വ്യാജ കാഫിർ സ്ക്രീൻഷോട്ട് കേസ് ‘ആവിയാകുന്നു’

കോ​ഴി​ക്കോ​ട്: ലോ​ക്സ​ഭ തെ​ര​ഞ്ഞെ​ടു​പ്പ് വേ​ള​യി​ൽ വ​ലി​യ കോ​ളി​ള​ക്കം സൃ​ഷ്ടി​ച്ച വ്യാ​ജ കാ​ഫി​ർ സ്ക്രീ​ൻ​ഷോ​ട്ടു​മാ​യി ബ​ന്ധ​പ്പെ​ട്ട കേ​സ് ‘ആ​വി​യാ​കു​ന്നു’. കേ​സ് ര​ജി​സ്റ്റ​ർ ചെ​യ്ത് ഒ​രു​വ​ർ​ഷ​മാ​യി​ട്ടും മു​ഖ്യ​പ്ര​തി​യെ ക​ണ്ടെ​ത്തി അ​റ​സ്റ്റു​ചെ​യ്യാ​നോ കു​റ്റ​പ​ത്രം ന​ൽ​കാ​നോ അ​ന്വേ​ഷ​ണ​സം​ഘ​ത്തി​ന് ക​ഴി​ഞ്ഞി​ട്ടി​ല്ല. അ​ന്വേ​ഷ​ണം അ​ന​ന്ത​മാ​യി നീ​ളു​ന്ന​തി​ൽ വി​വി​ധ കോ​ണു​ക​ളി​ൽ​നി​ന്ന് വി​മ​ർ​ശ​ന​വും ഉ​യ​രാ​ൻ തു​ട​ങ്ങി.

നേ​ര​ത്തേ യു.​ഡി.​എ​ഫ് അ​തി​ശ​ക്ത​മാ​യ സ​മ​രം ന​ട​ത്തി​യ​പ്പോ​ൾ അ​ന്വേ​ഷ​ണം മു​ന്നോ​ട്ടു​പോ​യെ​ങ്കി​ലും ഒ​രു​ഘ​ട്ടം ക​ഴി​ഞ്ഞ​പ്പോ​ൾ പൊ​ലീ​സ് ഇ​രു​ട്ടി​ൽ ത​പ്പു​ന്ന നി​ല​പാ​ട് സ്വീ​ക​രി​ക്കു​ക​യാ​യി​രു​ന്നു. വ​ട​ക​ര​യി​ൽ യു.​ഡി.​എ​ഫ് സ്ഥാ​നാ​ർ​ഥി ഷാ​ഫി പ​റ​മ്പി​ലി​ന്റെ​യും എ​ൽ.​ഡി.​എ​ഫ് സ്ഥാ​നാ​ർ​ഥി കെ.​കെ. ശൈ​ല​ജ​യു​ടെയും പ്ര​ചാ​ര​ണം കൊ​ടു​മ്പി​രി​ക്കൊ​ണ്ടി​രു​ന്ന​പ്പോ​ഴാ​ണ് പെ​ട്ടെ​ന്ന് വ്യാ​ജ സ്ക്രീ​ൻ ഷോ​ട്ട് പ്ര​ത്യ​ക്ഷ​പ്പെ​ടു​ന്ന​ത്.

തെ​ര​ഞ്ഞെ​ടു​പ്പി​ന്റെ പ​ര​സ്യ​പ്ര​ചാ​ര​ണം തീ​രു​ന്ന 2024 ഏ​പ്രി​ൽ 25ന് ​കെ.​കെ. ശൈ​ല​ജ​യെ കാ​ഫി​റാ​യി ചി​ത്രീ​ക​രി​ച്ച് എം.​എ​സ്.​എ​ഫ് നേ​താ​വ് പി.​കെ. മു​ഹ​മ്മ​ദ് കാ​സി​മി​ന്റെ പേ​രി​ലാ​ണ് വ്യാ​ജ സ്ക്രീ​ൻ​ഷോ​ട്ട് പ്ര​ച​രി​ച്ച​ത്. പെ​ട്ടെ​ന്നു​ത​ന്നെ ഇ​ത് സ​മൂ​ഹ​മാ​ധ്യ​മ​ങ്ങ​ളി​ലാ​കെ നി​റ​യു​ക​യും എ​ൽ.​ഡി.​എ​ഫും യു.​ഡി.​എ​ഫും ഇ​തി​നെ ചൊ​ല്ലി പ​ര​സ്പ​രം കൊ​മ്പു​കോ​ർ​ക്കു​ക​യു​മാ​യി​രു​ന്നു.

മു​സ്‍ലിം ലീ​ഗാ​ണ് സ്ക്രീ​ൻ ഷോ​ട്ടി​ന് പി​ന്നി​ലെ​ന്ന് ആ​രോ​പി​ച്ച് സി.​പി.​എം രം​ഗ​ത്തു​വ​ന്ന​തോ​ടെ വി​വാ​ദം കൂ​ടു​ത​ൽ ആ​ളി​ക്ക​ത്തി. ആ​രോ​പ​ണം നേ​രി​ട്ട മു​ഹ​മ്മ​ദ് കാ​സിം​ത​ന്നെ നേ​രി​ട്ട് വ​ട​ക​ര പൊ​ലീ​സ് സ്റ്റേ​ഷ​നി​ലെ​ത്തി ത​ന്റെ മൊ​ബൈ​ൽ ഫോ​ൺ കൈ​മാ​റു​ക​യും കേ​സെ​ടു​ത്ത് അ​ന്വേ​ഷ​ണം ന​ട​ത്തി സ​ത്യാ​വ​സ്ഥ പു​റ​ത്തു​​കൊ​ണ്ടു​വ​രാ​ൻ ആ​വ​ശ്യ​പ്പെ​ടു​ക​യും ചെ​യ്തു.

പൊ​ലീ​സ് അ​ന്വേ​ഷ​ണ​ത്തി​ൽ ഈ ​ഫോ​ണി​ൽ​നി​ന്ന​ല്ല സ്ക്രീ​ൻ ഷോ​ട്ട് പ്ര​ച​രി​പ്പി​ച്ച​തെ​ന്നും ഇ​ട​ത് സൈ​ബ​ർ ഗ്രൂ​പ്പു​ക​ളി​ലാ​ണ് സ്ക്രീ​ൻ​ഷോ​ട്ട് ആ​ദ്യം എ​ത്തി​യ​തെ​ന്നും വ്യ​ക്ത​മാ​യി. ഇ​തോ​ടെ വി​വാ​ദം കേ​ര​ള​മാ​കെ ആ​ളി​ക്ക​ത്തി. ഇ​തി​നി​ടെ മു​ഹ​മ്മ​ദ് കാ​സിം ഹ​ര​ജി ന​ൽ​കി​യ​തോ​ടെ ഹൈ​കോ​ട​തി പൊ​ലീ​സി​​നോ​ട് കേ​സി​ന്റെ അ​ന്വേ​ഷ​ണ റി​പ്പോ​ർ​ട്ടും ആ​വ​ശ്യ​പ്പെ​ട്ടു. വ്യാ​ജ സ്ക്രീ​ൻ​ഷോ​ട്ട് പ്ര​ച​രി​പ്പി​ച്ച​ത് ഇ​ട​ത് സൈ​ബ​ർ ഗ്രൂ​പ്പു​ക​ളാ​ണെ​ന്ന് ചൂ​ണ്ടി​ക്കാ​ട്ടി​യാ​യി​രു​ന്നു പൊ​ലീ​സി​ന്റെ അ​ന്വേ​ഷ​ണ റി​പ്പോ​ർ​ട്ട്.

ഏ​പ്രി​ൽ 25ന് ​ഉ​ച്ച​ക്ക് 2.13ന് ​റെ​ഡ് എ​ൻ​കൗ​ണ്ട​ർ വാ​ട്സ്ആ​പ് ഗ്രൂ​പ്പി​ലാ​ണ് സ്ക്രീ​ൻ​ഷോ​ട്ട് ആ​ദ്യം പ്ര​ത്യ​ക്ഷ​പ്പെ​ട്ട​ത്. 2.34ന് ​റെ​ഡ് ബ​റ്റാ​ലി​യ​ൻ വാ​ട്‌​സ്‌​ആ​പ് ഗ്രൂ​പ്പി​ലും സ്ക്രീ​ൻ​ഷോ​ട്ട് വ​ന്നു. അ​ന്ന് വൈ​കീ​ട്ട് മൂ​ന്നി​ന് അ​മ്പാ​ടി​മു​ക്ക് സ​ഖാ​ക്ക​ൾ എ​ന്ന ഫേ​സ്ബു​ക്ക് പേ​ജി​ൽ അ​ഡ്‌​മി​ൻ മ​നീ​ഷ് സ്ക്രീ​ൻ​ഷോ​ട്ട് പോ​സ്റ്റ് ചെ​യ്തു.

രാ​ത്രി 8.23ന് ​പോ​രാ​ളി ഷാ​ജി ഫേ​സ്ബു​ക്ക് പേ​ജി​ലും സ്ക്രീ​ൻ​ഷോ​ട്ട് വ​ന്നു. അ​ഡ്‌​മി​ൻ അ​ബ്ബാ​സാ​ണ് പോ​രാ​ളി ഷാ​ജി പേ​ജി​ൽ പോ​സ്റ്റ് ചെ​യ്ത​ത്. സി.​പി.​എം അ​നു​കൂ​ല​മാ​ല സൈ​ബ​ർ ഗ്രൂ​പ്പി​ന്റെ അ​ഡ്‌​മി​ന്മാ​രെ ചോ​ദ്യം ചെ​യ്ത​പ്പോ​ഴാ​ണ് ഡി.​വൈ.​എ​ഫ്.​ഐ നേ​താ​വും അ​ധ്യാ​പ​ക​നു​മാ​യ റി​ബേ​ഷി​ന്റെ ഫോ​ണി​ൽ​നി​ന്നാ​ണ് സ്ക്രീ​ൻ​ഷോ​ട്ട് ആ​ദ്യ​മാ​യി ല​ഭി​ച്ച​തെ​ന്ന് പൊ​ലീ​സി​ന് വ്യ​ക്ത​മാ​യ​ത്.

എ​ന്നാ​ൽ, ഇ​താ​രാ​ണ് നി​ർ​മി​ച്ച​തെ​ന്ന് ക​ണ്ടെ​ത്താ​ൻ ഫോ​ണു​ക​ൾ ഫോ​റ​ൻ​സി​ക് പ​രി​ശോ​ധ​ന​ക്ക് അ​യ​ച്ചെ​ങ്കി​ലും റി​പ്പോ​ർ​ട്ട് കി​ട്ടി​യി​ട്ടി​ല്ലെ​ന്നാ​ണ് പൊ​ലീ​സ് അ​റി​യി​ച്ച​ത്. മെ​റ്റ​യി​ൽ​നി​ന്ന് വി​വ​ര​ങ്ങ​ൾ ല​ഭി​ക്കാ​ത്ത​തും തു​ട​ര​ന്വേ​ഷ​ണ​ത്തെ ബാ​ധി​ച്ചി​ട്ടു​ണ്ടെ​ന്നും പൊ​ലീ​സ് റി​പ്പോ​ർ​ട്ട് ന​ൽ​കി.

കേ​സു​മാ​യി ബ​ന്ധ​പ്പെ​ട്ട് റി​ബേ​ഷി​നെ​തി​രെ വി​ദ്യാ​ഭ്യാ​സ വ​കു​പ്പ് വ​കു​പ്പു​ത​ല അ​ന്വേ​ഷ​ണം ന​ട​ത്തി​യെ​ങ്കി​ലും തു​ട​ർ​ന​ട​പ​ടി​ക​ൾ പി​ന്നീ​ട് മ​ര​വി​പ്പി​ച്ചു. വ്യാ​ജ സ്ക്രീ​ൻ​ഷോ​ട്ട് സി.​പി.​എം സം​സ്ഥാ​ന ക​മ്മി​റ്റി അം​ഗ​ം കെ.​കെ. ല​തി​ക ഫേ​സ്ബു​ക്കി​ൽ പ​ങ്കു​വെ​ച്ച​തും വ​ലി​യ വി​വാ​ദ​ത്തി​ന് തി​രി​കൊ​ളു​ത്തി​യി​രു​ന്നു.