൽ വ​ധ​ശി​ക്ഷ വി​ധി​ക്കു​ക​യും ചെ​യ്ത​തോ​ടു​കൂ​ടി സ്വ​പ്ന​ങ്ങ​ൾ​ക്കെ​ല്ലാം മ​ങ്ങ​ലേ​റ്റു. വ​ധ​ശി​ക്ഷ ഒ​ഴി​വാ​ക്കാ​ൻ പാ​രി​തോ​ഷി​ക​മാ​യി 34 കോ​ടി ആ​വ​ശ്യ​പ്പെ​ട്ട​തോ​ടെ ആ​ഗ്ര​ഹ​ങ്ങ​ളെ​ല്ലാം വീ​ണ്ടും അ​സ്ത​മി​ച്ചു.

ജ​ന​കീ​യ കൂ​ട്ടാ​യ്മ​യി​ൽ ദി​വ​സ​ങ്ങ​ൾ​ക്കു​ള്ളി​ൽ കോ​ടി​ക​ൾ പി​രി​ഞ്ഞു​കി​ട്ടു​ക​യും പ​ണം കൊ​ടു​ത്താ​ൽ മ​ക​ന് മോ​ച​നം സു​നി​ശ്ചി​ത​വു​മെ​ന്ന് വ​ന്ന​തോ​ടെ​യാ​ണ് വീ​ണ്ടും മ​ക​നെ​ക്കു​റി​ച്ച് സ്വ​പ്ന​ങ്ങ​ൾ കാ​ണാ​ൻ തു​ട​ങ്ങി​യ​ത്.

വ്യ​വ​സാ​യി​ക​ളാ​യ ലു​ലു ഗ്രൂ​പ് ചെ​യ​ർ​മാ​ൻ എം.​എ. യൂ​സു​ഫ​ലി വീ​ടും ബോ​ബി ചെ​മ്മ​ണ്ണൂ​ർ ബോ​ച്ചെ ടീ​യു​ടെ ഫ്രാ​ഞ്ചൈ​സി ആ​രം​ഭി​ക്കാ​നും അ​തു​വ​ഴി റ​ഹീ​മി​ന് ജീ​വി​ത​മാ​ർ​ഗം ക​ണ്ടെ​ത്താ​മെ​ന്നും പ്ര​ഖ്യാ​പി​ച്ച​തോ​ടു​കൂ​ടി​യാ​ണ് ഇ​നി ഒ​രു പ്രി​യ​സ​ഖി​യെ​യാ​ണ് വേ​ണ്ട​തെ​ന്ന തീ​രു​മാ​ന​ത്തി​ലേ​ക്ക് ഉമ്മയുടെ മ​ന​സ്സ് എ​ത്തി​ച്ചേ​ർ​ന്ന​ത്. ആ​റു മ​ക്ക​ളി​ൽ ഇ​ള​യ​വ​നാ​ണ് റ​ഹീം. മൂ​ന്നു സ​ഹോ​ദ​രി​മാ​രും ര​ണ്ട് സ​ഹോ​ദ​ര​ന്മാ​രു​മാ​ണ് റ​ഹീ​മി​നു​ള്ള​ത്.